زوجي والسفر

[NEW]

[align=center]×?°بسم الله الرحمن الرحيم
موضوعي يتحدث عن الازواج الذين يسافرون للخارج
بالنسبه لي انا اطفش ويضيييييق صدري وبس اقعد افكر وش يسوي الحين
هل فيه احد مثلي بالاحساس×?°[/align]

[حبيبة ابوها]

بسم الله الرحيم ...

الحمدلله رب العالمين والصلاة والسلام على اشرف المرسلين وبعد.....


اختي العزيزه نيوو بصراحه اختيار بيت حواء اختيار موفق ماحتندمي عليه .. الله يحييكي بين اخواتك..

اول شي ياستي السفر ازا كان لعمل غصبا" عني حوافق .. بس صح انتي واثقه في جوزك بس يمكن تغيري عليه

عشان كده تتضايقي لما يسافر او انك تحبي تكوني معاه في سفرتو ..لكن اش تسوي لا تعطي لنفسك مجال انك

تفكري شر فيه او تخلي الشيطان يلعب بعقلك .. كمان اشغلي نفسك وادعي ربنا يبعد عنو الرفقه السيئه والبنات

ايلي مو كويسين بلاش نقول بنات .... , تاني شي :

سفرو ازا كان سياحه مع اصحابو صراااااااحتن <<< ركزي في النون ...ههه... ماااا اوافق .. ويمكن اقلب الدنيا ع

دماغو ليه يسافر من غيري .. بصراحه مو لو اني حلوه لو اني ملكة جمال وواثقه من نفسي ومن جوزي ما اخليه

ايوا واثقه فيه بس ما اثق في ايلي هناك كمان يا امي سرنا اخر الزمان وربي سارو الحريم اجرأ من الرجال ..والشيطان

شاطر اغوا ابونا ادم عليه السلام مبالك ببشر الشيطان يجري مجرى الدم فيهم !!!

بس انتي حاولي تعودي جوزك انو اي مشوار تكوني معاه .. يمكن تقولي عيال ودنيا فين احطهم معايا في السياره

في هادي اقوللك صح بس بعض الرجال اتعودو من بدري اتو حتى لو بيروح بقاله حرمتو معاه تكون تلاقيه هوه اتعود.

بس برضو فيه حل تاني حاولي تجيبيها بحب وهدوء يا انك تتكلمي معاه وجها" لوجه او تكتبيلو ورقه انو انتي تحبي

زوجك يكون معاكي وحسو يكون معاكي في كل مكان وانك تتضايقي لما يبعد وحياتك تسير كئيبه ومن دا الكلام

الحلو ... وآآآآآآآآه بس مع اني ماعندي بزوره لسه وماسارت انو سافر لوحدو بس انا من النوع ايلي خيالها واسع

ههه..وافكر في المدى البعيد مع انو المفروض اخلي كل شي ع ربي واعيش الواقع بس تعرفي احيانا" لما تكوني

لوحدك تيجي الأفكار الخنفشاريه .. بس في النهايه انتي برضو فكيها شويه اش حتستفيدي هوه هناك مبسوط

وانتي تاكلي في نفسك انبسطي وفليها مع اهلك وصحباتك وبرضو كتري من المسجات الحلوه ايلي تخليه ما

يطول ويحس انك اشتقتيلو والله يخليلك جوزك ويسعدكم مع بعض ويجعلك اجمل النساء في عينو ياااارب ويبعد

عنو الناس البطالين ... وانتي قوي نفسك وهدي من الغيره >> انصحي نفسك اول ..خخخ .. آه بس منك ياغيره

لاااااا تفكري في ايش يسوي هناك وربي حتتعبي .. والله يجعلو مايسافر مكان الا ورجلك ع رجلو ...هههه

تقبلي تحيات اختك حبيبة ابوها .,.^ _ ^ .,.

واللهم صل على محمد وعلى اله وصحبه وســــــــــــلم ...

اسفه ع التطويل

[أم الثلاثه]

~*¤ô§ô¤*~السلام عليكم ورحمة الله وبركاته~*¤ô§ô¤*~
اذا كان زوجك يسافر للعمل تحمليه

واذا كان منحرف وعنده علاقات غير شرعية اتركية افظل لك لانة مايستاهل وحده شريفه تكون عنده

واذا بتجلسين عنده تحملي العواقب

[**أم الغاليه**]

الله يعينك على الأفكار اللي تروح وتجي
بس لا تتعبي حالك اذا كان سفره لعمل
اما اذا كان منحرف باإمكانك منعه