السلام عليكم ورحمة الله وبركاته.... كل عام وانت بخيربمناسبة قرب حلول شهر رمضان المبارك
أخواتي هذه أول مشاركة لي في أي منتدى،لأن هالمنتدى عجبني مرة وحسيت إني راح أستفيد منه..مشكلتي إن الفطاير اللي سويتهازي مايقولون إذاضربت فيها الكافر أسلم مع إني حاولت كذا مرة ومن كذا كتاب لكن للأسف كلها تروح للزبالة (الله يكرمكم)وأطفش لأن تعبي و وقتي راح عالفاضي خصوصا إني طالبة جامعية ومتزوجة يادوب أرجع من الجامعة ويكون باقي تقريبا على أذان المغرب ساعة ونص ولاساعتين بالكثير مايمديني أسوي فيها فطور محترم
وبالنسبة للفطاير والمعجنات بصفة عامة أحس إن الغلط يكون في استخدام الخميرة لأني ماأعرف كيف أستخدمها هل أذوبها بموية أول شي بعدين أضيفها للدقيق أو أضيفها على طول بدون ما أذوبها ..أرجوكم ردوا علي بسرعة ولا تطنشوني لأني من جدمحتاجة مساعدتكم خصوصا أن رمضان عالأبواب،وياليت إذا تعرفون أكلات خفيفة وسريعة وسهلة
تصلح لرمضان وأقدر أسويها بسرعة وماتاخذ وقت طويل ياليت لو تقولونها لي علشان تساعدوني، مع العلم إن عندي شغالة لكن الله لا يوريكم ماتفهم شي في الطبخ حتى لو علمتها الشغلة عشرين مرة كأني أكلم جدار..شكلي
أزعجتكم مابي أطول عليكم أكثر من كذا وأتمنى إنكم تساعدوني وألقى الحل عندكم وأملي في الله ثم فيكم كبير
جدا ...ولكم مني جزيل الشكر
مواقع النشر