خخخخخخخخخخخخخخخ تذكرت موقفي ايام الخطوبه طلعت مع زوجي عشان نختار غرفه النوم واخترتها وانا مغمضه من الحياء مشاءالله مايليق على قول خواتي بعدين طلعنا المطعم نتعشى طلب لي ولنفسه وانا رفضت أكشف عن وجهي من الحياء متغطيه مثل هذي ولا سمع مني غير ايه ولا بس حتى ما أكلت شي من اللي طلبه بس شربت شوي عصير من ورى الغطاء والله ماشاف وجهي ابد ذاك اليوم ياحسافة تشقير الحواجب والتزين يحاول يكشفني بس رافضه ماسكه الغطوه بيديني مطلعه العيون الكحيله بس يحمد ربه مالبست شيله والله يابنات أني جريئه ومعروفه بجرائتي حتى وانا اكلمه فري هو مستغرب يقول اللي تحاكيني كل يوم موب هي اللي جالسه قبالي الحين وش اللي جاني ذاك اليوم مدري يوم رجعت للبيت تحسفت على اللي سويته وهو مثل هذا معصب والله مالومه يوم جاء الفجر ارسل رساله حلوه وآخرها الى الزوجه الغاليه وضحى وانا اسمي سمر
ايه صح تذكرت قبل زواجي بيوم رحنا للشقه انا وخواتي عشان ارتب ملابسي يوم شفت الغرفه تفاجأت بأختياري شكيت بذوقي اتصلت عليه على طول قلت ليش ماأشتريت الغرفه اللي اخترتها قال والله انها هذي اللي اخترتيها
بس عقلك مش معاك ذاك اليوم والا اذكرك وش سويتي فيني
هذا من احلى المواقف عندي ايام الخطوبه
يلا بنات باقي انتو
مواقع النشر