بسم الله الرحمن الرحيم
الطلاق أبغض الحلال ,,,,
والتفكير فيه يكون لعدة أسباب:
يمكن السبب من الريال...
ويمكن السبب منج...
ويمكن السبب يكون الملل من الروتين....
وساعات يكون السبب من التدخل....
أيا كان السبب لازم تكون لنا وقفه صراحه مع انفسنا قبل ما نقرر ...لانها مرحله مصيريه...
اسألي نفسج هالاسئله :
1- هل اقدر اصبر عن هالانسان اللي عشت وياه عمر؟؟؟معقوله بنساه؟؟؟معقوله بنسى رقمه ؟؟وبنسى صوته؟؟ما بشتاقله؟؟مابفكر اني اسأله عن أحواله؟؟ بيي العيد ما بباركله؟؟
2- شو بيكون شعوري لو سمعت انه عرس ومرتاح ومريحتنه حرمته اليديده لانه اكيد هو بيتفادى بعد أغلاطه اللي غلطها ويايه وبيحاول انه يريح العروس اليديده؟؟
3-شو بيكون وضعي فبيت أهلي؟؟ حتى لو يحبوني ويدلعوني اكيد بحس بالوحده, اكيد بحس بشي ناقصني،حتى لو عندي غرفه ولابتوب ونت ووظيفه وفلوس وسياره انزين وبعدين؟؟هل هذا بيكفيني؟؟ بعد أبغي حب؟؟صح ولالا؟؟
4-بتقولين عندي اهلي و ربعي يونسوني, انزين بيونسونج طول اليوم وبعدين؟؟ وفليل يوم بتكونين بروحج والدنيا هدوء ..مابتحسين بالوحشه و الوحده؟؟مابتحسين انج محتاجه تتواصلين وياه ؟؟حتى لو تسمعين صوته وتسكرين السماعه؟؟
5-لو كنتي يالسه مع ربيعتج أو اختج واتصل لها ريلها وقالها قومي نطلع واعتذرت منج وهي مبتسمه وقالتلج انا طالعه...ويا ريلي سوري بخليج الحين...حلفتج بالله شو بيكون شعورج...؟؟
مابتحسين بغصه وحسره على نفسج؟؟الناس تتونس وانتي مزروعه في البيت ؟؟خلاص ماعندج حبيب؟؟اقصد بالحبيب الزوج..لاتفهموني غلط..
6- يوم بيونج عيالج وبيقولولج ليش مانروح بيتنا؟؟؟تمينا هني وايد؟؟شو بتقولين؟؟
7- يوم بيقولولج نبا ابونا وهو لاهي بحرمته وحبيبته اليديده شو بتقولين؟؟ لا تتحرينه بيذكر عيالج ،من تحمل اليديده بيطير مخه وبينساج انتي وعيالج...شو ذنبهم..
8- محد بيرحم عيالج غير ابوهم ..هل بتتحملين اذا حد من اهلج عق كلمه على عيالج؟؟؟ صدقيني الكلمه بتعورج قبل ما تعورهم بتشوفين لو ابوهم ضربهم اهون لج من هالكلمه اللي عقوها اهلج.. مالهم ذنب يعيشون بعيد عن ابوهم وحتى لو وجوده مثل عدمه..ظلته وحسه في البيت يكفي...
9- اتخيلي انج يالسه في تجمع عائلي فبيت اهلج , وكل خواتج رياييلهم يو ياخذونهم وعيالهم سمعوا هرن السياره وقاموا يركضون فرحانين بأبوهم,,,شو بيكون شعور عيالج؟؟؟ وشو بيكون شعورج؟؟هل تظنين انج تقدرين تعوضينهم؟؟ او حد من اهلج يقدر يحل محل ابوهم؟؟؟ مستحيل...
اسالي عمرج هالاسئله اذا حسيتي انه عادي عندج,, ولكل سؤال عندج له جواب خلاص ...انتي قد الطلاق..
*ما أنكر إن رياييل هالأيام فيهم عيوب كثيره...منها:
-ما عندهم مسؤوليه و الاتكال عالحرمه في شؤون البيت و العيال... (الحريم هم السبب)..
-كثرة السفر و السهر.. (له حل بالصبر بس نحن الحريم ما فينا صبر)..
-البخل ...(له حل بالاحراج)..
-الخيانه (مالها حل).. واقولج في هالحاله لا تصبرين واخلعيه بعد..
بس ليش توصلين عمرج لهذي الحاله...
انتي في غنى عن هذا كله....
كوني قويه وسيطري عالموقف...بتقولين كيف؟؟؟ شوفي الأسئله اللي تحت...:
سؤال: تبغين اهتمام؟؟؟؟؟؟؟
الجواب: اهتمي بنفسج وعقب هو بيهتم فيج...
سؤال: تبغينه يدلعج؟؟؟
الجواب دلعي نفسج وعقب هو بيدلعج...
لاتهملين نفسج عشان ريال ولا تضحين عشان ماتندمين على اي شي؟؟؟
عيشي لنفسج أول شي ...لاتعيشين عشان ريال..خليه اخر اهتماماتج..انا ما اقصد انج تهملينه بس قولي بينج وبين نفسج : انا ثم انا ثم انا ثم انته..
كوني قويه...كوني ملكة وامبراطورة البيت،،،ديري شؤونج ورتبي حياتج ..ودلعي عمرج ,,واهتمي بنفسج..وشوفيه كيف بيتخبل وبيلحقج وبيدور رضاج..
الحرمه اللي تنسى نفسها ينساها الريال...
الريال ما يبا بشكاره تخدمه ..يبا شيخه متعدله وتدلع عمرها تنورله بيته...مب وقتج كله في المطبخ ...خليه يشتاق لاكلج مب كل يوم العيد تطبخيله عشان ما يحس انه واجب عليج ترا عقب بيتعود وياويلج من تعب المطبخ ولا بيقدر اللي تسوينه له وبيقول في نفسه هذا واجب لانج عودتيه...
الريال يبا دلع ما يبا صوت عالي وصراخ لانه ينفر من الحرمه اللي تصارخ ويجز منها ..(أنيابج هذي طلعيها يوم هو برع البيت) لاتخلينه يشوفج وانتي بهالحاله..
ليش عندج بشكاره؟؟؟عشان تعابل البيت وانتي تفضين لعمرج...
منـــقووول..
رد مع اقتباس
مواقع النشر