رحلتي المميزة للبترا وادي رم والعقبة .. حصري لعيونكم
صفحة 1 من 6 1234 ... الأخيرةالأخيرة
النتائج 1 إلى 4 من 22
Like Tree28Likes

الموضوع: رحلتي المميزة للبترا وادي رم والعقبة .. حصري لعيونكم

  1. #1
    مشرفة ركن الديكور والركن الأدبي الصورة الرمزية سوار الذهب *
    تاريخ التسجيل
    May 2012
    الدولة
    فلسطينية عايشة بالالمانيا
    المشاركات
    5,275
    معدل تقييم المستوى
    72

    مميز رحلتي المميزة للبترا وادي رم والعقبة .. حصري لعيونكم








    صباح الخير حبيباتي

    من الرحلات يلي قمنا فيها انا وزوجي غير شرم الشيخ

    رحلة الى اجمل واروع الاماكن في الاردن

    هي رحلة الى البتراء وادي رم والعقبة لمدة يومين

    بتنطلق الرحلة مع جروب سياحي الساعة 6 صباحا من عمان بباصات سياحية وبكون معنا مرشد سياحي

    رحلة ممتعة ورائعة كلها مغامرة وتشويق


    هون واحنا بالطريق بدنا 4 ساعات لنوصل البتراء

    طبعا المرشد السياحي ما بحسسنا بالملل بقضيها اسئلة وجوائز



    وبعد ساعتين بنوصل لاول استراحة حتى نفطر



    ونكمل الطريق حتى نوصل اجمل واروع واحلى مكان

    قلبي صار يدق من الفرحة لما وصلت البترا هههههههههه

    طبعا هون بوابة التذاكر لدخول للبترا بندفع دينار لزائر الاردني

    ولسائح الاجنبي 50 دينار



    واخدنا التذاكر وخريطة لدلنا على الطريق وتعرفنا على الاماكن

    نسيت اصورها وزوجي اخدها معه لالمانيا لزكره ههههههه

    المرشد السياحي اعطانا وقت محدد لادخول للبترا واستكشافها لاكن للاسف ما بتكفي
    لانه البترا كبيرة وفيها آثار كتيييييييير وما لحقنا لانه الوقت قليل
    لازم نرجع حتى نلحق نروح على وادي رم عشان نشوف الغروب بين جبال رم

    هون بداية الطريق لاسكشاف البترا
    طبعا الطريق مقسومه لقسمين قسم للزوار والقسم التاني للخيول والعرابايات يلي بتجرها الخيول بيركبوها الناس لدخول لاستكشاف البترا بس احنا نصحنا المرشد نمشيها لانه احلى للاسكشاف والتصوير

    وفعلا مشينا وما كنا حاسين بشي لانه كلها متعه وتشويق ومن جمال المناظر بتنسى الوجع

    بس وجع الارجل بعد ما تخلص الرحلة وتروحوا على البيت ههههههههههه

    قعدت اسبوع ما اقدر امشي على اجري من الوجع ههههههه

    خلص حكي بس حبيت اخليكم تعيشو الجو معي رح اتركم مع الصور








    شوفوا المناظر والجبال ملونه سبحان الله شي بجنننن



    ولاحظو الجبال بتكون لاسقة ببعضها وفجاة بتفتح لتشع الشمس من بين الجبال




    هون وصلنا لسيق

















  2. #2
    مشرفة ركن الديكور والركن الأدبي الصورة الرمزية سوار الذهب *
    تاريخ التسجيل
    May 2012
    الدولة
    فلسطينية عايشة بالالمانيا
    المشاركات
    5,275
    معدل تقييم المستوى
    72


    وهون لما خلص السيق وظهرت الخزنة

    واااااااااااااااااااااااو شو حلو المنظر بصراحة شي خياااااااال

    يمكن بتقولو ببالغ بس والله لما شفت نورها بين الجبال طرت من الفرحة

    والي بزورها بس بحس بهاد الشي وبعرف اني ما ببالغ




    ولاحظو الناس بتوقف اول ما اطل الخزنة وبتبد تصوير بتصير عجئة كتييييييييييير


    هاي الخزنة عن قريب وااااااااااااااااااو شو حلوة

    ما كان نفسي اروح من عندها لجمالها ما شاء الله





    وهون محلات بتبيع اشياء تراثية

    وطبعا هيك بكون خلص الوقت لاستكشاف البترا
    مع انه لسه ما شفنا شي بس لانه محددين بالوقت
    وبدنا ثلت ساعة لرجوع من الخزنة للبوابة عشان نرجع للباصات
    بس اهم شي كان عندي اني شفت الخزنة واستمتعت كتيييييير بالتصوير معها هههههههههههه

    وهون بنص الطريق ركبا الخيول انا وزوجي عيشو الجووووو


    وهيك خلصت رحلتنا بالبترا
    وركبا الباصات ورحنا على مطعم لنتغدا ماقدرت اصور لانه المطعم مليان سياح وصعب التصوير



    وهون كملنا الطريق لوادي رم



    طبعا لاول مرة بعرف انه وادي رم لازم ندفعلها دخولية
    ودفعنا وكملنا طريقنا
    وطبعا كان المرشد متفق معنا على رحلة سفاري لاكتشاف جبال رم المعروفة بسحرها وجمالها وروعتها وهاي الرحلة للي بحب يروح بفلوس طبعا احنا ما كزبنا خبر ههههههههه
    بنركب سيارات ( بكم ) وبندخل بالصحرا


    شوفو الجبال كأنها مرسومه رسم سبحان الله





    هون وصلنا على استراحة بضيفونا شاي وبنستمتع بالتصوير





  3. #3
    مشرفة ركن الديكور والركن الأدبي الصورة الرمزية سوار الذهب *
    تاريخ التسجيل
    May 2012
    الدولة
    فلسطينية عايشة بالالمانيا
    المشاركات
    5,275
    معدل تقييم المستوى
    72
    كملنا رحلتنا لتبهرني مناظر الجبال




    طبعا هون المكان المخصص لرؤية الغروب بين جبال رم الساحرة

    وتسلقنا الجبل انا وزوجي وهاد منظر من فوق الجبل




    هاد منظر من جهه تانية وشوفو الجبل المضوي هاد المعسكر يلي رح نروح عليها ونتعشا هناك




    وهون وقت الغروب


    طبعا الغروب ماكان واضح معنا لانه المرشد حكالنا لانه الدنيا مو صيف ما بكون واضح كتيير


    وهيك رجعنا للمعسكر حتى نتعشى ونحضر حفلة

    طبعا انا الحفلة ما عجبتني كلها اغاني وما بعرف شو قضيناها نتمشى انا وزوجي

    والساعه 10 بالليل انطلقنا بالباصات لنروح على العقبة وننزل بالفندق يلي رح انام في






  4. #4
    مشرفة ركن الديكور والركن الأدبي الصورة الرمزية سوار الذهب *
    تاريخ التسجيل
    May 2012
    الدولة
    فلسطينية عايشة بالالمانيا
    المشاركات
    5,275
    معدل تقييم المستوى
    72
    طبعا وصلنا فندق الماريوت وطبعا ما قدرت اصور شي لاني كنت تعبانه كتييييييييير

    وطبعا صحينا افطرنا بالفندق والساعة 12 ظهرا سلمنا الغرفة واجا الباص اخدنا ونزلنا لناخود جوله لوحدنا بالعقبة





    هون وصلنا البحر رح اتركم مع الصور








    طبعا اجا الباص واخدنا الساعة 3 بعد ما اتغدينا

    حتى نروح رحلة على اليخت وكانت رحلة مميزة كتيييييييييير












    وبعدها رجعنا على الباص ورحنا تسوق على اكبر مول بالعقبة اسمة شويخ مول

    تسوقنامن الساعه 5 لساعة 6 ونص مساءا



    الساعة 7 ونص انطلقنا لنرجع على عمان

    وهيك بتكون رحلتي خلصت اتمنى تكونوا استمتعتوا معي

    ومنتظرة ردودكم الحلوة متلكم





صفحة 1 من 6 1234 ... الأخيرةالأخيرة

المواضيع المتشابهه

  1. مشاركات: 30
    آخر مشاركة: 27-08-2019, 03:32 AM
  2. رحلتي إلى وادي تربة في الباحه يوم الجمعة 20 /4/1432 هـ
    بواسطة ظــل القمــر في المنتدى المسافرون إلى آسيا
    مشاركات: 16
    آخر مشاركة: 19-08-2019, 11:52 PM
  3. حمامات مودرن لعيونكم (حصري)**7**
    بواسطة fadwa82 في المنتدى التصميم والديكور
    مشاركات: 17
    آخر مشاركة: 10-07-2019, 12:31 AM
  4. باوند كيك ومنوعات لحلوياتي المميزة لعيونكم
    بواسطة إسوارة ناعمة في المنتدى الحلويات
    مشاركات: 56
    آخر مشاركة: 18-04-2017, 09:21 PM
  5. مشاركات: 33
    آخر مشاركة: 06-03-2012, 04:33 PM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |