-
سؤال ضروري جدا يا بنات
السلام عليكم بنات وش اخباركم كيفكم يابنات ؟
يابنات أنا عندي سؤال مهم جدا وضروري ياليت اللي عندها خبر تفيدني
واللي ما عندها خبر تدعي لي والمسلمات . أنا قدمت على وظيفة في جامعة الرياض
وطالبين يا جوزا سفر أو بطاقة احوال عشان الإثبات طبعا ما عندي كل ذولي يوم رحت أطلع بطاقة أحوال
مره زحمة ووعدوني على الإسبوع الجاي وانا امتحاني الخميس يعني ما راح تطلع إلا بعد الإمتحان يعني وش الفايده ؟ ..~~~ اللي أبغى أسئل البنات اللي امتحنوا يوم الإثنين اللي هو أمس هل الجامعة
دققوا معكم في سالفة بطاقة الاحوال أو الجواز ؟
واللي تعرف كمان سؤال مهم أنامقدمة على وظيفة مسجلة طالبات اللي عندها خلفية عن مسمى الوظيفة هذي تفيدني علي وش طبيعة الاسئلة اللي تجي في الإمتحان ؟ وش يعني مسجلة طالبات وش طبيعة عملها
وكمان صديقتي مقدمة على مسجلة معلومات ياليت تفيدوني انا وصديقتي لأن امتحانا يوم الخميس
عن مسمى الوظايف (مسجلة طالبات) و(مسجلة معلومات) وش الأسئلة اللي ممكن نتوقعها
وأكرر الله يجزاهاه خير اللي تفيدني وكمان اللي تدعي لي وللمسلمات
واهم شيء نفسي أعرف اللي امتحنوا يوم الإثنين دققوا معهم على سالفة البطاقة أو الجواز ولا مشوهم تكفون يابنات جاوبوني تراني في حاله ما يعلمها إلا الله
-
وعليكم السلام ورحمة الله
اذكر دخلت اختبار للجامعه من سنة تقريبا
والاسئلة كانت اختياري ومنوعه
انجليزي ورياضيات و اسئلة عامه بس كلها اختياري وسؤالين مقالي
بس سهل توكلي على الله
-
الله يعطيك العافية يا جوهرة العطاء
بس هل كنتي انتي داخلة على وظيفة مسجلة طالبات؟ ولا كل المتقدمين على مختلف الوظائف تكون نفس الأسئلة
والأسئلة المقالية هل لها علاقة بمسمى الوظيفة ؟
جزاك الله خير على الإفادة .
ونفس سؤالي أكرره مره ثانية بالنسبة للإمتحنوا سواء اللي امتحنوا يوم الإثنين أو اليوم هل دققوا على سالفة البطاقة ولا مشوا الموضوع ؟
-
والله انا حالتي مثلك اول مره ادخل امتحان وظيفه يعني مدري عن طبيعة الاسئله وياليت اللي عندها معلومات الله يجزاها خير لا تبخل علينا يمكن ان شاء الله بهالمساعده البسيطه ربي ان شاء الله يفرج لها كل ماتعسر
قال صلى الله عليه وسلم من فرج عن مسلم كربية من كرب الدنيا فرج الله عنه كربه من كرب يوم القيامه
بس الفرق بيني وبينك اختي ان عندي لحمد الله جواز سفر...
والله يسهلك ان شاء الله يارب ويوفقك