حياتي كتاب والكل يقراه ...

[ســـارته]

[align=center]

السلام عليكم ورحمة الله وبركاته ..

خواتي بنات منتديات حواء ...

انا عندي مشكله واتمنى الكل يشاركني فيها ...

متزوجه وعمري 25 سنه وام لبنت 5 سنوات ولد 7 شهور ...

عشت حياتي الزوجيه من بدايتها .. بمشاكل ...

(( شك زوجي فيني )) او خلوني اقولكم هو دائما يفكر بالناس غلط ...

او سنه زواج مثل ماقلت لكم كانت ملايانه مشاكل ... واهلي كل ما اواجهه مشكله يهونوووها علي..

وارجع لزوجي .. حملت ببنتي وكانت فتره صعبه علي لان زوجي كان متحكم فيني ومنعني حتى ..

من الكل الا بيت اهلي .. ولما قلت لاهلي الموضوع .. قالو زوجك وله الحق ... ومااخبي عليكم ..

احس ان اهلي لهم جزء من المشكله .. لانهم عودو زوجي على اشياء كثيره انا ماكنت متقبلتها ...

المهم ... تمر الايام وانا مهمومه وماني سعيده ...

زوجي يسهر ..

زوجي يعتمد على اهله بكل شي..

زوجي متاكل على اهلي لانهم اللي ناقصني بيجيبونه ..

زوجي مايشاركني اسراره وان فكر يشاركني اكتشف اني اخر من يعلم ...

زوجي ماعطاني المجال اتحمل مسئولية ..



بصراحه انا تعبانه من هالوضع ... المفروض الحين انا وهو نعيش حياتنا وكل واحد يشل هم الثاني ويساند الثاني

مااحس اني قريبه .. حتى مايحسسني بحبه لي .. انا ماني من اولوياته ... يتاثر كثير باهله يعني انا اكون انا وياه

ماخذين قرار ويروح يكلم اهله يرد بكلامه ...


زوجي ... مايقصر وياي من ناحية الماده بس كل مااطلب منه مبلغ يقعد يحاااسبني ويطلع عيوني ويسالني وين

صرفيتيهم وحق شنو ..؟؟

انتقلنا .. لبلده ثانيه ..
وصارت مادة زوجي احسن بكثير عن قبل صحيح اني ابتعدت عن اهلي وهو كمان وقلت يمكن استقل عنهم

وتصير لنا خصوصيه اكثر ... ماتغير شي .. بس مراعاة لي صارت اوضح ..

وبتكلم .. عن شغله مهمه .

اللي هي .. علاقتنا الزوجيه ..

علاقتنا .. كمان مش اوكي ...

يجيني بعد السهر مع اصحابه 1 او 2 وانا اكون نايمه .. لاني ماني من النوع اللي يسهر ... ماعنده تقدير للمشاعر

والاحاسيس وقت اللي يبي يصير شي بيينا لازم يصير .. وانا حاولت اكثر من مره افهمه المفروض العلاقه الزوجيه

تكون برضى الطرفين والمزاج يكون رايق .. وتكون عن طيب خاطر ... لكن ولا شي من هذا يصير ..



انا تعبت والله من حياتي وياه .. سلبي جدا وعصبي ...مايحس بالمسئوليه الا مع اصحابه ...

لكن مع هذا انا عارفه ان قلبه طيب ...

علموني كيف امتلك زوجي ... مالي الا الله ثم انتم ...[/align]

[ســـارته]

[align=center]

معقوووله ..؟؟!![/align]

[الدرداء]

الله يفرج همك اختي لابد تتفاهمي مع زوجك بأسلوب حلو وفي وقت هادئ ومناسب

وصدقيني ماعندك مشكله هذي اموور تصير دائما واحمدي الله كثيرا


اسأل الله ان يسعدك بالدااارين

[ســـارته]

الله يفرج همك اختي لابد تتفاهمي مع زوجك بأسلوب حلو وفي وقت هادئ ومناسب

وصدقيني ماعندك مشكله هذي اموور تصير دائما واحمدي الله كثيرا


اسأل الله ان يسعدك بالدااارين

تسلمين ياقلبي ...

التفاهم معه صعب ودائما وعنده قناعه انه راييه هو الصح .. وحتى لو اقتنع بمجرد انه يتكلم مع اي احد ويقنعه

راح يغير رايه ..