قفلت وانافيني صيحه هم وانزاح هذول هم الصاحبات القاهن فالشده والرخا لفعل الخير دايم جاهزات
ومابنسى افضال ريما وطاطا واودي والي متأكده لاقرن الحين اساميهن بتطلع عيونهن هههههه كشخه من قدكن اساميكن طلعت بالرواية
نرجع لتكملة القصه
.....
دوامي كان فشفت المساء الساعه2الظهر وصيت محمدياخذ عصير وشبس وطلعت للجمعية واول مادخلت يادوب ابي اسكر الباب الي وصراخ الاطفال وصوت جري ونطو علي
الجميع:مبروك يمه مبروك الفوز
بحور:ماما شويه بس ابشيل غطوتي اختنقت
وبعدو عندي لثانية
واول ماشافو وجهي وابتسامتي
رجعو ينطو من جديد
بحور:هههههه ياماماموكذا شوي شوي
فهد:ياالله يمه الحين نروح نشتري
سطام:ارجعي البسي غطوتكي ولاتفصخين عبايتك
بحور:ياماما حرالحين خلونا ندخل ونريح شوي وبعدصلاة العصر نصلي ونمشي
عزوز:ع طول ع طول
بحور:ع طول ع طول
عزوز:ونروح بسيارة محمد حسين (سواق الجمعية سوداني)
بحور:ايوه يماما
عزوز:يا الله تعالو نصلي
بحور:عزوز باقي ماأذن لاأذن وقال الله وكبر نمشي
اخذتهم ودخلنا جوا سلمو علي البنات وباركو بالفوز
علي:انا اول واحد عرفت
بحور:صح انتو وش دراكم
علي:ماماهنادي قالت لنا جت الصباح وخبرتنا
مامابحور شفتي البارح لماجينا من الاستراحه كل شوي اقول لهم ادعو ليمه
فهد:وانا نمت وانا ادعي
علي:هههه شفتي فهد وهو نايم يتكلم يقول يارب نفوز يارب نفوز
بحور:ياحياتي والله
جابو لي طلال ياهالطلال الي ذابحني اخذته وبوسته وحطيته بحضني
قعدت اسألهم والعب معهم
شوي اسمع صراخ سطام وفهودي وصلاح
يمااااااااااااااه يمااااااااااااااااه يايمه اذن والله اذن
فهود:يمه اذن انا سمعته
صلاح:كذاب انا سمعته اول
سطام:اصلن كلنا سمعناه صوته عالي مو خفيف صح يمه
بحور:صح يمه ياالله نقوم نوضي ونصلي ونتجهز ونمشي
صلاح:يمه امانتك بروح
فهود:ايوه يمه امانتك مانسوي حاجه غلط
صلاح:الله يخليكي
بحور:واذا سويتي ازعاج
فهود:مانسوي صح صلاح
صلاح:صح
وصالح قط معهم بعد:صح
بحور:ماتلحظون صالح دايم قاط معهم بس بكلمت صح
علي:ههههه مايعرف غيرها
بحور:عشانه صغير لاكبر يعرف اكثر صح صالح
صالح:صح
قمنا وصلينا ودقينا ع السواق ياخذنا وفالطريق اعطيهم نصايح محد يسوي شي غلط ودخلنا المجمع ارحم من المجمع السابق اللعبه 2او3ريال خلصو لعب بعدها دخلنا قسم الموادالغذائية
واخذت لهم عربيات صغيره وكلن يفحط من عنده وتعبت وانا ادورهم ادخل من هنا احصل فهوديلف يلف عند المعلبات والمح من بعيدعزوز يفحط عندالخضار>>مختار اوسع مكان هههههه
بمساعده علي وسطام واماني وريم قدرنا نجمعهم
واخذت عربية كبيره وحطيت بوسطها فهود وصلاح عشان مايلعوزوني وعزوز جنبي
كل واحد اخذ له الي يبيه ووقفنا عند رف الكورن فلكس وصار هالنقاش
فهد:لامابي ابغا هذا
بحور:فهود ياحبيبي اناماقول ماتاخذه راح اشتريه بس اذا اشترينهابعطيه ماماسمر تشيله واذا انت افطرت زين تحط لك
فهد: هذا ليه ماتعطينها اياه
بحور:لك ياما ولأخوانك بس توعدني قبل تاخذه ماتاكله الابعدماتاكل اكل زين
فهد:خلص بس ماتعطينه يمه
بحور:خلص ماراح اعطيها انت تعطيهابس تطعم اخوانك منه
فهد:خلاص
بحور:ياالله نمشي مشو معاي ومرينامن قسم الاطفال واستوقفنا صوت عزوز
عزوز:يمه حقات طلال
ويأشر على البامبرز(تكرمون)
ضحكنا كلنا
ههههههههههههههههه
ورفع صوته عزوز:ليش حاطينها هنا هذول حقات طلال
خوذيها يمه
بصراحه انامن الضحك مو قادره اسكته ابغا الي يسكتني احاول اصبر نفسي لانفجر بالضحك قدام الناس الي كلن يضحك ع موقف عزوز قدام البابمرز(تكرمون)
وبالعافية سحبته ومشينا وطول محنا عندالمحاسبين يسألني يمه ليش طب ليش ماخذينها حرام هذي حقت طلال خلينا نرجع ناخذها
وصلتنا الجمعية ووزعت اغراضهم عليهم واتعشو ونامو بدري من التعب
وانا اخذت طلال وطلعت
عندالبنات وقعدت احكي لهم واسولف لهم عن الي صار
وضحنا وعلقنا
ام احمد:يام طلال عطي طلال وجهك يضحك لك من اليوم
بحور:فديت طلولي أنا
هند:ليش ماتاخذيه انا لواني منك اخذه
بحور:اهلي خايفين من المسؤلية وشايلين هم كلام الناس
هند:الي يسمع كلام الناس يتعب
بحور:صدقتي
ام تركي:ماابغا اخرعك قبل يومين شفت حلم يخرع فطلال
بحور:بسم الله عليه لاتقولي لي شي الله يحفظه ويحميه ويحفظهم كلهم
جا الباص واستودعتهم الله وسلمت طلول للأمهات الي بينامن عندهن ووصيتها تنتبه عليه بوسته ومشيت
واستمرينا ع ذا الحال لاكني اشوف بعيون المربيات كلام لاشافو طلال معي ولاقدرت اعرف سبب هالنظرات وانساها مع عيالي لا التمو حواليه
وفيوم اول مادخلت من الباب انصدمت بعيالي وهم يقولو طلال راح
خذوه ناس؟؟؟؟؟؟؟؟؟؟؟
صدمــــــــــــــــــــه
صدمه ماكانت ع البال ابد الا طلال الا ولــــــــــــــــــــدي
طــــــــــــــــــــلال لاتاخذوه
ماهم يقولو اسمي ام طــــــــــــــــــــلال انا امه انا الي ربيته يناس
شفتو أيدي الي اكتب لكم هالرساله فيها
بنفسهاهالايد لبسته وحممته
وبفسهاهالأيد رضعته
وبنفسهاهالأيد اشيله وحضنه
ليش هالأيد مامنعتهم ياخذوه ليــــــــــــــــش
ياربي ماعاد فيني حيل ياربي انت ادرى بحالي يارب هون علي والله موقادره استحمل بعده احس انه مقلب مقلب الا اكيد مقلب شفت ام تركي وناظرتها ابي جواب ابي بس ابتسامه محتاجتها تكفين ياام تركي تكفين طفي نارالي فقلبي
لاكن ام تركي زادت طعون قلبي يوم هزت راسها بأيه
لفيت لعيالىي ادورعلي ابي علي ايه علي ابي اشوفه هو مستحيل يخبي عني شي
وشفتــــــــــــــــه
لاياعلي لايايمه ياعلي انا للأن مصدومه من اخوك الي راح وانا ماشفته
ليش يايمه هالحزن بعيونك يايمه لاتزيد جروحي
الي فيني كافيني
بالغصب قلت
بحور:الله يوفقه عادي بكره يكبر ويزورنا
سطام:يمه همه ليش كذا كل ماجابو لنا نونو صغير
يجو وياخذوه
ليش يمه؟؟؟
جلست ع حافة السور جلست يمكن الجلوس يرجع لي شي من قوتي وكابح فيها دمعتي لاتنسكب قدامهم اذا بكيت بخرب كل الي بنيته لاكن الي بخططه انهار مع كلمة عزوز
عزوز:طلال راح مع امه راح بيتهم خلاص مانشوفه يمه
ونزلت دمعه قدرت اخفيها عن الاطفال الاأن ام تركي لمحتها وحست فيني واخذت الاطفال
بكيت تذكرون طلال تذكرون يوم كان فحضني ولمااتخذت قرار اني بكون ام لهم كلهم كان اول المؤيدين كان يبتسم
فرحان
حاسين فيني عيشي معاي الاحساس طفل اناتكفلت فيه احممه البسه ابدله ياماشلته ولعبت فيه ياما ايام نام فحضني ماكنت ابيه يقوم عاجبني شكله
ياناس والله حتى صديقاتي المتزوجات اسألهن واخذمنهن معلومات اكل وشرب ونوم
كله عشان طلال
والحين ياخذووووه طب ليش ماقالولي ليش حرمني اضمه اخر ضمه ليش
آآآآه ياطلال ياترى وش تسوي الحين صاحي ولانايم
رفعت راسي ع علي جالس كان يطالعني بس لما رفعت راسي نزل راسه وكمل لعب
لحــــــــــــــــظه
يبكي؟؟
ليه مايبكي مو هو الي كان يجيب لي طلال اول مااجلس
كم مره جبته لي ياعلي؟
كم مره تطلبني انومه جنبك والبي طلبك واذا نمت اشيل بشويش وابوسك واغطيك واطلع والصبح تعاتبني ليش ماتركته ينام وقولك يمه الانسان لانام مايحس بنفسه اخاف تطيح عليه ولايخنقه اللحاف
بحور حاولي تصبري نفسك٧ساعات مايصير كذا قومي وحاولي تكوني طبيعيه قدامهم قولي عادي بكره انتو كمان تسافرو وتعتمدو ع نفسكم ابي اشوفكم رجال
تعوذت من الشيطان وجلست جنب علي
بحور:علويه
علي:نعم
بحور:انتا كمان زعلان عشان طلوله راح
علي:هز راسه بأيه
بحور:ياماما عادي بيجي يوم وانشوفه
علي:؟؟؟
بحور:صدق يمه بتدور الايام وبنشوفه واذا ماشفناه بالدنيا بنشوفه بالاخره وان شاء الله نكون من اهل الجنه
بحور:شوف ياماما شفت الباب هذا
(واشرت ع باب الجمعية)
بيجي يوم اودعكم فيه بنشوف عيالنا الي ربيناهم كل واحد يعتمد ع نفسه
ابغا اشوفكم الي ضابط والي دكتور والي شرطي والي طيار
واكيد مابتنسونا وتجو تزورونا
وان شاء الله يمه بنلتقي فالجنة
ومانبتعد عن بعض ولايوم
قول ان شاء الله
علي:ان شاء الله
قمناودخلنا جوا عندالبقية واستمر اليوم على ماهوعليه وكنت اغلط كثير وانادي سعيد بطــــــــــــــــلال
فالمساء بغرفةالأولادفهدنام
وسطام وعلي ام تركي تقول لهم قصه
رحت لعزوز انومه شغلت له القرأن من جوالي واعطيته وجلس يرددمعه حتى غلبه النوم ونام
كنت ابكي ليش ماابكي وطلال بذا الوقت يكون بحضني يقلب سلسلتي
ظلام الغرفه منع الي عندي يشوفو الدموع الدموع الي تنزل عشان ولدي طلال
تذكرت حلم ام تركي مسحت عيني ولفيت لهم وسألت ام تركي عن الحلم وجكت لي اياه وقالت:اضن تفسيره وقع بروحةطلال
الحلم يخوف ودقيت ع الشيخ (عندي امل انه راح يرجع لي يمكن الشيخ يفسران الناس الي اخذو ولدي مايصلحو له وقتها بسوي المستحيل وارجعه)
سألني الشيخ ايش علاقتي فيه وحكيت له
وقال ليش انازعلانه المفروض افرح الحين له عائله حاله ارحم من غيره
بكيــــــــــــــــت وطلعت برا الغرفه ابهرب من عيون علي وسطام تدرون رجولي وين ودتني ودتني لغرفة طلال وقفت عند سريره فاضي يايمه انازعلانه لاني ماودعتك
يايمه كان ودي اوصي الي اخذتك عليك
يايمه اقل شي باخذ رقمها واتواصل معها انامومديره انا ام ست شهور قضيتها معك والحين ياخذوك بدون ماشوفك ليه يمه ليه
دق الباب ودخلت هنادي وخبرتني ان الباص جا
رحت اخذ شنطتي ولبست عباتي وقبل انزل دخلت غرف عيالي غطيتهم ومسحت ع روسهم ووصلت عندعلي لماجيت اعدل راسه انصدمت فمخدته غرقانه دموع مودموع كلمة دموع ماتكفي
الابحر من الدموع
عضيت شفايفي وجلست عنده بحور:علوي حبيبي ليش تصيح
علي:؟؟؟؟؟
بحور:تصيح عشان طلال
علي:هز راسه بالنفي
بحور:طيب ممكن تقولي يمه وش الي يخليك تصيح
قام فجئه وضماني وقعد يصيح
تدرون وش قال
قال يــــــــــــــــمه لاتخلينا
بحور:مستحيل هذا الشي يصير
من قال لك هالكلام
علي:محد قال
بحور:طب ايش الي خلاك تقوله
علي:اناقلت يمكن عشان طلال راح وانتي تحبيه ماراح بجين
بحور:ياماما انا احبكم كلكم وطلال ربي يوفقه
بعدته حن حضني ورفعت حواجبي وناظر فيني
بحور:انت وجهك يبيلك تكفيخ من وين تجيب هل افكار
واشرت ع فهيدان
فهمني علي
علي:ههههههههههه وهزا راسه
بحور:فديتك ايه افرد وجهك كذا موحلو انت مادالبوز
قرب بقولك شي
((بكره من الصباح بكون هنا لحد الليل بداوم دوامين ))
فرح كثير وضماني بقوه ودخلت حنان معصبه السواق ينتظرني واناطاقه حنك
ضحكنا واستودعتهم الله وطلعنا
وطول الطريق وانا اصيح
وسديم مثلي
دخلنا البيت وسيده ع غرفتي وقعدت اصيح وجت امي وابي يبتسم وراها وشافوني ذابحه حالي
امي :اذا بتستمرين ع ذا الحال اتركي الدوام بكيتي ع الصغير كيف الكبار لو راحو حرام يابنتي الي تسوينه
ابوي:لاحول ولاقوة الا بالله
كذا احسن له يتربا بوسط عيله
بحور:كان خلوني اشوفه مو كذا
بدون مايقولو
طلعو اتركوني قعدت اتفرج ع صوره بجوالي اخر صوره عيونه فيها حزن
كأنه حاسس ان هاليوم بيجي
آآآ ه ياطلال روح عسى الله يوفقك دنيا واخره
ويوفق اخوانك معك
نمت واناحاضنه صورته وصحيت ع اذان الفجر صليت وحطيت كمادات ثلج تخفف انتفاخ عيوني
بعدها تنشطت شوي ورحت البس واجهز حالي وعدت علي ولازم اوفي بوعدي
رحت الجمعية وحاولت اتناسى طلال مع ان الشي ذا مستحيل يصير
بس لجل البقيه بضغط ع نفسي واتحمل
====================
مضت شهوروالاوظاع ع ماهي عليه ومحبتنا لبعض كل مالها تزيد
تزوجت زواج تقليدي(البنت ماتطلع لبرا حتى لوتقدم لها راعي دين ومشهودله يرفضو)تناسو قوله صلى الله عليه وسلم
اذا جائكم من ترضون دينه وخلقه فزوجوه وان لم تفعلو تكن فتنةفالارض وفساد" عظيم)
قطعت فتره 4 اشهر ورجعت لهم الااني كنت متعبه نفسيا"
ماكنت ابين لاهلي اي شي عن حياتي كنت اخبي عنهم اجيهم وانا اضحك وانافداخلي جروح مو جرح واحد
والجمعية تحت ضغط وحده من الاخوات فض فضت لها همي
ربعية:ال؟؟؟ الح؟؟؟؟ والله مايستاهلك الله لايوفقه بحور قولي لأهلك
بحور:ربيعه لاتدعي ع احد قولي حسبي الله ونعم الوكيل وبس
ربيعه:والله مايستاهلك
بحور:الحمدلله ع كل حال انا الي علي اادي الحقوق الي علي والواجبات وخلاص وهو له رب يحاسبه
ربيعه:لين متى يعني تجلسين معه
بحور:ربيعه بعطيه فرص ياربيعه بصبر6شهور واذا ماجابت نتيجه بروح بيت اهلي
بس اسألك بالله ربيعه سديم لاتدري
ربيعه:ربي يعوضك بالي احسن منه ماتستاهلي والله
بحور:هذا امتحان من رب العباد والله اذا احب عبدا" ابتلاه
ربيعه:والنعم بالله
بحور:مابوصيكم ع عيالي الله الله فيهم وانا بكلمكم يوميا" وايام باخذهم عندي
ربيعه:الله يوفقك
بحور:واياكي ياقلبي ياالله انابروح الأن اي شي يصير خبروني
ربيعه:الله معك
واستمريت علي حالي واستمر التعب النفسي بزدياد يوم ورى يوم يزيد (الواحد لما مو قادر يفتح بيت ليه يفتحه ويعذب بنات الناس معه ليه؟؟؟؟ )
دربي طويل وتايه فيه ممشاي..
مثل الغريب اللي مضيع دليله!
يحدني وقتي على ضيم دنياي..
ورضيت باالمقسوم حتى قليله!
ياطول صبري آآآآآه وياكبر بلواي..
أخفي عن العدوان همي وأشيله!
أخاف أبوح بسر قلبي وشكواي..
وتصير نفسي بين ربعي ذليله!
أضحك ودايم بسمتي تسكن شفاي..
ومن شاف حالي قال محدن مثيله!
وأنابجوفي هم والنار بحشاي..
والجرح ينزف والليالي طويله..!
===================
رجعت متطوعه بدون راتب وصرت اجيهم زياره واحيان اخذهم بيتي البيت الي ياما عدت علي ايام انام فيه لحالي
فيه
شفت الظلم شفت العذاب النفسي كل شي شفته ومع كذا صابره اعطيته فرص وضيعهابعد6شهوراتخذت القرار واخذت اغراضي ورحت لبيت اهلي وحكيت لهم الوضع كله
بصراحه امي وابوي عاتبوني ليش ماقلت لهم من البداية
بحور: هذا حق ايه حق كل زوجه من واجبها تعطي زوجها فرصه مو ع طول خذت عفشها وراحت بيت اهلها
امي: وليه ساكته ليه ماشكيتي لنا
بحور:يايمه انتي الي ربيتنا ع الشي ذا
عمر: انتي تصرفتي صح يابحور بس قولي لي وانا اخوك وش الي تبغية
بحور: ورقتي ياعمر ابي ورقتي
سديم:بحووور؟؟؟؟
بحور:يبه يمه انامايهمني كلام الناس الحمدلله اناماسويت الا الي يرضي رب العباد
سويت يبه الي يرفع راسكم فوق ومعاش من يوطيه لكم
امي:الله يكملك بعقلك يابنتي
وارتحت ارتحت كثير وحمدت الله ان اهلي تفهمو وضعي
وتم طلاقي واطلق زوجي سراحي
ومن بعد ماانتشرالخبر جت امم لبيت اهلي بيأكدو من الخبر وايش الاسباب
ام سعد:صحيح الي سمعناها يابحور
بحور:الحمدلله ع كل حال قدر الله وماشاء فعل
ام سعد:ليه وش السبب
بحور:قسمه ونصيب
ام سعد:والله يقولو ان امه زعلانه هي العيال والبنات مايسمعو فيكي
بحور:ناظرت فأمي وابتسمت وقلت الحمدلله دخلت العايله هذي بصيت طيب وطلعت بصيت اطيب منه
ابتسمت امي
وكملت كلامي لأمي
بحور:هي كلها 6شهور اعتبريني كنت مسافره لدراسه واخذت دوره فالحياه ورجعت
وضحكت امي وقمت وانا مرتاحه وصلت لامي الكلام وفهمته امي
وانتهى الماضي وطويت صفحته ولاعاد ابي افتحها نهائي
زرت عيالي كذا مره كبرو وتغيرو كلها3شهور قطعت عنهم صارو رجال والي فرحني سعيد جته عائله واخذوه
ذكرى فاكرينها تحسنت صحتهاللافضل وصارت تساعدنا فالشغل وجت عائله كفلتها واخذتها
ناصر جت عائله واخذته
استانست كثير صحيح بفقدهم بس بعد روحت طلال حكمت عقلي يعيشو بين عائله احسن لهم
دخلت الجمعية كان فيها 15طفل
والأن 11 وبعد فتره قليله بيصيرو
10 طفل راح يغادر هالدار
علي ولدي علي بيسافر بيبدا حياه جديده ماعاد اشوفه بعد كذا
==================سأصبر حتى يعجز الصبر من صبري .. واصبر حتى يأذن الله في أمري ....
يمه علي يمكن يجي يوم وتقرا رسالتي ويمكن اخوانك
ويمكن شخص مر بنفس التجربه يقراها
يمــــــــــــــــه الدنيا مو دايمه لأحد لاتغرك مظاهرها
يمه اذا انتا يتيم قول الحمدلله ولاتعترض ع حكمه رب العالمين والدنيا ماتوقف ع الشي ذا
اجتهد يمه واسعى ف طلب العلم وخل ايمانك بالله كبير يمه فيه من عاشت تجربتك ارتبط معهابرباط شرعي صححو الغلط الي ماكان لكم اي ذنب فيه
ولاتنسى صلاتك يمه
والله الله بفعل الخير والاحسان لناس والبقره سوره البقره لاتنساها يوميا" اقراها الرسول صلى الله عليه وسلم قال: (أخــذهــا بــركـــة وتـــركــــهـا حـــســـرة)
اجتهد يمه بحياتك وتزود لدار الاخره
اناشاء الله نجتمع في فجنةالفردوس
احبكم يمه احبــــــــــــــــكم
....بحـــــــور....
تمت بحمد الله وحده اشكره فله الحمد وله الشكر
====================
ملاحظه
=الرواية شي انا عشته وعاصرته ليست من وحي الخيال الاسماء فقط هي التي قمت بتغييرها
=لااميز نفسي بين موظفات الداروكون اني لم اتطرق لهن لايعني ان بهن نقص حاشا لله كل ماهنالك اني تكلمت عن تجربتي انا
=الشكر لله وحده ثم لمن شجعوني ع كتابه الرواية فالشكر لقناة بداية والقائمين عليها
=اطلب الدعاء لوالده مديره الجمعية بالشفاء العاجل
=اعذروني ان اخطأت
اسأل الله لي ولكم التوفيق والسداد...
بحــــــــــــــــور
__________________
رد مع اقتباس
مواقع النشر