أبغى أستشيركم لو سمحتوا ادخلوا الله يوفقكم ..

**دينـــــا** · 09-05-2010, 05:42 AM

السلام عليكم ورحمة الله وبركاته ..

أنا امرأة متزوجة صار لي سنتين ولله الحمد ..

ربي ماكتب لي الحمل لحد الآن ..

استخدمت حبوب منع الحمل لمدة 3 شهور بس في بداية زواجي

استخدمت حبوب منع حمل اسمها ( microgynon 30 )

وهذي صورتها

والدورة عندي منتظمة ولله الحمد >> يعني تتأخر يومين أو تتقدم يومين بس ..

واليوم جتني الدورة

بس لاحظت أنو بهذي الدورة وبالدورة اللي قبلها أول يوم من الدورة ماينزل دم

ينزل سائل لونه بني فاتح مع هواء قوي بعدين من ثاني يوم ينزل دم عادي

ماأدري وش السبب !

مع العلم أنو ماقد صار لي كذا أبدآ .. حتى الدم اللي ينزل عندي مو كثير مرة ولا قليل مرة يعني متوسط ..

ياليت اللي تعرف شي عن هالسائل البني تفيدني ؟؟

وبعد عندي سؤال ثاني ..

قررنا أنا وزوجي نروح نكشف عند مستشفى ..

وأنا ماأعرف وش السالفة

أبغى منكم تقولون لي عن أطباء ممتازين في مستشفيات حكومية في الرياض يعملون فحوصات لي ولزوجي ..

وياليت اللي عملت فحص تقول لي أيش نوع الفحص اللي يعملونه للمرآة وللرجل لأني ماأعرف

وياليت تخبروني عن أسعار الفحوصات عند المستشفيات الخاصة ,, وأيش أحسن مستشفى خاص للعلاج ؟

ولكم مني جزيل الشكر ..

والله يوفق كل وحدة ترد علي ويرزقها اللي في بالها يارب ..

( ادعوا لي إن ربي يرزقني الذرية الصالحة السليمة المعافاة )