مقلوبه دجاج بطريقه زيووونه
اخواتي عضوات منتدى حواء اتمنى تعجبكم اول طبخه او بمعنى اصح اول موضوع طبخ انزله بها القسم
الوصفه سهله جدا والمقادير متوفره بكل بيت وكمان مافيه مقادير محدده يعني تسويه على قد اللي يكفيك انتي واهل بيتك واللحين نبدء
المقادير والطريقه على اربع اقسام :
القسم الاول دجاجه مغسله وبدون جلد ومقطعه حسب الرغبه -بصل مقطع كبير- حبه ماجي-قليل ملح-اعواد قرفه-5 حبات هيل - 3حبات مسمار- ماء ساخن وهذي كلها في قدر الضغط تسلقيها ثلاثه ارباع سلقه
ثم شيلي الدجاج من المرقه وخليه على جنب
القسم الثاني ارز بسمتي لازم بسمتي مغسول ومنقوع في ماء مغلي مع قليل ملح لمده نص ساعه
اضيفي الرز الى مرقه الدجاج بعد ماصفيتيه من الماء واسلقيه ثلاثه ارباع سلقه واتركيه جانبا
القسم الثالث شرائح بطاطس مقليه- شرائح باذنجان مقليه - شرائح جزر مقليه - شرائح قرن فلفل حار مقلي
وهذي صوره جماعيه للمقادير بعد ماجهزناها بالخطوات السابقه
القسم الرابع طماطم مقطعه نصف حلقات-بصل مقطع نصف حلقات - قليل صلصه-بهارات مشكله ناعمه- فلفل اسود ناعم - كمون ناعم- كزبره ناشفه ناعمه- زيت
اللحين حطي قليل زيت والبصل والبهارات وخليهم يتشوحو شوي
بعدين حطي الدجاج المسلوق والطماطم والصلصه وارفعي عليهم النار واذا بدء يغلي
رصي شرائح الخضار المقليه براحتك يعني تبغي ترصين كل طبقه لوحده مثل ماانا عامله او تخلطينها براحتك ووطي النار على نار هادئه
بعدين حطي الرز وحاولي تضغطينه بالملعقه واتركيه على نار هادئه مره عشان يكمل استواءه وتتسبك المقادير مع بعض حوالي 8-10 دقائق
بعد مرور الوقت افتحي عليه ولاحظو حبات الرز مفلفه كل حبه لوحدها
واللحين كبي الرز في الصحن عشان يكون بشكله اللي رتبناه عليه يعني لاتغرفينه بالملعقه ابدا واستمتعي باحلا بمقلوبه
ومن قريب
اتمنى حبايبي تعجبكم الطبخه واي سؤال انا بالخدمه
تقبلو خالص
ودي
رد مع اقتباس
بسم الله الرحمن الرحيم 
مواقع النشر