اخواتي بنات منتدانا الكرام منتدي بيت حواء
النهارده انشاء الله هشارك معاكوا بطبق من بلادي اللي بعتز بيها ربنا يحفظها من كل شر ويرجعلها ولادها المتغربين بألف سلامه 00 يارب
ويارب طبقي ينال رضاكوا ويعجبكوا
نبتدي 00 بسم الله
- نجيب الباذنجان الاسود الرومي .
- نقطعه طرنشات متوسطة الحجم .
- ونرش عليه شوية دقيق " طحين " علشان ما يشربش زيت كتير " .
- وبعدين نقليه في زيت غزير ونحطه علي مناديل تشرب الزيت .
- في الصينيه نحط شوية زيت ذره ومعاها فصين ثوم مفروم ونحمره لحد ما يصفر لونه .
- وعليها معلقتين كبار صلصة طماطم " وممكن تحطي عصير طماطم بس سيبيها تتسبك شويه " وعليها شوية ماء ومكعب مرقه وملح وفلفل اسود .
- وبعد ما تاخد غلوه حطي ملعقتين سكر وملعقة نعناع ناشف مفروم " هيخلي ريحتها تحفـه 00 وعلي ضمانتي " .
- وبعدين نرص الباذنجان ونحط عليه شويه من الصوص .
- نغطيه بصينيه تانيه ونديله غلوه " يعني حوالي 5 دقائق " .
- وبعدين نحطه في الشوايه علشان ياخد لون .
- شوفوا ماشالله شكله يجنن ومش عايزة اقولكوا علي الريحه .
- ويقــــــــــــــــــــدم بألف هنا 000
أممممممممممممم
يارب يكون عجبكوا واتمني تجربوه وتقولولي رايكوا ايه في
أكـــــــــــــــل بلــــــــــــــــدي " مصــــــر "
احترامي وتقديري لكل بنات المنتدي الكرام
أم أحمــــــد
مواقع النشر