لا يفوووووووووووووتكم الموضووووووووع اللي بيضحك يدخل واللي بيزعل كمان يدخل !!!
صفحة 1 من 16 123411 ... الأخيرةالأخيرة
النتائج 1 إلى 4 من 61

الموضوع: لا يفوووووووووووووتكم الموضووووووووع اللي بيضحك يدخل واللي بيزعل كمان يدخل !!!

  1. #1
    مشرفة سابقة محررة مبدعة الصورة الرمزية {~جوود~}
    تاريخ التسجيل
    Nov 2006
    الدولة
    في أرض الله الواسعه
    المشاركات
    14,942
    معدل تقييم المستوى
    34

    لا يفوووووووووووووتكم الموضووووووووع اللي بيضحك يدخل واللي بيزعل كمان يدخل !!!

    الموضوع منقول


    بقلم : وآخزيآهـ وأم جدآيل

    مكتوب بلهجة مكسيكية (سعودية)

    يعني اللي ما يفهم مكسيكي سعودي يريح عمره من البداية ولا

    يقرا الموضوع ..








    بداية مع

    وآخزيآهـ:


    بسم الله الرحمن الرحيم




    أحد قال سماجهـ..؟
    أحد قال مرض..؟
    بالفعل ذا واقعن يحوم التسبد وينغص منامات الجن والانس



    يااااربييه وتقولون لي خليتس مره وتقولون لي الحريم موب بثراات قسمن الواحد صار يستحي هالوقت يقول انه بنت !



    بليلة الخميس الموافق امس وبينما انا منجطله على السرير تسني فقمتن نافقه ومالي من الشيطان طاري وقاعدين انا وجديلتي نسولف
    قررنا في ساعه من السويعات ندق سلف لحدا هالمنتديات النسائيه وماادراك ما المنتديات النسائيهـ!!



    ,’

    اعلان:


    الحقن يابنات طريقه تخلي الزوج يقول لتس كلام حب خلال 24 ساعهـ <~ياحياه الشقى

    جديد:


    زوجي ينام بسروال السنهـ وش السوات؟

    عاجل:


    (ابونا) >>( يعني أبو عيالي) معيي علي نسافر للشرقيه بالقيطار


    لايفوتك:

    ليلتي اللي ماقمنا عقبه الابعد اسبوع(بالصور المتحركه)



    ..!!




    طبعا هذا قطره من بحر مابعد خشينا بالعميق..





    سكرو النور واربطو الاحزمه استعدادا للاقلاع ورجاااءً مانبي حركات نص كم لان الرحله مطوله..









    1/الالعاب الزوجيهـ:











    من تبدا تدخل المنتدى الاوتلقى هاكا "التوقيع" اللي يشوفه الأعمى ومكتوبن عليه العاب زوجيه !





    سارعي قبل نفاذ الكميه"ممنوع دخول المراهقين" ..(خشت ولد توه مخشّن صوتهـ)






    همن يتراكضن هالمهبل عشان يقشقشن من هالخرابيط وماتشوفون الاغبرتهن بزعم انهن بيطيحن رجالهن هالحين قسمن مادرى عنتس انتي وقراطيستس !!عساه يخلص حاجته ويسحب..







    لعبة العصا المضيئه (عصير غوار مهوب لعبه)












    عزيزتي العريسهـ لما يطفى الكهرب عليكم ماعليتس الا انتس تقومين وتأشرين بها في عين رجلتس وتقولين انا هناا من باب الظرافه يعني..
    لحظتها بيلحقتس واذا خلصتي كبي اللون على جسمتس لين تغدين تسنتس لوحه تموينات وبيخق همن تعيشون حياة سعيدهـ..


  2. #2
    مشرفة سابقة محررة مبدعة الصورة الرمزية {~جوود~}
    تاريخ التسجيل
    Nov 2006
    الدولة
    في أرض الله الواسعه
    المشاركات
    14,942
    معدل تقييم المستوى
    34
    **
    موضي وهي تسولف مع جارته ام اثير ياكلون فشفاش ويشربون نعناع..ومطيحين سب برجالهم
    تهمس اميضي : مالتس علي يميين يا أم اثير ان ابونا ماغير يوكلن من هالتبن..
    واانا يحول دابتن سليمه لااهش ولا انش..
    تعدل ام اثير الجلسه وتدق الصدر بحاله هستيريه فتطلق صرخه مدويه
    هزهزت اركان البيت ازهلللليه ازززهلييه ازهلييه يا ميضي وانا مرت فادي..
    ترد موضي هها وش عندتس..
    عاد ام اثير مثقفه ودايم على النت قالت شوفي
    انا مره جاني زوغة عقل .. ودخلت هكا المنتدى الفوشي .. وقلت بدخل قسم الحياة الزوجيه حيث اني ابي اتثقف حالي حال الحريم
    قالت موضي : الله واكبر حبكت الثقافه يوم كبرتي وطقيتي الـ 39
    أم اثير:اعقبي خليني اكمل كلامي انا منيب مثلتس داقمتن عمري .. اسمعي عاد .. وادخل والقاهم طايحين في شيّن اسمه العاب عااد تخيلي [سعودي يلعب لعبه مع زوجته ]
    - هاااااااااااو مير تشرق موضي وتهبدها ذيك مع ظهرها .. قالت تقولين صادزه قالت والله منيب اتسذب زد عمرتس شفتيني اتسذب عليتس هاه !!
    موضي:لا والله التسذب خيبه بس اخبرتس جحوده وماتطلعين الهرج..
    - لامنيب جاحده هالمره بثقفتس..شوفي بس هما لاجا رجلتس تافلن العافيه من العمل عاد انتي انقزي واحضنيه..


    طررطاخ <~صوت بيالت الشاهي راقعتن بجبهت ام اثير
    أم أثير: وووجع وش جاتس لمختين!!
    -صاحيه انتي صاحيه تقولين هالحتسي وش اللي احضني ومااحضنني وين احضنه بالصاله بعد عشان يخلين انا والارض واحد..
    .. ردت ام اثيرايييييه وصلنا خيير .. اللعبه هذي بتفك العقده ..


  3. #3
    مشرفة سابقة محررة مبدعة الصورة الرمزية {~جوود~}
    تاريخ التسجيل
    Nov 2006
    الدولة
    في أرض الله الواسعه
    المشاركات
    14,942
    معدل تقييم المستوى
    34
    قامت وفتحت اللاب توب وقالت شوفي هالالعاب هذي ..








    عندتس لعبت الكوكاو تجي معه هديه براطم ومصاقيل ..ترد ذي اقول هها بس ابونا به سكر قسمن ان ماتعدي نص الليله ولاه طايحن علي (صح يالرومنسيه)













    اما ذي مدري وش سنعهـ بس لاسمح الله وتبي تسون لكم فنتو ولا شي وخلص ثلجكم حطيه وسكري اللمبات بس انتبهي لاينفض براطمتس


    و لابغيتو تسوون حفله بالظلام وتشربون عصير ولا الكيسان مولعه <~تسمع بالرومنسيه ذي












    وهذا اذا بغيتي سريركم يولع .. تسنكم في عرس دواسر عقودهم فسفوريه شغليها












    وهنا جن يساعدونتس في الرومانسيه بسم الله شوفيهم عيون وقلب بس ..












    وذي عاااد ازيين لعبه تخليتس انتي و رجلتس تسنكم معاريس..



    ركزو لي على همسه ولمسه بالله



    موضي شاقه الحيا: هههيهيهي
    ام اثير: يحليلتس تستحين


  4. #4
    مشرفة سابقة محررة مبدعة الصورة الرمزية {~جوود~}
    تاريخ التسجيل
    Nov 2006
    الدولة
    في أرض الله الواسعه
    المشاركات
    14,942
    معدل تقييم المستوى
    34
    موضي:هها بس اعقلي وعلميني عن هاللعبه
    وراحت ذيك تعلمها وتفهما وكلش .. وخلص الحتسي وكلن راح لبيته .. يطبق هالالعاب لين انكرشن من رجالهن وعرفن ان الله حق..
    سااده يعني وشوله الحوسه والقروشه ..؟
    ترى البساطه زينه ياحريم البلا لو انها تسوي ليلة رومانسيه على حق وحقيق كان محد نقد عليها لكن العاااب اضائه . وشروخ وصواريخ ونوافير وقمر وشمس
    ليه طيب ؟


    ماظنتي فيه رجال ينبسط على هالخرابيط من وجهه نظري يجاملها اول مره اذا كان فيه خيير واذا بايعها كرشها وكسر مجاديفها
    يعني نصيحة يابنات لا تطاوعون هالنوعيه وقسماً حركات ولابزران المتوسطه ..يعني بدال هالقروش اللي تضيعينهن بهالمطاريس سنعي دارتس ابرك
    اثاث راقي ونظافهـ ووجه سفر وريحة زينهـ افضل لتس من هالخرااااااابيط ...الغبنه انهم يلعبون على هالحريم وذولي يصدقن..









    2/حركـآت الترللي:








    اقتباس:
    ألبسي ملابس اسبورت برتقالية اللون ولا تنسي الحذاء البرتقالي والماكياج البرتقالي الصارخ.




    معرسن على واحدن من البلديه مب آدميه



    [quote]



    اقتباس:



    ضعي علي الطاولة عصير برتقال وكيكة البرتقال




    زيني المكان ببالونات بيضاء وبرتقالية اللون واحضري برتقال الزينه وعلقيها في كل زاويه




    شكله ذي مقطوعن سره بمزرعه بردقان الله يحوم تسبد العدو اجل ليله رومنسيه ونقرض من البردقان ياشيخه روقينييي


    اقتباس:
    يذهب للحمام وبالتالي يحصل على المفتاح للدولاب ويفتح الدولاب ويتفاجأ بالبالوانت والهدية


    وااااااااااااااااااااااو


    ياااربااااه بلالين بلالين


    طيب سويت ذا الحركه والمطلوب؟ زاد معدل الحب؟ سويت حركه اغراء؟ زياده فتنه؟


    ياصبر الارض بس


    اقتباس:

    وخمس بالونات كتبت فيها (اوامر) .. مثلا : أأمرك ان تقوم بعمل مساج لي في ..... أو اامرك ان تقوم بالنط على السرير 5 مرات ... خلي بعضها مغري وبعضها مضحكه





    عنبوتس مهبوله انتي؟ رجال كبر الحمار وتبينه يدابتس فوق السرير طيب وان جاتس طرنمبه واللياقه صفر عالشمال
    اقعدي به مير مااخبل منتس الا هو اللي مسايرتس وشكله وقتها لو قلتي له نط من السطح وافق مب لله عشان يكمل الليله على خير


    فـــــآآآآصــــل




    اقتباس:

    عزيزتي الم يخطر في بالتس مد حب الزوج للعبايه حيث انه عندما يرى شيئاً اسود




    يتزلزل كيانه فما بالك عندما تكون للرومانسيه .. وفي البيت ..
    كل ماعليك .. تنظفين بيتس وتعطرينه وتجهزين شنطتس .. وتلبسين عبايه بس لحالها بدون شي تحت ..

    وتحطين مكياج وعاد انتي واختيارتس في العبايه .. انتبهي الله لا يخزيتس تلبسين عبايه اسلاميه تبرق ..




    وتنتفخ في المشي لانها لاتغري .. البسي مخصصصره .. وان كنتي دبيه .. اضمري بطنك والبسي شد .. ولا تتنفسي كثيراً

    حتى لا يخرب شكل المخصر .. واجلسي بإنتظار زوجك عشان تلعبون حريم .. ولا تنسين تجلسين ع الكنب الا وانتي ملثمه

    قومي بتشغيل اغنية حمام جانا مسيان ولا سلّم عليا .. وارقصي بغنج .. عاد انتي دبر عمرتس اخلقي رقصه خاصه بالعبايه
    حينها سيراكِ زوجك بهاذا الشكل ويجنّ جنونه .. اذا كان من الفاهمين راح يطامر من الروعه ويشهق ويقول انهبلت .. واذا
    كان دبشه راح ينسجم بالجو ويعش اجو بحرينيه بعدين شغلي اغنية تايتنك .. والبسي برقع الصقر عشان خدودتس تطلع
    وارقصي معه ولا تنسين تلوينه ظهره لانه صار حرمه مهوب انتي بتقولين وشوله هالحقران بقول لانتس فقدتي عقلتس وجربتيها






صفحة 1 من 16 123411 ... الأخيرةالأخيرة

المواضيع المتشابهه

  1. مشاركات: 11
    آخر مشاركة: 05-06-2012, 05:11 AM
  2. انت وحظك..اللي عنده جوال يدخل واللي ماعنده لايدخل(بلا لقافه)
    بواسطة جـريحة المشاعر في المنتدى استراحة
    مشاركات: 5
    آخر مشاركة: 15-04-2011, 01:21 PM
  3. مزحة بسيطة بس اللي معاه سكر وضغط لايدخل واللي يدخل يكتب رد ؟؟
    بواسطة غربتي ذبحتني ؟؟ في المنتدى استراحة
    مشاركات: 41
    آخر مشاركة: 04-10-2007, 01:03 AM
  4. اتمنى الكل يدخل واللي تدخل ماراح تندم وخاصة اللي امها متوفيه
    بواسطة بحر الذكريات في المنتدى اسرار البنات
    مشاركات: 10
    آخر مشاركة: 26-06-2007, 03:53 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |