ياليت من العضوات قرأت موضوعي الاول

[المياسة22]

بسم الله الرحمن الرحيم
بصراحة يااخواتي نفسي اشكي لكم معاناتي مع زوجي الغالي
بجد غالي علي بس ماادري هل انا اضلمة ولا هو ضالمني اتمنى اللي تقرا موضوعي تعلق علية وتناقشني
اليوم صحيت ابي ازين الفطور رجعت لغرفتة نومي مالقيتة وانا تركتة نايم عاد الجو عندنا برد وامطار خفت علية اتصلت وقلت لة وينك
متى طلعت تدرون وش رد علي يقول هاه وش تبغين
قلت اتطمن عليك وين بتروح ومتى راجع تدرون وش رد
اذا خلصت جيت وش تبغين الحين
باقول اني حساسة زيادة عن اللزوم
بس بجد لمن اجي ابي شي منة لازم احس اني اذل نفسي اطلب واترجى حتى يوافق او مايوفق
اليوم بس ترجيتة يطلعني عشان اليوم خميس وماعندة دوام ونايم طول اليوم ترجيتة نطلع نتمشى ونغير جوا
تدرون وش رد علي طلعي دجاجه عشان تطبخي سحور ومحنا طالعين مكان الااذا اتصلو الشباب رحت معهم الملعب

هاذا تشوفونة ظلم ولا لا مع العلم اني حامل والحامل تعرفون محتاجة تغير جو من البيت
احس اني مظلومة في حياتي وزوجي رافض يتغير



ياليت تفيدوني اللي عندها خبرة طويلة في الحياة الزوجية

[} هدية {]

الله يسخرلك زوجك . اصبري يااختي مشكلتك ماهي كبيرة .. كلهم كذا . بيني و بينك ما احب اتمشى في رمضان .. مافي وقت .. ... نصيحة اكثري من تلاوة القرآن .. وان كان ماعندك عيال روحي مسجد انتي وزوجك صلوا التروايح مع بعض .... تمنياتي لك بالتوفيق ....

[رضاك يازوجي]

إذا هو داايم حتى بعد رمضااان فالله يصبرك أما في رمضااان فكلنا والله مثلك بس أتذكر يوم مرضت الأثنين إللي راح
يبي يرفع من معناوياااتي قال لي يالله بوديك السوق يبيني أصير بخير بس قعدت أضحك عليه لو أنا بخير ما شالني من أرضي عموما عليك بالدعااااااااااااااااااااااااااااااااااااااااااااا اااااااااء الله يستحي يرد عبده من كرمه وفضله سبحانك أني كنت من الظالمين سبحان الله وبحمده سبحااان الله العظيم

[طالبة الحياة]

حبيبتي المياسه

انا ما عندي خبرة طويلة في الحياة الزوجية , مجرد سنه ونص زواج
بس انا اقترح عليكي انك تعملي دراسه على نفسك وعلى زوجك , حاولي تعرفي سبب تكتمو الدائم ... ممكن يكون من النوع اللي يطفش في البيت ومع اهل البيت وهنا لازم تعرفي هو ايش يسوي مع اصحابو مثلا ممكن انتي تسويلو هو
اهتمي بالامور اللي يهتم هو فيها بحيث انو يكون في محور نقاش بينكم بالشي اللي هو يهتم فيه.... اطلبي منو انو يعلمك مثلا حاجه هو يحبها وانتي تبغي تمارسيها معاه , لانه الرجل يحب يكون هو محور كل شي واذا شافك تبغي تتعلمي من جد يبدا يهتم ...
كمان ممكن يكون في شي فيكي اتغير مع الحمل وهو افتقدو , انا ما اقصد شي بس يمكن يا قلبي سار في شوية تكاسل منك في بعض الامور اللي اتعود عليها منك..
صدقيني دراسه بسيطة منك عن دي الامور وشوية صبر لانو الموضوع ما حيتم في يم ولا اسبوع ممكن ياخد شهور بس تجي النتيجة اكيد ان شاء وشوية دعاء , وكل شي حيكون تمام بأذن الله
ولا تترددي تبيني مشاعرك لزوجك وما تخبيها , حسسيه انك تبغي تكوني معاه في بعض تفاصيل حياتو , مو مجرد وقت النوم والاكل وبس , وطبعا بالطريقة اللي فيها تودد حيوصلو احساسك مو بالزعل والتكشير لانه هادا اول شي الرجال يكرهو من الحرمه .... حتى لمن تكوني زعلانه قوليها بكلمتها (انا زعلانه) منك من غير تكشير <<< شكلي بعدت عن الموضوووع ههههههه

تقبلي ردي