السلام عليكم اخوانى عضوات منتدى بيت حواء
بصراحه انا من اشد المعجبات بهالمنتدى وبمواضيعكم الاكثر من رائعه
عشان كذا حبيت انى اكون وحده من العضوات واتمنى ان تتقبلونى كأخت
وصديقه لكم ...........ولكم منى جزيل الشكر
وبصراحه استفدت من وايد مواضيع طرحتوها وكان لها تأثير كبير
فى طريقه عيشىوغيرت وايد امور من حياتى الزوجيه
وانتبهت لامور كنت غافله عنها وما كان لى علم بيها تخص
التعامل مع زوجى او مع اهل زوجى وحماتى بالاخص
موضوعى او مشكلتى اللى اتمنى انها تلاقى اهتمام من قبلكم
ولاتبخلو على بالنصيحه لانى مو عارفه شو اسوى فيها
الموضوع بأختصار
ان متزوجه من اربع سنوات وشوى وعندى ولد واحد والحين حامل ولله الحمد واسكن
فى شقه مستقله عن بيت اهل زوجى مع ان زوجى وايد متمسك باهله
ويتمنى ان يلبى لهم كل طلباتهم وللعلم اهو اللى بانى لهم البيت اللى الحين
يسكنون فيه واحنا ساكنين فى شقه للايجار
الموضوع ان زوجى الله اكرمه ويبى يبنى لنا بيت فهو يبى يشترى مزرعه لويبنى فيها بيت صغيرون
يلمنا لانه اهو اهله يموتون على الزراعه واحواض السباحه وهالامور
بس انا ما ابيه ياخذ مزرعه لان ابى ياخذ لنا بيت (فيلا) نفس اللى بناها لاهله
واهو يقول المزرعه افضل
الحين انا ما ابيه ياخذ المزرعه لانى اعرف انه بياخذها علشان اهله يستانسون ويجون
كل شوى عندنا(بالمزرعه اقصد) بحجه انهم يتمشون ويغيرون جو واخوانه الصغار يتسبحون والخ
وانا ما احب الفوضى واحب يكون بيتى مرتب
وابيه ياخذ البيت عشان اخذ راحتى فيها
فكيف اصرف نظره عن انه يشترى المزرعه بدون ما احسسه انى
ما ابى المزرعه عشان اهله ما يجون كل شوى
يعنى ابى طريقه حلوه بس بدون يعرف غرضى شو تنصحونى
ارجوكم لا تطنشونى وردو على
مواقع النشر