** بوفيـــهـ منــزلـي متكــآمـل من أنــآمــل السـووري وأخــوآآتـهـآآآ **

[**السوري**]

السلام عليكم

اهلييين اخواتي ,,

مشاركتي هذي عباره عن بوفيه بسيط سويته انا واخواتي ( صورته لكم وحبيت تشاركوني فيه وتعطوني آرآكم عنه ^_^ )

اول شيء اللي انا سويته (صينية التوست – البيتزا السريعه – صينية الشاورما)

نبدا بصينية التوست << سهله وبسيطه جدا

بالاول تحتاجين لــ كيس توست – مايونيز – تونه – (ولو حبيبتي تظيفين فلفل بارد) – بيضتيــن – خمس جبنات ( مثلث )

الطريقه/ اولا شيلي حواف التوست وقطعي التوست لمربعات نفس هالصوره

بعدين صفيها في الصينيه وراعي تلاصقها لازم تكون جوار بعـــض بعدين ادهنيها بالمايونيز

ثمين حطي التونه وفوقها الفلفل(ان حبيتي) وغطيها مره ثانيه بالتوست ونفس قطع الطبقه الاولى ..

بعدين جيبي البيض واخلطيه مع الجبن بالخلاط وصبيه فوقه ودخليه الفرن لين يتماسك البيض والجبن وبالعافيه ,,,,,

والحين اعطيكم طريقة البيتزا السريعه

بالاول اخلطي بالخلاط ( بيالة طحين – بيالة زيت - بيالة مويه – فنجان حليب – بيضتيــن – ملعقة باكنج بودر – ذرة ملح )

بعد ماتخلطينها صبي مقدار ملعقه صغيره (امليها ) وصببيها بصينية الكب كيك الصغيره (ولا تنسين تدهنينها بالزيت )... بعدين جيبي ( زيتون – فلفل بارد – جبن مثلثات – زعتر )

وحطي بكل وحده ماتشائين من هالحشوه السابقه واذا خلصتي رشيها بزعتر وهذا الصوره بعد ماخلصتها بس بقى ادخلها الفرن

عاد انتي دخليها الفرن وشغليه من تحت لين تشقر بعد كذا من فوق وقت بسيط جدا .. وبالعافيه ,,,,

والطبق الثالث (صينية الشاورما)<<سهله وماتحتاج وقت
بالاول اقلي بطاطس مكعبات وصفيه بصينية بايركس ..

بعدين حطي الدجاج المحموس مع البصل والبهارات ثمين اظيفي عليها مخلل خيار وطبعا مقطع مكعبات صغار ....

بعد كذا اخلطي بالخلاط ( علبتيــن قشطه – 5 جبنات ) وحطيها كطبقه اخيره

ثمين دخليها بالفرن من فوق لين تتماسك وتشقر .. وبالعافيه ,,,,,

يتبــع .. //

[**السوري**]

اما اطبآق اخواتي نبدا باختي فلوتات ان كنتوا تعرفونها خخخ
الاطباق اللي سوتها ( كرات المكرونه – صينية الكوسه – داوود باشا )

نبدا بــ كرات المكرونه
اسلقي علبة مكرونه وبعد ماتستوي اظيفي لها : دجاج محموس مع البصل والبهارات


+ بقدونس مفروم + باشميل + بطاطس مسلوق (تقريبا حبة بطاطس كبيره)



بعدين ابدي في تكويرها وغطيها بـ (بيض وبقسماط)
واقليها وبالعآآفيهـ ,,,



والطبق الثاني ( صينية الكوسه )

بالاول قطعي الكوسه انصاف طوليه واسليقها لين تستوي .. وبعد ماتطلعينها فرغي وسط الكوسه وصفيها بصينيه بعدين احشيها بــ (عصاج الدجاج وهو: دجاج مفروم محموس مع البصل والبهارات والملح)
بعد كذا صلحي باشميل ولك الاختيار فيه وغطي الكوسه به
بعدين حطي فوق كل قطعة كوسه شوي ( جبن موزريلا ) ودخليها بالفرن ومن فوق بس لين تشقر وبالهنا والعافيه ,,,




واخر طبق هي سوته خخ ( الداوود باشا )

اولاً اعجني ( صحن دجاج مفروم + بصله مفرومه + ملعقة بهارات + ملح وفلفل اسود )

وكوريها كور صغار بعدين دخليها الفرن (3-5) دقايق حتى تتماسك ولا تستووي

بعد كذا نحمس فص بصل وثوم الى ان يذبل ثم نضيف له بهارات و (4طماط مطحون) ثم يترك
ليتسبك ثم نضيف ملعقتين صلصه ومكعبين ماجي
ثم نضيف كرات الكبه


ونبدا بتحريكها برفق وتترك ربي ساعه على نار هادئه .. وبالعآفيه ,,,

يتبـع ... //

[**السوري**]

والحين اعطيكم طبق اختي ( الماسة السعوديه ) سهل وبسيط ^_^

( شطـيرة الثـوم )

قطعي الخبز الصامولي قطع مائله بشكل بيضاوي وصفيه بالصينه بعدين ذوبي ربع اصبع زبده واضيفي 2 فص ثوم وحركيه لين يصير لونه اصفر وابعديه عن النار
بعدين حطي عليه 3 ملاعق جبن + ملعقتين مايونيز
وقليل من البقدوونس المفروم
بعد كذا حطي على كل قطعه مقدار ملعقه كبيره تقريبا ثمين دخليها بالفرن لين تشقر .. وبالعافيه ,,,,

وهذي الله يسلمكم اطباق اختي << ماتعرفونها خخ .. جهزت ثلاث اطباق وهي ( افخاذ الدجاج – ربيان لذيذ – رز )

نبدا بافخاذ الدجاج/ بالاول جيبي (رقائق السنبله) وحاولي تفردينها بشكل طولي واقسميها ثنتين .. بعد كذا جهزي حشوة دجاج ولك الاختيار فيه ثمين حطي مقدار ملعقه كبيره فوق وتحته اصبع بطاطس وسكري العجينه وحاولي تصلحينها شكل الفخذ .. ثمين حطيها بــ بيض ثمين بالبقسماط واقليها وبالعافيه ,,,,

اما الطبق الثاني الربيان/ قطعي بصل صغير جدا واحمسيه مع شوي زيت و(2 فص ثوم مقطع صغاار) و(2طماط حجم صغير) واضيفي البهارات والصلصه والملح وملعقه ونص من(الصويا) وضعي عليه الربيان واضيفي القليل من الماء لكي يستوي الربيان وبالهنا والعافيه ,,,,

والطبق الثالث الرز/ طبعا الكل واختياره .. والنوع اللي يفضله << اختصار الطريقه حافظينها خخخخخخخخ

بعد كذا صفي السفره ولا تنسين الخبز لان بعض الاطباق تحتاج له وهذي ( 10 اطبــآق مني انا واخواتي ) وان شاء الله عجبتكم

وجبت لكم سفرتنا بعد ماصفينا الاطباق كلها ^_^

هاه الحين ابي آرآكمـ حبآيبي ^_^

سبحآن اللهـ وبحمدهـ .. سبحآن اللهـ العظيمـ

[خوخه25]

روووووووعه

ما شاء الله تبارك الرحمن

تسلم الاياااااادى

بوفيه ولا اروع الله يجمعكم على الخير