مظغوط ع طريقتي بالقدر العادي ادخلو وشوفو من مطبخي ..

[عذبة النفس]

السلام عليكم ورحمة الله وبركاته
صباح الخير يالغوالي كيفكم ان شاء الله طيبين
انا بصراحه من زمان منكم ومن زمان مانزلت مواضيع
فقلت لازم انزل موضوع لحبايبي اخواتي ببيت حواء
انا اليوم مسويه مظغوط بس ع طريقتي مو بقدر الظغط لا بالعادي
قلت لازم اغير واشوف وش راح يطلع وفعلا طلع شي خطير
مقادير المظغوط كالاتي..
نص حبة دجاجه مقطعه قطع صغيره
حبة بصله
حبة طماطم
زيت حسب الرغبه
صلصة طماطم ملعقتين شاي كبيره
بقدونس او كزبره الموجود
4حبات هيل و 4 حبات مسمار
ملح / بهارات مشكله
جزر وفلفل اخضر
مكرونه مسلوقه
الطريقه
نضع البصل ع الزيت في القدر ونقوم بتحريكه حتى يصير لونه ذهبي

نضع الدجاج مع البهارات ونحرك نخليها تتكشن مع بعضها

بعدين نحط الطماطم والصلصه والبقدونس ونحرك ونخليها تتسبك مع بعض ..

نحط الهيل والمسمار ونحرك بعين نضيف المويه ونخليها تطبخ شوي لحد مانشوف لدجاج قرب يستوي..

نحط الرز ونقلب ونضيف شوي مويه لحد مايتغطى الرز ونتركه يسستوي ع نار هادئه ...

*
*
*
نجي للحشوه ..
نحط البصل في شوي زيت ونقلبه لحد مايصير لونه ذهبي ..

نحط عليه الجزر المبشور حبه او حبتين ع حسب انا حطيت حبه
ع نص فلفل بارد مقطع صغار مع شوي بقدونس طبعا ماكان عندي كزبره حطيت البقدونس
ونقلب حتي يذبل ونحط عليه مكرونه سلقتها في مويه وزيت وذرة ملح
وشلتها من المويه ع جنب طبعا بعد مااستوت
ونقلبها مع بعض عشان تتسبك معاها ونطفي ع النار ...

ونحط المكرونه بعد ماسلقتها بمويه وشوية زيت ونحركها مع بعض

طبعا الزر خلاص استوى وحطيته بصحن وحطيت عليه الحشوه وهذا شكله النهائي ...

بصراحه ماتوقعته راح يطلع كذا
وان شاء الله يكون عجبكم وحاز ع استحسانكم ...
لاامانع من النقد فديتـــــــكم ..
تقبلو خالص حبي اختكم
.. عذبة النفس ..

[لؤلؤة2005]

تسلم الايادي الحلوة عذوبة
هنا وعافية عليكم ياقلبي
لكن الصور كبيرة جدآ صغريها وارسليها لي على الخاص
او راسلي الاخت ام عمر
http://forum.hawahome.com/u451328.html
بارك الله فيك وننتظر جديدك .

[skyline]

ماشاءالله تبارك الله
تسلم ايديكِ سهل وبسيط ونتيجة رائعة ومنظر يشهي

[جنون الغرااام]

ماشاء الله تبارك الرحمن

مضغوط مشهي وشكله رايق

ولذيذ وخطوات سهله تسلم الايادي

وماننحرم منك ومن جديدك

عسسسسسساك على القوة تقبلي مروري واحترامي ^_*