السلام عليكم اخواتي
بقولكم سالفتي بي مشغل
كنت رايحه ... وهو سوق بي الرياض المهم
وكنت ناويه اروح اقص شعري بي مشغل ثاني بس الوقت داهمني وما عاد فيه وقت وحسيت اني تورطت وبكرى بروح لاهل زوجي وكشتي طايره ومدري وش اسوي
قلت خلني ادخل هذا المشغل وانا وحظي على الاقل لو ما عرفت تقصه ترتبه لي
اول ما دخلت سالت عن الكوافيره قالو بي اجازه شوي نقزت وحده وقالت لا انا اقص وهي شكلها مديرة المشغل لبنانيه
قرصني قلبي حسيت انها بس تبي تاخذ فلوس وبس قلت ياالله خربانه خربانه
يوم دخلت واشوف بكت الدخان وقلت الله يستر بس شوي قالت وين الكلبسات طلعت الكوافيره مقفله عليها
قالت مو مهم انا اقص بدونها وبدت تقصص وتالف يوم جيت احاسب لقيت ما معي الا50 ريال صرفت الكاش اللي معي كله قلت خلي وحده تطلع معي بروح اسحب وبرجع علشان ما يخافون يحسبوني بلعب عليهم
تخيلوووووووووووووووووووووووووووووو وش قالت0000000000000000
قالت وهي تضحك ولو الدنيا بخير ولو ما جيتي جبناك بشعرك
انا حسيت انه انكب علي مويه حاره مدري وش اسوي المره طلعت ساحره
واروح اركض مدري وش اسوي واسحب فلوس ورجعت
قلت لها هذي فلوسك وعطوني شعري ورحت كنسته وجمعته بي كيسه واخذته وقلت وش الكلام هذا
خافي من الله علشان فلوس تسحرين قالت امزح معك قلت الكلام هذا ما فيه مزح انت تقولينه من جد بس بصيغة المزح وهزئتها وطلعت
احذرو من هذا المشغل ولا تتعاملون معه
رد مع اقتباس
مواقع النشر