وش يسوي زوجك اذا عرف انك بتبدئين ريجيم او بدأتي

[سوما]

بسم الله الرحمن الرحيم
السلام عليكم ورحمة الله وبركاته

الريجيم وما ادراك ما الريجيم



حنا انا ومجموعة السبعه داخلين نسوي حملة ريجيم 2
واكتشفت ان زوجي متحمس بس مع ذلك على طول يبي مشاركه
في الاكل
كأن وده
انه يخرب علي
مطاعم وكوفي شوب وحلا في البيت وبرا وطبخات وطلبات مطاعم ووووووو.
ماودي اضعف واطنش الريجيم
بس المقاومه صارت صعبه
ياليت تقولين لي رأيكم
كل وحده تقول وش يسوي زوجها اذا عرف انها بتبدأ او بدأت ريجيم؟؟؟

[مرايه 66]

كيفكم جميع ياذوات الأزواج والله يديم عليكم نعمته ياذوات البدون أزواج (أمزح طبعا الله لا يخلينا منهم)

سبق إني أعطيتكم رؤوس أقلام عن تخريب الأزواج للريجيم (في حملة الريجيم )

وبأكمل الآن:

يكتشف زوجي بقدرة قادرإنه وزنه زايد وبحاجه ماسه للريجيم الفوري...........

وطبعايبدأويكون الزن اللي يخلص((جوعان مره وش رايك وش آكل؟آكل تفاحه؟لالالابلاش...والا أقول آكل خياره ؟ماتأثر صح؟والاخلاص بآكل في الوجبه............................................ ...............والا أقول وش رايك تجيبين لي زبادي بدون دسم ؟واذامافيه بلاش.......أقول جيبي لي كاس كركديه بس بدون سكر والاحطي سكارين حبه وحده ......والا اسمعي بلاش بيوجع معدتي على الجوع ))وخلال كل هذا اكون قمت وقعدت مية مره بالفاضي!!!!!!!والله انه كذا طول اليوم .....

وعموما انا اكره الفتره اللي يسوي فيها دايت لانه يكون متشدد جدا فيها وأي إخلال يخليه يبطل

ولازال هناك الكثير سأوافيكم به لاحقا............

ولكم اطيب امنياتي...........

على فكره اللي بدون أزواج ممكن يقولون العقبات اللي تواجه ريجيمهم من أي جهه.............

[ღ أنين الذكرىღ]

انا زوجي مايقتنع بشي اسمه رجيم واذا قلت بسوي رجيم يقول لي ماله داعي ومش لازم من هالاكلام الي يجيب الاحباط ويخرب علي دائما يجيب من بره الاكلت اللي احبها والحلويات والسنبيييييوووننننننن الذيذ الي ماقدر اقاومه والخر المطاف يقولي ترى اذا طحتي ولا جاك شي انا ماعلي منك ((شفتو احد يحبط زي زوجي)) ودائما يقولي اهم شي الصحه احمدي ربك على هالنعمه
وايش اسوي دائما اسوي رجيم واخربه لان مافي من يشجع

[ام سلطان]

والله ضحكتيني يالقنعه

لان اخت زوجي ماشيه على حميه

فمرات اتمل انها اتسوي المحيه بروحها

فتطلب مني اني اسوي معاها

طبعا اختكم ام سوسو ما تحب تمنع نفسها من شي تحبه فتاكل

والله يكون في العون يوم اضايق و املل

كل اللي في الثلاجه في بطني:p

وطبعا اخت زوجي اتقول بكل قهر انتي تاكلين و ماتمتنين

وانا اذا كلت مثلج اصير درام

فرد عليها (عادي كلي حد يحرم نفسه من نعمة ربه)

فهني ييها احباط

والمسكينه ما تقدر اتقاوم فتاكل

وترد اتسوي حميه

وعلى هالموال

وقولها تمي على هالموال لين مايج المعرس وانتي و حظج يحصلج خاسه او مليانه

حليلها تبي من يشجعها

بس مو محصله



اعذريني سوما دخلت في موضوعج عرض:p

انا عندي اقتراح لج ياريت يعجبج

هو انه انج عادي تاكلين

الاكل اللي تبينه بس بحدود

بعني

انج تفطرين عادي بس لاتكثرين من الخبز

و قلقي من الفول

او افطري تمر و ماي

او كلي برتقاله بس لاتشربين عصير برتقال

الغدى كلي الغدى اللي يعجبج

ان كان عيش او معكرونه عادي كلي

بس لاتزيدين الكميه اكثر من مله

و خلي الغدى غني بالخضار (طماط خس خيار كوسي جزر بقدونس زهره ملفوف)

سويلج شوربة ملفوف بين فتره و فتره

يساعد على الهضم

العصريه

يا انج تشريب عصير او تاكلين فواكه

عادي كلي حلو بس لاتكثرين يعني قطعه بسبوسه او قطعة كيك او لوح شوكولا

او شبس او بسكوت الهم لاتكثرين

العشا كلي اللي ينحط على العشى بس خلي اكلج للعشى قبل الساعه 9 بليل

عشان اتلحقين تهضمين اكلج قبل ماتنامين

واذا حسيتي بيوع بعد العشى اشربي ماي وكل ماتيوعين اشربي ماي

ولا تنسين اتكثرين من الماي

واحسن و قت للماي هو على الريج بس الماي ما يكون ماي ثلاجه

حطي غرشه او ابريق الماي برع و شربي منه انسي ماي الثلاجه

وهني ما بتحسين بحباط

وما تحتاجين لتشجيع

وعلى طاري المطاعم والكوفي شوب

عادي كلي وشاركي زوجج بس بحدود

بختصار لاتحرمين نفسج

وياريت بعد انج تمشين مو تركضين

ساعه او ساعه ونص يوميا او كل يومين

و سوي رياضه مره بالاسبوع

لان الرياضه بتساعد على شد الجسم

او سوي اسبوع رياضه و سبوع حرمان من الاكل

اذا بغيتي اي استفسار انا تحت امرج

والسموحه