الفته الفلسطينيه على اصولها و أكيد بالصور
بداية هاي اول موضوع اشارك فيه ولكن كنت متابعة باستمرار لأغلب الاطباق الموجوده بالمنتدى أرجوا ان اكون خفيفة الظل عليكم وتعجبكم اطباقي
يلا نبدأ
نحتاج الى:
بصلتين - دجاجة (حسب عدد افراد الاسرة) - كوب من الارز (حسب عدد افراد الاسرة) - رقاق (نوع من الخبز يستعمل للفته وسوف اقوم بادراج الطريقة في موضوع مستقل)- فلفل - ثوم - ليمون - ملح وفلفل اسود - بهار رز- وبهارات مشكلة
انا عملت الفته على دجاج محشي ممكن تعمليها على دجاج مقطع ما بتفرق
هيك شكل الرقاق
اولا بنقطع كمية من البصل ونتبلها بالملح والفلفل الاسود ونتركها فتره لحد ما ننظف الدجاجة وتكون جاهزه للحشي
الان هاي الدجاجة نضيفة وجاهزه للمرحلة التانية وهي الحشي
الحشوه عبارة عن :
رز منقوع ومسلوق نص سلقة
خضار مشكلة (اختياري ممكن الاستغناء عنه)
وخلطة البصل الي عملناها بالاول وضفت عليها شوية بهارات الي بتفضليها (انا ضفت بهار رز وبهارات مشكلة)
نخلطهم مع بعض ونضيف شوية زيت ذره عليهم وسلق القونصة وقطعتها وضفتها على الخلطة
ونبدأ نحشي الدجاجة
وهيك الدجاجة جاهزة للطبخ وعلى طول على الطنجرة
بعد ما تغلي بنضيف الها الهيل ( الحب هان ) وعود قرفة ونص حبة زنجبيل ناشف وشوية ملح ونتركها تقريبا ساعه لحتى تستوي...
هيك بعد ما استوت تقريبا ساعه على النار
في هاي الاثناء ننقع كوب رز للفته وندق الفلفل والتوم ونعصر عليهم الليمون ونضيف علية شوية من شربة سلق الدجاج
الان نسلق الارز بماء وشوية ملح
ونتركة حتى ينضج
نقوم بتكسير الرقاق (الفراشيح) في الصينيه ونصب علية كمية من مرق الدجاج الساخن ونغطيها حتى يطري شوي
بعد ذلك نضع علية الرز والدجاج المحمر ونزينه
وهدا الشكل النهائي
وصحتين والف عافية
وان شاء الله يكون الشرح وافي وبتمنى يعجبكم الطبق
وبستنى تطبيقاتكم
رد مع اقتباس
مواقع النشر