افكر اروح بيت اهلي واتركه ...."شرايكم؟؟؟"
السلام عليكم ورحمة الله وبركاته:
شخباركم يابنات؟
انا عندي مشكله ومحتاجه لكم ومالي الاا اللله ثم انتم حتى اهلي ماقدر اقولهم هالشي لأنه يضايقني ويقلل من قدري بلييييييييييز ساعدوني وربي جاني اكتئاب.
يكفيني الحزن الذي يكتنز صدري بسبب هذا الجسد المرتمي علي كالقماش المهمل بلا كي ولاأستطيع التأقلم معه، كان وزني 93 بعد الولااده والآن هو 74 ولكن هذا الزوج الذي لايقدر جهدي الذي بذلته ويقول: "جسمك يفشل" " **** " " استحي أطلع معك" " بتزوج عليك" "جسمك زباله" "لاتلوميني ان طالعت غيرك"
عندما اتزين واتعطر والبس قميص نوم جديد مايمدحني ولااا يقول شيئ وانا انتظر بشغف نص كلمه منه او حركه تبدي اعجابه .
"انه غير معجب فيني" عباره تثير جنوني وتهين انوثتي فأنا جميله والجميع يقول يابخت زوجك فيك لكنه هو فقط من يراني زباله في وجهه ومره قلت له انا اتضايق من اخوك "وعمره 15 سنه مراهق " لما يمر بدون مايطلع صوت علشان اتغطى ويرد " ايش بشوف يعني" كل هذه اشياء تجعلني لاأشعر بيقيمة نفسي وأكره حتى ان اخرج للناس او البس او اتزين له.
لدي انخفاض شديد بيقيمة الذات بسببه ، كرهت جسدي وحياتي ونفسي بسببه ، دائما يحرجني امام اهله عندما نتغدى مع بعض وانا معهم" بتاكلين؟؟" مع حركه بايخه منه بيده وملامح تقول تبين تتفخين زياده " جدتي تسوي رجيم" قصده نسيتي الرجيم " عطوها شاي اخضر" بعد الأكل
انا استمتع بالأكل وأحب الشبس وهالخرابيط وهذا بالنسبه لي شيئ نفسي وكل ماتضايقت آكل وارتاح واشعر بالسعاده وبعدها يأتي تانيب الضمير.
وكل ماشافني آكل يقول "انتي طبله" " لاتلومين ان شفت غيرك" وكلام مللني حياتي.
انا ناويه اوصل 55 ومصره والحين وزني 74 بس ماأقدر امنع نفسي من كل شيئ ، انا ماأقدر ليش مايفهم لكن بنحف ان شاء الله وادري كلامي فيه تناقض بس انا كان وزني 93 ونزلت لما 74 وادري اني اكمل واوصل 55.
لما يشوف وحده بالتلفزيون يقهرني بأنه يتأوه ويطلع اصوات تضايقني ويتغزل فيهم ، احس بالأهانه والله تعبت ، محتاجه احد يقول لي انتي حلوه وجميله ومحتاجته هو الي يقولها بس مايحس فيني .
افكر اروح بيت اهلي اليوم او بكره لأني مابي اجلس مع واحد يشوفني زباله في وجهه احس بالأهانه، انا مو مرتاحه معه ، مايعطيني فلوس ولا مره حط في يدي ريال لأنه طالب وصبرت عليه ولا اطلب منه ولا همني ، مايطلع معي مول او كافيه او مطعم ولاا نتمشى باي مكان ابد ابد ابد ، مايسولف معي يعني لو يوم يوم كامل ماسولفنا عادي ، لما انا اسولف مايسمعني وينشغل بالجوال ولا يرد علي ولاا يطالعني حتى ولما اقوله ايش رايك في كلاامي يقول سوي الي تبينه، انا توني عمري 22 محتاجه انسان يحسسني بجمالي وانوثتي "واني مرغوبه" وانه محتاج لي ولا يقدر على فراقي ،
شسوي وربي تعبت؟؟
رد مع اقتباس
مواقع النشر