دجاج محمر في الفرن مع الأرز الأحمر ...مشاركتي (1) حول العالم في رمضان
بسم الله الرحمن الرحيم
السلام عليكم ورحمة الله وبركاته
وكل عام وأنتم بخير
أعذروني عن فترة غيابي التي لم تكون طويلة بل متقطعة بسبب ظروف خاصة فحبيت أعوض
غيابي عن المنتدى بمشاركتي المتواضعة في أسبوع الطبخات الخليجية والسعودية
وهذي وليمة صغيرة سويتها لأهل زوجي وقدمتها مع حلويات وسلطات بس استحيت اصور
قدامهم لكن الوجبة الرئيسية قبل يجوا صورت براحتي هههههههههه
دجاج محمر في الفرن مع الأرز الأحمر
المقادير :
دجاج مغسول ومنظف ومنقع في خل وملح وشوي ليمون
بهارات ناعمة لتبهير الدجاج ( كمون ,فلفل أسود ,ملح ,كزبرة ناشفة ,بهار الكاري , ثوم ناعم,
بهارات الكيقن الحارة ,وشوي شطة حارة )
بهارات حبات للزر ( ليمون ناشف, قرفة , هيل , قرنفل , فلفل اسود )
8 مكعبات ماجي و4 عبوات صلصة طماطم
6 حبات بصل مقطع أرباع و4 حبات مقطعة جوانح للرز و10 حبات جزر مقطع شرائح كبيرة
10 حبات بطاطس مقشر ومقطع مكعبات كبيرة ومسلوق سلقة خفيفة
3 حبات فلفل رومي مقطعة مكعبات كبيرة للصواني
حبتين طماطم لإضافتها على الرز
نص فنجان زيت زيتون للصواني و 4/3 كاسة زيت كبيرة لحمسة الرز
15 كاسة رز منقوعة في ماء ساحن مع شوي ملح
طبعا أنا مسوية هذي المقادير كلها على 10 حبات دجاج كل وحدة تقيس حسب الكمية
اللي راح تسويها
والصور بتوضح الطريقة :
هذا الدجاج مغسول ونظيف
وهذي البهارات خلطتها مع عبوتين صلصة وزيت الزيتون
وهذي الخضار مجهزة للصينية
وهذا البطاطس مقطع ومسلوق سلقة خفيفة
وهنا جهزت الصواني بخلطة البهارات والخضار وهنا في هذي المرحلة نأخذ على كل صينية مكعبين ماجي
ونذوبها في نص كاس موية ساحنة ونرشها على الدجاج ونضيف رشة زيت زيتون عشان يطلع الدجاج مقرمش
ومحمر ونغطيها بالقصدير وعلى الفرن على طول وأنا قسمتها في صينيتين
وبعدين نجهز حمسة الرز طبعا البصل والزيت مع البهارات الحبات ونطفيها بالصلصة وحبات الفلفل الحار وحبات
الطماطم المقطعة إلى ارباع عشان تعطي نكهة للرز ومكعبات الماجي
بعدها نضيف الرز والماء الساخن ونغطي عليه لحد ما ينضج
طبعا بعد ما ينضج الدجاج نشيل القصدير و نترك الدجاج يتحمر من فوق
وهذا شكل الصواني بعد ما تحمرت
وهذا الشكل النهائي بعد الزحمة هذي كلها وبالأخير زينتها باللوز والبصل المحمر
وقدمتها مع الايدام والسلطات الحارة وسلطة اللبن والحلويات بس للاسف ما صورتها
خجلت من الأوادم
.
.
وللجميع تمنياني بدوام الصحة والعفو والعافية
.
.
محبتكم / أم معاذ
رد مع اقتباس
مواقع النشر