بســــــــــــــــم الله الرحمن الرحيم
السلام عليكم ورحمة الله وبركاته انا اول مره اشارك في هذا المنتدى ونشالله حبيت اعرض قصتي لكم
انا من عائلة متدينة ومحترمة عشت طفولتي اذووق طعم الماسي والقهر من الظلم والتعب النفسي اكيد راح تقولو من ابوكي اومن اخوك او ..... عشت طفووولتي ببكاء والم بسبب اقرب الناس لي وهي امــــــــــــــــي
لاتحكمون من الحين اسمعوني الى الاخر وبعدها تكلمو طبعا انا عندي 8 انا التاسعة لما وعيت للدنيا شفت معاملة امي القاسية لي ليش والله والله مدري ليش بالذات انا تكرهني كره العما يعني ماتطيق تشوفني اذكر لما كنت طفلة كانت تضربني ضرب بالعصا حتى اروح الى المدرسة ولكن بالمقابل تصحي اخواتي الباقيات بهدووء وحنان اما ابوي كان انسان طيب جدا مايفرق يحبنا كلنا سواء . المهم كبرت دخلت المدرسة ولما كنت في اول ابتدائي يعني عمري 7 سنوات جاءت الى بيتنا بنت جيرانا تلعب معي ورحنا نلعب بالغرفة حقتنا وانا ماادري كان فيه جيك يعني قارورة ماء من الزجاج اصابتها رجلي فانكسرت فارتعبت من شدة الخووووووف من امي قلت والله امي راح تذبحني وجلست اتوسل واترجى صديقتي انها تساعدني قالت لي صديقتي تعالي بيتنا وذهبت الى بيتهم وانا خائفة جدا المهم ماانتهت نص ساعه الا واخو صديقتي يطرق الباب قال تبيك امك انا كنت خااائفة نزلت من الدرررج ونظرت الى امي شفت في عيوونها نظرة القهر والغضب ومعها عصا والله يابنات اني مابالغ . اخذت العصا تضربني بدوون اي رحمة قدامهم كلهم يعني قدام اهل صديقتي وانا كنت ابكي ابكي وهي ولا هامها طبعا هذا الموقف من اتذكره اجلس ابكي الى اليوم وكلما كبرت زادت قسوتها علي المهم لما كنت بصف رابع ابتدائي كان ماحد يذاكرلي لانها تكرهني ولاتهتم فيني كل همها اني انجح بدون حتى ماتعلمني او تذاكرلي المهم في الصف الرابع رسبت في مادة التعبير وقالت لي عقابك انك ماراح تسافرين معنا وجلست ابكي ابكي وابكي في الغرفة وطبعا كنت اراضي حالي بحالي يعني بكل بساطة كنت منبوذة تصوروو لدرجة اني قلت اني مش بنتها من شدة العذاب اللي ذقته منها .... بعدين كل هذا في مرحلة الطفووله اول مادخلت اول متوسط كنت بمرحلة المراهقة وتعرفوون كيف اول مادخلت اذهب الى المدرسة وكنت اعرف الاجابة ولكن مستحيل اجاوب او ارفع اصبعي واذا قالت المدرسة جاوبي كنت اجاوبها بصوووووووووت جدا خفيض لايسمع وتقول لي ليش يابنتي ماتجاوبي انتي تعرفي الاجابة وكنت اطالع فيهم دايما خايفة وبصراحة الى الان لااعرف لماذا كنت كذلك في متوسط .. طبعا لازالت امي تعاملني باشد القسوة والضرب وطبعا اللي يشوف امي يقول اكيد انك كذااابه لانها تبين لهم مدى حبها وحنانها وطيبتها .. بس بصراحة كانو يعرفو انو امي اذا جاءت تكلمني او تتحدث معي بكراهية ... المهم نادتني مديرة المدرسة قالت لي جيبي امك بكره ناديت امي وانا خاايفة ولما راحت قالولها عن مشكلتي وانو لازم يجيبون لي اخصائية اجتماعية وسالوها ليش هي كذا تصدقون عملت حااالها ماتدري وبريئة قالت لهم والله مدري... المهم بعدها انا نجحت باول متوسسط وعدت هذيك السنة على خيررر يالله يالله انتهت ولماذهبت ثاني متوسط كنت ابي الحنان باي وسيلة ممكن لاني كنت محرووووووووووومة منه وذهبت ابحث عنه لاجده في شخص تعرفت عليه عن طريق التلفون احبني وعشت هذيك الايام حلووووة لانه اشبعني من ناحية النبذ والتفرقة والكراهية احسست بالحب والعطف اما اخواتي لم يفعلو مثلي لانهم كانو لايحتاجونه ولم اخبر احد وفجاة امي عرفت القصة لاني كنت اكلمه بالليل وباخر الليل رفعت السماعه الثانيه وسمعت بتقولون اني غلطانة صح عندكم حق بس على فكره انا كنت مابي اتزوجه او ارتبط فيه لاني كنت ابي عطف فقط لاغير والدليل على ذلك اعطيته اسم مستعار ولم اعطه رقم تلفونا او اي شيء انا كنت اتصل فيه حتى اسمع منه كلمة عطف لاادري لماذا مع اني والله لم احبه المهم لما عرفت امي طبعا مايحتاج اقولكم ايش انواع الضرب والاهانات ولم تستر علي انما خبرت اخي الكبير وانحرجت منه جدا وهو لم يصدقها قال لها لا اختي لاتفعل ذلك ثم ذهبت الى خالي وقالت له وجاء خالي وكلمني انا بكيت لانه عرف وانحرجت جدا جدا منه طبعا حرمتني من التلفونات لم تاتي لتتحدث معي ليش يابنتي سويتي كذا لم تاتي من ناحية العطف انما زادت قسوتها علي اكثر فاكثر لدرجة اني كنت اصوم بشهر رمضان طبعا مااقدر اكل اي شي والله اني صادقة بكل كلمة اقولها لانها تناظرني وهي مكشرة وجهاا يعني قومي واخاف وقووم حتى الجميع كانو يقولون ليش انتي ضعيفة هالشكل انا اسكت ياما حاولت الهرب بس لووين المهم كبرت دخلت ثالث متوسط وتصدقون ان المعلمات كانو متعاطفين معي لدرجة انهم كانو يقولو لي لاتخافين احنا معك ماراح نضرك نبي بس تجتهدين قمت اجتهد بالدراسة الى لما جاء رجل مقتدر ومتدين ليخطبني فخالتي تفاهمت معي ففرحت حتى انتهي من هذي الدوامة قلت انا ابي اهرب ليش مااهرب بطريقة مشرووعه مع زووجي .... فوافقت عليه والكل بصرااااحة اسمووووووني المستعدة لانه مثل مايقولون رجل لايتفوت من الناحية التعليمية والدينية والمالية .... المهم اول ماشافني كان سعيد جدا جدا بروءيتي فانا واعوذ بالله من كلمة انا جميلة جدا . وانا احببته وقلت ياربي انشالله يطلع حنون ويعطيني حنان لاني فاقدته . مرت ايام الخطبه سسريعا وكانت اسعد ايام شفتها من ولدتني امي لماتزوجته قلت له اريد ان اكمل دراستي فقال لي صااار وفعلا دخلت او ثانووي لااخبركم بمدى السعااااادة والحب الذي رايته وكنت داااايما اضحك والابتسااامة لاتفارقني .. طبعا تعرفون انو كل اسبوع لازم تزورين اهلك فطبعا كنت اجهز واروح الى بيت اهلي ولااوريكم مدى الكلام البذيء والسيء الذي اسمعه من امي لدرجة اني ارجع للبيت ودموعي عل خدي طبعا لما كبرت انا صارت القسوة فقط من الناحية النفسية وليس الجسدية ..........
رد مع اقتباس
مواقع النشر