الفقير هو الي زي العطشان الي يشرب من البحر والي يشرب من البحر ابدا ماراح يشبع من موية البحر لانو بيظل طول عمرو عطشان
والبحر هيةالدنيا الي مستحيل يشبع منها احد واذا وقف عند الدنيا يوقف بسبب انوصار يمل من الدنيا
الفقير هوا الي عندو فلوس ويكون اناني وطماع ونذل ومايحب الخير لغيرو الفقير هوا الي بداخلو حب ما يسقي غيرو من الحب الي في قلبو
ولكن في فقراء تشوفهم كانهم اغنياء لانوقلوبهم مليانة بالحب مليانة بالاحساس مليانة بالتفاؤل والطيبة
الانسان ربي خلقو على الفطرة والفطرة يعني خلقو وفي داخلو حب واحساس ومشاعر وطيبة ورحمة وحب الخير للناس
يعني الانسان خلقتو سليمة مية في المية
طيب يعني الي تغير مين يغيرو إما اهلو وإما اصحابو وإما مواقف تصير لو
طيب دائما انا في حياتي اني اظل زارع اشياء حلوة في قلبي عشان ربي يطالع فيها عشان يرحمني بها ويحسسني بالامان والحنان والحب منو سبحانه وتعالى
بمعنى لازم على كل مسلم مننا كمسلمين انو نظل نسوي خير ونتصدق ونساعد غيرنا ونتعب عشان فرحة غيرنا وسعادة غيرنا لوجه الله وثم عشان نعيش تحت ظل الحب مابين بعضنا البعض
بمعنى اذا تبغو الحب ينتشر بينكم وتبغو الحب يدخل قلوبكم وتبغو السعادة تدخل قلوبكم واذا تبغو تتحدو غروركم وتتحدو مصايبكم وتكونو من اسعد الناس
مافي غير حل واحد وهوا انكم ترحمو بعض وتحنو على بعض وحتشوفو انو اكثر مشاكلكم تنحل وحياتكم تصير احلى واحلى
كل واحد عندو ريالات في جيبو يعطيها للي افقر منو وكل واحد ماعندو فلوس ولكن عندو العلم يتصدق بعلمو كمثال يدخل منتديات ويفيد غيرو ولو يقدر يسوي مجموعة تواصل ياخذ وقت معين يفيد بها الناس الي جاهلين بالاشياء في النت او يكون مصدر افادة عن مواقع او اجوبة يكون سوا الخير وتصدق بعلمو
كل واحد عندو ثلاث وجبات كل يوم يتصدق بوجبة ولايقول حتروح علية وجبة لان الصدقة الشي الوحيد الي ما هو خسارة لانك تتعامل مع اصدق القائلين واوفى الأوفياء وهوا الله سبحانه وتعالى
يعني تعطيه يعطيك زي ما اعطيتو تقول كيف اعطيه موانت لم تتصدق على الناس تكون اعطيت ربي وبكذا راح العمل هذا لله سبحانه وتعالى وبكذا
انت لواستمريت تتصدق وتعطي من قلبك ولو استمريت تفضل بانو تفتح في بنك الله سبحانه وتعالى حساب تكون بكذا
حتنظف قلبك من الحسد حتنظف قلبك من الجري ورا الدنيا حتنظف قلبك من الضياع لو كنت ماشي في طريق يضيعك
حتنظف قلبك من الغضب المتكرر حتنظف قلبك من النظر للدنيا وراح ترتاح نفسيا لانك راح تحتقرها وماراح تشوف الدنيا كغاية ولكن حتشوفها وسيلة للوصول لله وايضا ماراح تطالع للفلوس بانها شي كبير
بتطالع انو الفلوس وسيلة عشان تحمي نفسك وتعيش نفسك وتعيش بسعادة
موعشان تظل تجمع وتحسب انك خالد في الدنيا
المتصدق بينو وبين الله تجارة واي متصدق ربي ماراح يضيعو لوحتى ماعندو شي ومالقي غير الابتسامة في وجه الناس
برضو ربي يجازيه خير وراحة بال ورحمةوحنان وحب
ويعطيه من واسع فضلو
يعني لو كل انسان يبتسم ويدخل منتديات او يدخل الشاتات ويبتسم للناس كصدقة لوجه الله وعشان ينشر الابتسامة لوجه الله ويدخل في قلوب الناس الابتسامة الي تريح البال وتهدي البال
حيلاقي بانو في نور في قلبو وربي يطالع في هذا النور
لازم يكون في قلوبنا مكان للصدقة لوجه الله لازم يكون في قلوبنا مكان للخير ونزيد في هذا الخير يا نداوم عليه او نغير طريقتنا باعمال خير ثانية غير هذي الاعمال
بس لازم يكون جوة قلوبنا هذا الخير ولازم تستمرو استمرار دائم دائم دائم
والاعمال الصغيرة هذي حتكون مصدر خير لكل انسان يداوم عليها
والي يقول هذا انسان مايستاهل لانو غريب لا اعرفو ولا يعرفني اقولو
اذا الانسان ما يستاهل فربك يستاهل تعطيه صح ولالا
واذا كل واحد قال في نفسو ماراح اساعد فلان موفاضيلو والسبب لانو ماعرفو او لانو موضوع صعب وماقدر اتصرف
انت بس لو حاولت راح تلاقي اجر برضو والكلمة الطيبة صدقة
واذا كل واحد قال عن غيرو هذا مايستاهل لانو غريب وماعرفو اجل
ضاع العمر ومات الانسان ولا سوا اي عمل خير وثاني شي بكذا كل واحد حيبقى الخير في قلبو ولايسويه
وهوا اخوه المسلم يعني موغريب ثاني شي اخوه في الجنسية حتى لو أي انسان عربي ولوحتى انسان عادي زيومن باب فعل الخير ومن باب اسعاد الآخرين
ولوكل انسان ماسوابشي يفرح غيرو سواء جار واو اخو ه او ابوه او امو ا و اختو
على كذا تفرق المسلمين وباتو متفرقين وصار نقطة قوتنا صارت مصدر ضعف
انا اشوف انو كثير يقولك مافي حب انا اقول في حب بس لازم كل واحد فينا يقرر بانو يعطي من قلبو ولوثواني
لاجل اسعاد الاخرين وتشوفو انو الحب يكبر في قلوبنا واساسا الانسان مخلوق فيه الحب يعني الانسان من اول ما خلق
خلق وعاش بالحب وفي داخلو حب ويبحث عن الحب ويبحث عن الي يسقيه من حبو وقلبو
يعني من الحين ابغا كل واحد ووحدة يصحي قلبو ولايكسل ولايتفاجأ من أي ردة فعل من الناس السلبيين
فإحنا في زمن الفلوس والمصالح اهم من الحب فعشان كذا
استقبل ردة الفعل السلبية بابتسامة وتدعي للي اساء اليك بانو ربي يسعدو ويهديه
وخلي الخير الي تسويه حسب مقدرتك ولوحتى لو كل بنت تسوي كيك او حلويات ويوزعوها على الناس الي مو وقادرين ياكلو الحلويات او كيك بكذا يكونو تسببو في ادخال البهجة والسرور في قلوب الغير
أي عمل يودي للفرحة والسعادة وبشكل صحيح فهوا خير
والعمل الخاطئ الي تحسب انو خير ويودي لطريق العذاب والندم لا تسوي هذا الخير لانو في باطنو شر
طبيعي انو اكثر العوايل عايشين في توتر وقلق او مجاملات او بس عايشين مع بعض بس عشانهم من اسرة وحدة كأب وأم واخوان واخوات ولانهم تعودو على بعض موعشان بينهم حب وحنان ورحمة
لانو الطبيعي والشي الي لازم تعرفو انو نسبة كبيرة جدا تربو على انعدام الحب من ناحية الاب والام
فلا تستغرب وجود ناس سلبيين وتعبانين نفسيا
فابغا اليوم حركة ونشاط وخصص وقت معين تسوي فيه خير ولو ساعة في اليوم والله
انو راح تلاقي راحة بال وكانك من اغنياء العالم من الناحية المادية
واسف على الازعاج وسامحوني ويسعدكم ربي امين ويارب تدخلو الجنة يارب امين من غير حساب
والسلام عليكم ورحمة الله وبركاته
رد مع اقتباس
مواقع النشر