مرحبــــــــا
هذي جتني على اميلي
بصراحه تفطس من الضحك........
السلام عليكم
امتدادا لما سبق وتناولناه في هذا العنبر المبارك <<ناقصه حسن خيرات ويصير احتياط الهلال
اقول ..
امتدادا لما تناولناه في موضوعنا القيّم الهادف (العاب زوجيه)
من دحض وجحض وفحض لسماجة وبثارة بعض حريم المنتديات
هانحن نستمر معكم في دحض وجحض وفحض
ما بثرونا به هؤلاء النسوه في الكتب و النت والتلفزيون والمجلات عن ما يسمى
"فن التعامل مع الازواج"
فهيّا بنا ندحض ونجحض ونفحض بعض ما اقترفته كيبورداتهنّن من هراء
وحده تقول:
إقتبااااس
كنت إذا أردت إيقاظ زوجي من النوم للصلاة أغسل يدي بالماء حتى تكتسب نوعاً من البرودة
وأعطرها بالعطر المفضل لديه ، فإذا ما لامست برودة يدي جسمه الدافىء
واستنشقت أنفاسه عبير ذلك العطر استيقظ من نومه وإن كان يغط في سبات عميق.
طيب وان كان زوجها قروي وطمَر من سباته العميق ورجفها وقال لها :
شايفتني مصْفّر يوم انك تبخين في وجهي طيب
( مصْفّر = مغمى عليه)
وتقول وحده ثانيه :
إقتبااااس
قال لي بغلظة سوف أذهب للغداء مع أصدقائي هل تريدين شيئاً ؟
قلت له :
حسناً ولكن لا تتأخر لأن الكهرباء سوف تنقطع .
استدار نحوها في تعجب وقال :
من قال لك أنها سوف تنقطع ؟ أجابته بقولها : أنا أقول لك ذلك ، بمجرد خروجك من البيت يظلم كل شيء وبمجرد دخولك البيت يضيء كل شيء .
تبسم بعد أن أدرك ما ترمي إليه وذهب وكله شوق للعودة إلى البيت
اما يدرك ما ترمي اليه ..والله لو تثّور فيه ما ادرك هههههههههه
ايه هيّن كله شوق للعوده للبيت
يا بنت الحلال ان ما قال لتس قبل تكملين رومانسيتس :
وش بيقطع الكهرب قطع الله ذا الخشه !!
واذا قلتي له
إقتباااس
انا أقول لك ذلك ، بمجرد خروجك من البيت يظلم كل شيء وبمجرد دخولك البيت يضيء كل شي
قال اقول بس اخلصي وقولي وش تبين وخلي عنتس حركات المصاريه..
وتضيف هذي وتقول:
إقتبااااس
أرادت أن تمازح زوجها قالت له :
أفتح فمك وأغمض عينيك . أغمض عينيه وفتح فمه في تردد فإذا بها تلقمه قطعة من الحلوى
اللذيذة . وعندما أراد الذهاب قالت مرة أخرى :
أفتح فمك وأغمض عينيك ، أغمض عينيه من دون تردد وكله شوق إلى تلك الحلوة اللذيذة
فإذا بها تلقمه ورقة تلك الحلوى التي وضعتها في المرة الأولى
يا قلبي قلبااااااااااااه على السماجه
وش ذا الرومانسيه اللي تخلي الحرمه تدس القراطيس في خشة زوجها
ما صار فم صار طفايه عند اصنصير ههههههههههههههههههههه
ووحده اخرى تقول:
إقتبااااس
أعتاد زوجي كلما ذهب مع الشباب في رحلة أن اخبىء له بين ملابسه رسالة حب
تعبر عن مشاعري نحوه وقت غيابه وحالي وحال أولاده من دونه .
وذات مرة لم أكن راضية عن سفره فلم أكتب له تلك الرسالة
وعندما عاد من السفر فاجأني بقوله :
لم أترك شبراً في الحقيبة إلاّ وفتشت فيه عن رسالتك التي عودتني عليها بل أني فتشت الحقيبة
ثلاث مرات في كل مرة أقول في نفسي لعلها وضعتها هنا ولم أرها لعلي أفتش جيداً عنها ..
. تندمت كثيراً على فعلي ذلك وأنا المح حنين الشوق في تعبيرات وجه ،
عزمت في نفسي بعدها إلا أقطع عادة حسنة كنت أقوم بها ما استطعت
شوفي وانا اخوتس
يا انتي يا زوجتس.. اكيد ان واحدن منكم مخفّه
وان كنت اشوف انتس وانا اخوتس مخفّه وصتيمه في آنن واحد علشان صدقتيه
هقوتس بيترك فلّة الحجاج مع خوياه ويقعد يدور على قرطاسه هههههههههههه
يا بنت الحلال شكله يدورها علشان يشقها لايقرونها خوياه ويذبّون عليه ههههههه
وهذي وحده الرومانسيه تدودل من اذانيها تعالوا نقتبس الكثير من خربطتها
لعلنا نجد فيها العبره والعضه.. تقول:
إقتبااااس
في الصباح عندما تصحين زوجك من النوم اجلبي ريشة ناعمة واقعدي جنبه في السرير
والعبي بالريشة في وجهه بنعومة لحد ما يصحى وسمعيه كلمه صباح الخير حبيبي
ويكون مظهرك احسن مايكون .. وبهذا يبدا يومه بنشاط وحيوية
ان ما عاطس وتفل بوجهتس ما اكون اها بس....
علشان تحرمين تتميلحين وتلعوطين وجهه بريشه
وبعدين هو فيه حرمه بتقوم وتروح تشخص وتلبس علشان تصحي زوجها..؟
يقطع ام الفراغه يا ناس
اللي يقال لها سنعه منهم تنغزه نغزتين مع كتفه وهي معطيته ظهرها وان قام والا بقريح
وتقول
إقتبااااس
عندنا تجلسون مع بعض للتفرج على التلفاز مثلا دائما الصقي نفسك به واجلسي في حضنه ..
ولو لم تكونوا متعودين على هذا جربي ولو سالك قولي بردانة وحضنك بيدفيني
هههههههههههههههههههههههههههههه هههههه قسم بالله استحيت منها وانا في بيتنا
تخيلي عاد وانا اخوتس انك زوجك نصراوي وتلصقين فيه وهو يشوف مباراة هلال ونصر
وخبرتس عاد بجماهير النصر وعشقهم لناديهم وحماسهم المنقطع النظير
ويسجل النصر هدف في اخر دقيقه ..قسم ان يدزّتس لين ترقع جبهتس في المجلى
إقتبااااس
يوم من الايام اذا كنتو متزاعلين او تضايقتو من بعض بعد جدال او نقاش جيبي مرايا وقولي لزوجك غمض عينك وحطيها في وجهه .. وابدئي غزل منه شايف الانسان اللي اسرني حبه ؟؟ والله اني اموت عليه
هو اكيييييد بيتشقق من الانبساط وتلقي الابتسامة من هالاذن للاذن الثانية
هههههههههههههههههههههههههههه الله يخل عقل عقل عدوتس
طيب وان كانه هو نفسه مقتنع انه شيفه وقال مير يا تسذبتس تسذباه
والا فهم قصدتس بالغلط وقال :
ايه يا قليلة الحيا قصدتس تقولين .. لو اني شايفن خشتي في المرايه ما قعت اتزعّل وتدلع
وتقول
إقتبااااس
عندما يكون زوجك جالس لوحده امام التلفاز بعد العشاء مثلا
اذهبي والبسي احسن ما لديك من ملابس وتكون مغرية مع وضع العطر المحبب لزوجك واجلسي
جنبه شوية بعيدة عنه وابداي بالتقرب منه شوي شوي وبخجل بسيط والعبي بشعرك بحركات رقيقة وراح تشوفين النتيجة
ذا الحرمه قليلة صح ..الحمد لله والشكر(وجه يحب قفا اصابع يده ويحطها على جبهته)
وواضح انها متأثره بحركات ناديه الجندي
وتقول
إقتباااااس
قدر الله لو كنتي تعبانة شوية او حسة بتعب ادلعي شوية ( بس لا تزوديها )
واطلبي من زوجك ان يحضنك وقولي له بانك بتحسي بامان
وانتي في حضنه وانه بيغنيكي عن كل الناس ..
( فهذه الكلمات تاثيره قوي على نفوس الرجال ) ... وراح نسمع تعليقعم بهذا الشي ان شاء الله
الا والله بيقول تراه كاثرن توجّعتس شكلتس عجّزتي الله يخلف علي
إقتبااااس
السرحان عند النظر في العينين لا تستهيني بهذه النظرات أبداً فهي تذيب الحجر الصوان ..
فعندما تنظرين في عيني زوجك غوصي فيهما كأنك تغوصين في بحار ليس لها أعماق
وابحثي عن حبه لك بين أعماق هاتين العينين وستجدين أنك مع الوقت ستسرحين بشكل طبيعي
ودون تصنع كما أن هذه الحركة ستجعل زوجك ينظر في عينيك كذلك
ويغوص هو الآخر فيك بدون شك
والله يا حركة ذا المخازق ما لها من السنع قطبه..
(قطبه تعني قطعه صغيره..قالت العرب اقطع لي قطبتن صغيره من التميسه حقتك..
فرد عليه قائلا لن اقطع لك قطبه بتاتا اقطب عن وجهي)
ماعلينا
اقول ..لو تغوصين في عيونه ثلاثة اشهر منتيب مكتشفتن الا غمص
وهو مهوب مكتشفن في عيونتس الا كحلن ناسيته من امس
إقتبااااس
قبل النوم وأثناء مشاهدتكما للتلفاز أسندي رأسك على كتف زوجك وبعد فترة قليلة تظاهري بالنوم وانظري كيف سيحنو عليك وينظر لك وينسى كل ما كان يشاهده . فليس أجمل في نظر الرجل إلى امرأة نائمة على صدره (لكن لا تنامي بالفعل بل استيقظي بعد قليل وقولي له هل نمت في حضنك يا حبيبي؟) .
يا ذ التلفاز اللي ما تسلّط رومانسيتها الا اذا قعد زوجها يتفرج عليه
اقول يارب جعله يرد عليتس ويقول ايه رقدتي حعلتس المرقِد
وش ذا الرومانسيه اللي كلها تسدح وتبطح في شدز الزوج وحضنه
وجع يوجع عدو ذا الحرمه ما وراها بيت وبزران ؟
وشكلهم عطوها وجه وتمادت وقالت:
إقتبااااس
تغنجي في مشيك وتقصعي وامشي مثل مشية عارضات الأزياء (مشية القطة) بحيث تضعين قدمك
بشكل مستقيم أمام القدم الأخرى وعلى استقامتها تماماً وتدربي على هذه المشية قبل تنفيذها (لئلا
تقعي لصعوبتها) كي تنفذيها بدون تكلف . ولا تنسي أن الرسول صلى الله عليه وسلم لعن المائلات
المميلات لما يفعله فعلهن من استمالة القلوب وخطف الأنظار ، وهذا ما تريدينه لزوجك .
اما تقصّعي هههههههههههههه
لا ومشية القطوه بعد..ماعاد الا هي من حبي للقطاوه..
لو تمشي قدامي مشية القطوه انبرشت عليها انبراشة تكر على مجرشي
إقتباااس
وكذلك لا تنسي استعمال الخلخال والضرب بالرجل على الأرض
لما له من وقع السحر على أذن الزوج وتذكري أنه نهي عنه لما فيه من الفتنة ،
وأنت تريدين فتنة زوجك
يا جعله يمتخ ذا الخلخال من رجلتس ويلسّبتس به يا ام القراشيع
إقتباااس
اشتري نجوم كثيرة من اللي تضئ بالظلام ... ولصقيها بالسقف عند السرير ..
اكتبي فيها (أحبك أو I Love You ) فلما تطفئ الأنوار راح يقراء المكتوب بالسقف
يا قدمها ذا الحرمه..
ذا النجوم كانت موجوده في غرفة ابو حاتم ايام طفولته في رجال ألمع
إقتباااس
"اشتري لزوجك مراية شكلها حلو .... بعدين اعطيها زوجك ومعاها الكرت مكتوب فيه:في المراية هذي .... راح تشوف اجمل رجل في العالم"
طيب وان كان فيه بوهه علي المدفع تظنين انه بيصدقتس يا اللوقيّه
إقتبااااس
خذي وردة حمراء .. وحطيها في مكان زوجك راح يشوفها ..... واربطي فيها ورقة مكتوب فيها: اشكرك لانك دخلت حياتي)
وودكم انه يعفط الورده ويكتب في قفا نفس الورقه
" يا ليتني دخلت سجن ابو غريب ولا دخلت حياتس يا البثره"
إقتبااااس
اقولكم على فكرة بسيطة وحلوة ومن خلال تجربه اكتبي اغراض المطبخ
و ارسليها لزوجك على الجوال:
- 1 كيلو خيار
_ طماطم
_ بطاطس
........ الخ
وبعد الطلبات اكتبت
_ 10 بوسه قوية
_ 2 حضن دافئ
_100 كلمة احبك يا روحي
وودكم انه يردعليها ويقول:
يا حبي لتس يا ام فلان احضان وبوسات ومية كلمة احبك
علشان بجيب لتس طماط وبصل؟
اجل لو اني جايبن لتس كزبره كان حبيتي رجولي
إقتباااس
لما تبغي زوجك يرجع من الاستراحة بدري يوم الاربعاء او الخميس ارسليله يوم مسج
وقولي فيه تعال بسررررررعه سويت لك مفاجأة ..
عاد مفاجأتك راح تكون بسييييطة مرة ..حضري عشا خفيف ..
وطبعا مع لبس حلو ومرتب وميكاج ظريف ..
وبيت مبخر وعيال نايمين وبعد العشا قوليله حان وقت الترفيهه ..
وجيبي مونوبولي او اونو والعبو .. مرررررة راح تنبسطو ..
يقطع ام وساعة الوجه
يكون زوجها فالّها مع خوياه بلوت والا متحمسين على الدوري السعودي والا الاسباني
وتناديه وتقول مفاجأه وآخرتها اونو وضومنه ...
انا اقترح ان زوجها يستحمل ويلعب معها اونو ويشترط انه اذا فاز يرجع لخوياه
وتقول بعد:
إقتبااااس
وممكن الاسبوع اللي بعده ارسليله نفس المسج واطلبي بيتزا او فطاير من اي مخبز جنبكم
وتكوني من اول اشتريتي من السوبر ماركت كم نوع ايس كريم ( فانيلا , منجا , فراولة ,
شوكولاته )يعني انواع مشكلة من الايسكريم واعمليله طبق ايس كريم بعد العشا كحلا ..
واتفنني طبعا .. حطي كذا كورة ايس كريم وفوقها شوكولاته مبشورةاو عود بسكوت ..
انتي وشطارتك وطبعا وقت الترفيهه جا بعد العشا .. جيبي اي لعبه ثانية انتو تحبوها ..
والعبووهكذا كل اسبوع ارسليله مسج واعملي حاجة معينة ..
اذا كنتي شاطرة في المطبخ والحلويات اعملي تورته بالفواكهه مثلا
وش اللي تناديه علشان ياكل فطاير ومعجنات ..
من قل الغازات اللي فيه بتوكيلينه فطاير علشان يعجعج غرفتكم
ووش اللي تنادينه من خوياه علشان عسكريم عليه حثيربات كاكاو ..وش شغل البزران ذا
إقتباااس
والاسبوع اللي بعده جيبي انواع كثيييييييرة من المكسراتوحطيها في اطباق الضيوف وقدميها ..
انا قصدي كل اسبوع ركزي على حاجة معينة وطبعا اللبس يختلف الاسبوع هذا لبستي لبس ناعم
شورت وبدي وميكياج خفيف الاسبوع الجاي فستان سهرة .. وميكياج صارخ .. واللي بعده قميص
نوم كشخه والاسبوع اللي بعده قميص نوووم مغري .. مع تغيير في تسريحة الشعروالميكياج .. ..
وعاد هو به زوجتن بتبتل تسذا طول السنين..كل اسبوع شموع و قمصان نوم وشلحات ههههههههههه
وكل اسبوع بياتز وفطاطير وعساكريم وكاوكاوت واكل من برا والا طبخات منزليه
اولا مافيه حرمتن بتسوي تسذا لو ان زوجها اطخم ورومانسي وحنون
وغني وكريم وخفيف دم بتحمّس لها شهر ..
الاسبوع الاول قميص نوم مغري وشموع وبخور وعشا فاخر من صنع يدها
واللي بعده ببلوزه وبنطلون وفطاير وبيتزا ..واللي بعده ببجامه وشاورما
واللي بعده جلابيه ومثلوثه
وخر اسبوع بشلحه وكشه وسعابيل وتشخر نوم وتسفهه
واخيرا خربتها الاخت وقالت:
أقتبااااس:
وخللي اسبوع لوك بنوتة صغية من خلال لبسك والتسريحة ممكن قرنين زي الصغار بطريقة جذابة
وبكل ملونه ومدندشة وشبشب تويتي حق البيت واسبوع تكوني انثى ناضجة شبشب ريش وتسريحة تناسب انوثتك وهكذا .
واكييييييييييييد الكلاااام المعسووول البعيد كل البعد عن مشاكل الاهل والاطفال ومقاضي البيت ..
اليوم هذا لكم انتو وحبكم وبس ..وطبعا لما يكون رايح عند ربعه لا تقوليله انك راح تعملي شيئ
ارسليله مسج وهو يجيكي ركض ..والله يابنات هذه طريييقه رهيييييييبة تخليكي تشدي زوجك للبيت
في الويك اند ويصير هو ينتظره بفارغ الصبر
هههههههههههههههههههههههههههههه هههههههههههههههههه
اقول الله يرحم حالتس بس..
هو بيمشي لها الاونو لكن مهوب ممشي لها القرينات والتويتي ..
بعدها بيوديها لشيخ ينفث عليها
قاعد اتخيل الجلاده مسويه كذا لعبدو وطبت عليهم المهلهله
وهي لابس تن شبشب تويتي و تنطط بقريناتها هههههههههههههههههههههههههههههه ههههههه
واخيرا ما اقول الا يا حبي لكم يا امهاتنا اللي اذا الوحده منهم اذا خربتها خربتها
وعبرت عن مشاعرها ورومانسيتها قالت لشايبها
جعلي ما ابتسيك ههههههههههههههه
.....منقول.....
رد مع اقتباس
مواقع النشر