مساءكم / صباحكم أنـــــــــــا
اليوم بنزل لكم تطبيقي لخبز أختنا أميره الله يجزاها خير من جد روووعه
http://forum.hawahome.com/t273807.html
طبعا أنا استخدمت نص المقادير وبعد مااستخدمت الآله استخدمت الصاجه وطبقت طريقة أختي ديم في منتدى آخر والنتائج واو .. ماشاء الله ربي يسعدهم
نجي للمقادير :
2 كاس دقيق
نص ملعقه طعام خميره
نص ملعقه طعام حليب بودره
نص ملعقه طعام سكر مطحون
ربع ملعقه طعام ملح
كاس الا شوي مويه دافيه
وأنا أضفت حبه سوداء <<<< عشان يطلع خبزي صحي ومفيد
الطريقه /
نخلط المقادير الجافه وبعدين نضيف المويه ونعجنهم تطلع لنا عجينه لينه الين شوي من عجينة الفطاير نعجنها ونخليها تخمر مدة ثلث ساعه نص ساعه
بعدين نكورها كور متوسطه صغيره اللي يناسبك بصحن مرشوش دقيق بعد ماتكورينهم تقلبينهم فيه وتخلينهم شوي تغطينهم بفوطه تقريبا عشر دقايق
وهالوقت نحمي الصاجه على نار متوسطه
نروح للعجينه ونبدا نفردها على سطح مرشوش بدقيق
والحين اترككم مع مراحل الخبز على الصاجه مع ملاحظة التقليب المستمر وبتلاحظون انتفاخها ولو حصلت مكان تنسيم سدوه بفوطه علشان يكتمل النفخ للخبزه
وهذي النتيجه النهائيه وصوره من الداخل
بصراحه ما شاء الله زي الجاهز طعمه لكن المشكله اللي واجهتني انو كثير يطلع فيهم تنسيم وماينتفخون انتفاخ كامل
وللذمه بعد العجينه حقت اليوم اللي أضفت فيها الحبه السوداء والخبز هذا تصوير امس بدون حبه سوداء بس نفس النتيجه وبالعافيه على قلوبكم
دعواتكم
مواقع النشر