شي تسويه وانتي ماتسي فيه ويجرح زوجك

[حلوةنفسها]

قرأت في احد المنتديات موضوع عجبني وهي للفائدة ونقلته لكم وهو موضوع شي تسويه وانتي ماتحسي

فيه ويجرح زوجك ؟؟؟!!!!

وما ابي غير دعواتكم لي والشفاء لأبنتي ويحفظ لي زوجي وابنائي




معليش يا متزوجات ابيكم تستحملوني اشوي


بس كل كلامي وربي من زود الخوف عليكم وع حياااتكم الزوجيه

وابيها بكل حب وتفاهم ولا فيها اي منغصات


لان في شي بينا بعض المتزوجات ما نحس فيها

انحسها عاديه لكنها تجرح زوجك وتجرح احاسيسه

مهما بلغ قوة الرجل فهو انسان حساس مثلنا حنا البنات

يحس وينجرح لا تفكرون انه ما ينجرح

بالعكس اكبر عاطفه وحنان وحب تلقيها عند زوجك حبيبك << يالبىى قلبه بس

ندخل بالموضوع


وهو مجلس الحريم كثير كثير تصير لا تقول وحده ما تصير الا تصير

لما وحده تتكلم عن زوجها يعني

مثلا سوى شي ما عجبها او ما وداها السوق او عاندها

او قال لها لااا او مثلا سوى شي من الاشياء اللي ما عجبها وتبيه يسويها

تجيك بمجلس الحريم او مجلس نقول المتزوجات وقدام كل المتزوجات او غير متزوجات هو مجلس الحريم

تقول انا امس سويت له كذا وكذا وكذا .... انا اربيه ؟؟

انا اوريكم فيه اوريكم من انا ومن هو هو

لازم اكسر راسه

يؤ وين حنا جالسين يا متزوجات

ليش مهما بلغ عناد الرجل لك او رافع ضغطك ما تقولي عنه كذا

ليش انتي تزوجتيه مو متربي ؟؟

اجل كيف تزوجك اذا هو مو متربي ؟؟

او اهله زوجوك اياه علشان تربيه ؟؟ وتكسري راسه

انا مدري شلون تفكير بعض المتزوجات كذا انا مدري

تيب يا بنات تخيلي او افترضي افتراض

خلينا نقول مجرد افتراض جاك واحد وقالك زوجك يقول عليك قدام اخوانه او قدام اصحابه

لازم اربيها وانا امس سويت فيها كذا وكذا وكذا

انا اربيها واعلمها الادب

تخيلتي الموقف معي انتي

تخيلتي وقع الكلمات عليك وعلى كرامتك شنو راح يكون مشاعرك وانتي قدام الحريم او البنات اللي معك

وشنو راح يكون ردة فعلك او وين راح تودي وجهك قدام اللي قال لهم زوجك هذا الكلام

اذا انتي مو متصوره يصير لك كذا

شلون وقع هذه الكلمات ع زوجك

فماذا بالرجل ؟؟

ليش ما نخلي كلامنا ع ازواجنا مليانه احترام وحب وتقدير قدام الناس او حتى مع نفسك

حتى لو كنتي معصبه عليه

او مقهوره منه

ترى اذا رضخ زوجك لشي انتي تبيه وهو ما يبيه ويقبل باشياء بعض الاحيان تكون غصب عنه

هذي ناتج عن حبه لك واحترامه مو ضعف منه ولانك ربيتيه ع حد قولتك

او لانك كسرتي راسه !! او جبتي راسه !! او لانك علمتيه درس ما راح ينساه !!


ترى معلومه خليها حلقه بذنك

ترى اضعف رجل بالعامل اقوى من اي امراه مهما بلقت قوتها

انتبهي حبيبتي من كلامك ومن الفاظك امام اي واحد حتى لو كانت امك او اختك

او صديقتك لان هذا الشي تاثر ع صورة زوجك وتهتز في نظرهم

ويؤثر ع صورتك انتي بعد

نصيحه مني يا متزوجات اذا كنتي معصبه ومقهوره من زوجك اللي يحبك وتحبيه

وتحسي انك راح تنفجري من كلامه او من اسلوبه وانك مو قادره ع التحمل

نصيحه لا تطلعي من بيتك في هذا اليوم لزيارة احد

خلك في بيتك افضل حتى لبيتك اهلك او صديقتك او احد الاقارب

علشان محد يسالك شنو فيك بعدها تنفجري

روحي غيري جو مثلا روحي تسوقي

او البحر او اي مكان ما في حد يسالك شنو فيك علشان ما تنفجري وتزلي بلسانك ع ابن الناس



وتاكدي ان راح يروح كل الغضب والزعل اللي تحسي فيه وراح

ترجعي مشتاقه له








.....

[إسوارة ناعمة]

مشكورة اختي الغالية على نقل هذا الموضوع المفيد صراحة وجزاكي المولى كل خير ..
وفعلا انا سمعت وشاهدت الكثير ممن تقول هذا القول ولكن اتمنى قبل القول باللسان وانكار الذات
ان تقف كل إمراة في وقت غضبها بتذكر كل لحظات جميلة مرت عليها من زوجها حتى وإن كانت
صغيرة جدا فالأكيد لها تأثير وتغيير على النفس فلو تذكرت هذا بصدق العبارة فوالله لاتجد في نفسها تحدى
للانتقام ولو بأقل القليل ..
اللهم يارب العالميين اجعلنا ممن يرضون أزواجهم كما امرت انت ورسولك الكريم ..
وأسال المولى بكلماتة وصفاتة العليا بأن يشفي ابنتكي شفاءا لايغادر سقما وان يحفظ لكي زوجكي وأبنائكي
من كل شر وغدر .... آآآآآمييييييين

[حلوةنفسها]

تسلمي على مرورك ويحفظ لك زوجك ويفتح قلبه لكي

[تبارك العاني]

تسلمين حبيبتي على الطرح الرائع
اللهم أرزقنا سترك وعفاك رحمتك ورضاك