زواج بالغصب...!!

**لطوووف** · 02-09-2009, 07:42 PM

السلام عليكم و الرحمه

أخباركم؟؟

حبّيت اعرض لكم امممممممم ما بقول مشكله.. بس موقف انحطّيت فيه و ما اريد اكبره وايد.. بس ما أريد اعتبره ولا شي..

لانه اخر شي القسمه و النصيب بإيد الله...

انا عمري 26.. موظفه .. اشتغل من سنتين و معتمده على نفسي.. ^^

و اختيه عمرها 24.. و بعد موظفه ..

و عندنا اخت عمرها 29.. توها ملجت.. و بتعرس شهر 1.. تم الموضوع بمشاورتها و موافقتها.. ^_^ الله يبارك لها و يهنيها

بس... << !!

يوم تقدم لأختي الي عمرها 24 شخص من قرايبنا.. اخوي قال لها.. حياتج وانتي حرّه فيها و هذا قرارج

أول الموضوع حسّت انها 95% متحمسه و موافقه.. و بعد بفتره.. صلّت الاستخاره و حست ابد مش مرتاحه

و اخر شي يا اخوي.. و قال لها شو رايج....؟ قالت له مش موافقه..

قال الله يوفقج امين.. و هذا قرارج..

و بعد يومين.. يا اخوي الثاني و قعد يكلم اختي.. و يريدها توافق.. قالت له بس انا كلمت اخوي العود و مش موافقه.. قال لها انا كلمته و قلت بقنعج...

طبعن الموضوع صار موافقه بالغصب.. و قعدوا اخواني كلهم.. لازم توافقين و ما اعرف شو!!

و صارت نفسية اختي زفت.. و اخر شي يا اخوي الكبير و قعد يهدد.. ولازم توافق.. تقول له اصلي استخاره و مش مرتاحه

و قلت لك مش موافقه.. قال الريال ما يعيبه شي... و انسان محترم.. و بشهادة الجميع.. و بعدين ليش مش موافقه؟؟ عطيني سبب واحد مقنع

تقول له ما ارتحت للموضوع وانا اصلي استخاره << و قعدت تصيييييييييييح

قال لها شوفي.. << وانا قاعده معاهم..

الانسان ما يعيبه شي.. و انتي قاعده تخربين على مستقبل اختج.. << انا انصدمت!! شو هالمنطق!!

نصيبي مكتوب عند رب العالمين.. أجل أو عاجل.. ما لها دخل فيه تأخره أو لا..

المهم قعد يرفع صوته و يهدّد.. و اخر شي قالت له خلاص موافقه و قعدت تصيح..

قال ما أريد اسمع كلام غير هذا..

المهم... انا خلااااااااااااااااص.. احس بموت من الضيج..

اخاف انجبر مثل ما انجبرت اختي..

بس اختي صلت استخاره و حلمت حلم.. من يومين و شافت امي تحلف انها ما تتزوج هذا الريّال.. و استانست اختي.. مع ان امي في الواقع موافقه لراي اخوي.. و كانت تضغط على اختي عشان توافق و تقول لها نريد نفرح فيج..

الحين اختي مرتاحه شوي.. و تفكر ترسل ناس صوب هالريال الي خطبها يقولوا له انها مش موافقه عليه بس الله يعين من المشاكل الي بتصير بعدين

المهم.. انا من فتره.. سمعت عن اخو صديقتي يريد يخطبني..

بس المشكله في فرق العمر..

اصغر عني.. << انا اول شي كنت مقتنعه اني مستحيل اتزوج واحد اصغر مني.. بس من بعد فتره تغير رايي بس مش هذا موضوعنا .. الفرق بيني و بينه 5 سنوات

المهم.. من كثر ما تسولف صديقتي عنه حسيته دخل مزاجي.. فقرّرت اني استخير الله فيه..

و حلمت حلم:

حلمت اني في المطبخ.. و كانت معاي وحده ما شفت ويهها بس كانت معاي.. و كنت اسوي نسكافيه.. بس الكوب كان صغيييييييييييييييييييييير بشكل كبير.. جتني هالبنت و قالت لي يعني ما لقيتي غير هذا؟؟؟

شفت الكوب... و كان في بالي الريّال الي يريد يخطبني .. قلت لها "هوه سعادتيه و هناي

قالت لي كيف؟؟؟ قلت لها يوم بخلّص بتعرفين..

خبّرت صديقتيه.. (وحده ثانيه مش اخت الريّال الي يريدني) قالت لي الحلم واضح.. الريّال اصغر منج.. و هالشي الي يمكن الناس يعترضون عليه.. بس هوه بيكون سعادتج و فرحج..

و الله يهنيكم

المشكله انا خايفه اني انجبر على انسان مثل ما انجبرت اختي.. و مسكينه حتى ما تهنّت في شي.. و زواجها قرروا موعده بعد سنه.. لأن الي خطبها مش مستعجل لسّه بيبني بيت و من هالسوالف

تقول اريد اتجهّز وانا فرحانه بس ما اقدر..

المهم.. انا رحت لصلاة الحاجه.. و قعدت ادعي الله يسد طريج كل شخص يتقدم لي غير هالانسان اخو صديقتي << احس اني تهوّرت

بس والله ما اتخيل انغصب على زواجي من شخص انا مش مرتاحه له

و هالانسان استخرت الله فيه و حسيت براحه.. صليتها اكثر من 7 مرات و الحمد لله مرتاحه من غير الحلم.. يعني احس كل شي يعطيني احساس ايجابي من ناحية هالشخص..

و بعد ما صليت صلاة الحاجه دايمن اردد نفس الكلام.. خفت يكون هالشي مش صح.. او مكروه.. قعدت اصلي ان الله ايسّر امري مع احمد.. واكون زوجته بالحلال.. و ان الله يجمعنا مع بعض عاجل غير أجل

ما بجذب عليكم .. بس فعلن احس الريّال دخل قلبي من كثر ما تسولف لي عنه صديقتي..

اريد رايكم في الموضوع..

أريد اسأل احد المشايخ في الموضوع.. بس ما اقدر اوصلهم ..

ولا حتى بالتلفون..

و دعواتكم ان الله يجمع لطوووف بأحمد.. في القريب العاجل و يجعلني من نصيبه..

**لطوووف** · 02-09-2009, 08:09 PM

هيه صح نسيت أقول.. الي مريحني من هالموضوع.. و الريال الي يريد يتقدم لي.. انه بتكون صديقتي بيني و بينه

يعني لو صار نصيب..

لانه شفت انه اختي الي ملكت اخوي ما سمح لها تكلم زوجها ...!!

و انا قعدت افكر.. و شفت ان صديقتي بتكون طرف تواصل بيني و بين هالانسان..

يعني شي نقاط ايجابيه..

بتقولوا لي لو هوه ناوي خلي يستعيل

امممممم.. صديقتي قالت لي انه يريد يتثبّت في شغله عشان يقدر يتقدم.. و بس ^_^