مكالمه الزوجين بعد الملكه

[اتعبني وفاي]

السلام عليكم ورحمه الله وبركاته
بدخل بالموضوع على طول واتمنى اهل الخبره يفيدوني بالأخص المتزوجات
وش رايك بمكالمه الزوجين لبعض في فتره الخطوبه يعني بعد الملكه عادي اولا
واذا كان زوجها طلب منها الرقم وانها تكلمه ولاتخجل منه هل تكون جريئه معه وصريحه او تتجنب مكالماته
ابغى تتوقعون نظره الزوج لها
مع العلم انه هو من طلب ان تكون بينهم مكالمات علشان يتعرفون اكثر على بعض
كل وحده تتكتب وجهه نضرها وهل كلمت خطيبها ولا لا

[جروحي بروحي44]

انا عن نفسي كلمته هو طلب رقمي حلو علشان تفهمون بعض وانا فهمته عدل
واكتشفت انه مايصلح لي الله ينصرني عليه و يعوضني بالزوج الصالح اللي يقدرني
ويحبني و يموت فيني قولو اميييييييييييييييييييين

[ليكوسولينا]

آمين ياجروحي
وأنا أشوف أن الأفضل انك تكلميه عشان تفهميه ويفهمك وعشان لما يجي زواجك تكوني مرتاحة له وفاهمته
أنا كلمت زوجي بفترة الملكة 8 شهور وعلى فكرة ترى لها متعه خاصة انصحك ماتفوتيها
والجرأة اتركيها تجي بالتدريج حسب علاقتكم وطبيعتكم يعني خلي كل شي يجي بنفسه وماأنصحك تحطي حدود بينك وبين (زوجك) هذا حلالك
وماني شايفه ان فيه أي داعي انك ماتردين على المكالمات أبدا أبدا بالعكس ردي وخليك على طبيعتك طبعا شي طبيعي انك بتخجلين
هذا رأيي ومن واقع تجربتي وأتمنى لك التوفيق

[ليكوسولينا]

بالنسبة لنظرة الزوج بماأنه طلبك تكلمينه فشي طبيعي ان نظرته بتكون زينة وإذا حصل العكس فهذا معناه انه يختبرك وفي هالحال ماأنصحك تهتمي برأيه فيك بماأنه هذا أسلوبه خصوصا انك انت مقتنعة بتصرفك وعارفة انك ماغلطتي