ديوانية عالم البناء والعمار

[Ana maryoma]

السلام عليكم,,,,,,,,,,,,

بنات انا حابة نضيف موضوع جديد لمنتدانا الحبيب يعم الفائدة عالجميع، نناقش فيها البناء والتعمير ومشاكلو من تصاريح البناء والتصاميم و سيراميك وتلييس وبوية وجبس وحمامات ومطابخ وديكور وندرسها وناخد اراء بعضو حتى نحصل على اجمل بيت عمر............وكذلك السيدات اللي تبغى تغير الصالونات او تضفي شي جديد لبيتها...

بس يا ريت اللي تذكر مساوء شيء تفسر أكثر ايش العيوب والسيلبيات وايش الايجابيات

وان شاء الله يكون الموضوع اعجبكم ويلاقي اقبال من الادارة الموقرة

[Ana maryoma]

ترى لا تفشيلوني انا دوبي جاية جديدة لمنتداكم وكلي حماس............وطلعت من منتدى تاني لأنو يجيب القهر تحط موضوع ولا حد يقلك صباح الخير................ويا ريت تقبلوني واحدة منكم


ونبدأ ان شاء الله

وعلى فكرة .ترى أنا دراسات تصاميم وديكور .......يعني اي استفسار عن الديكور المودرن الاوروبي انا حاضرة.....واحنا في طور بناء عمارة تجاري سكني مع اخوان زوجي ...دكاكين اسفل وشقق بس كل واحد واخد دور كامل ...تراني بالدور التاني ...وانا من جدة

[Ana maryoma]

أنا جاتني فكرة شرحتها للمهندس لاني استفدت من كل الاخطاء في بيت الايجار............اول الواحد ما يدخل يحصل الجزم (انتو بكرامة) مليانا السيب وانا احب كل شيء منظم عشان كده صممت غرفة خاصة في المدخل للأحذية يعني لما نيجي من العمل ندخل الغرفة نحط الجزم ونلبس شبشب البيت........وقلت مرة وحدة احط فيها مكان للعبي................بس طبعا كل حيكون فخو ومرتب وأحط بف ومرايا في الغرفة انا عملتها 2*2 انشاء الله تكفي

[sara.bas]

فكرتك مره حلوه بيطلع البيت مرتب مره


صراحه انا ماعندي افكار وتوني على اني اصمم بيتي


بس حبيت اشارك بموضوعك

يعطيك العافيه ياقلبي