أيضا وأيضا تفريز السبانخ لأحلى حوائيات من مطبخي
http://forum.hawahome.com/nupload/225566_1292094464.gif
مررررررررررحبا مرة تانية طبعا المشروع الجمعة الماضية كان سبانخ و فول أخضر
وهي السبانخ طريقتها سهلة جدا ورح تستغربي اختلاف الطعم عن المجمده بتشهييييي
وبهالطريقة بتقعد عندك لأكثر من سبعة أشهر بالراحة أو حتى سنه
وزي ما دائما بحكي حلو تلاقي عندك خضره جاهزة بالفريزر عشان تطبخيها بدل ما تبلشي الطبخة من الألف للياء بتكون جاهزة وبتوفر عليكي وقت بس بطعم رائع و نظافة مضمونة مو مثل الجاهز لأنه قد ما كانت الماركة نظيفه بضل في إضافات عشان تطول معهم مدة الصلاحية أثناء النقل والسفر
أما بالبيت فما في أي نوع إضافة
بكفي قرقرة وعالسباااااااااااااااااااااااااااااااااااااااااااا نخ عطووووووووووووووووول
بتشتري سبانخ ورق أنا جبت ضمتين كبار وهي صورة أول وحدة :
http://forum.hawahome.com/nupload/160555_1302097893.jpg
بتفكي الربطه بالسكين وبتقصي العروق اللي تحت مثل ما هو بالصورة :
http://forum.hawahome.com/nupload/160555_1302097974.jpg
وبتحاولي تدوري بين العروق لأنه بكون في ورق أخضر كتييييييييييير حرام تكبيه نقيه وطلعيه
إلى أن تنتهي منه يعني العروق كبيها خلي جنبك كيسن كبار واحد حطي فيه العروق عشان تكبيه والثاني للورق :
http://forum.hawahome.com/nupload/160555_1302098148.jpg
هلأ بتمسكي خمس ست ورقات سبانخ بهالشكل :
http://forum.hawahome.com/nupload/160555_1302098211.jpg
وبتبرمي بين الورق والسيقان يعني بتلفيها لحالها بتتقطع أو أسهل بالسكين عشان يصير الورق لحال والسيقان لحال طبعا بتحطي السيقان بكيس السيقان عشان الكب بهالشكل حتكون :
http://forum.hawahome.com/nupload/160555_1302098321.jpg
وهيك خلصنا المرحلة الأولى وهي الورق بالكيس :
http://forum.hawahome.com/nupload/160555_1302098386.jpg
هلأ المرحلة الثانية بنفرم الورق ولازم كبير يكون، جيبي اربع خمس ورقات فوق بعض على المفرمة زي الصورة :
http://forum.hawahome.com/nupload/160555_1302098481.jpg
افرمي متباعد ثلاث مرات :
http://forum.hawahome.com/nupload/160555_1302098537.jpg
بعدين بالكعس يعني عرضي بعدين طولي حتى تحصلي على هالحجم :
http://forum.hawahome.com/nupload/160555_1302098625.jpg
وما شاء الله تبارك الرحمن هي الكمية كاملة :
http://forum.hawahome.com/nupload/160555_1302098684.jpg
بعدين بنفس المجلى عندي زي ما قلت هادا الجزء بستخدمه للخضار بعد ما انظفه بكلور وما بحط فيه أي لحوم سواء نيئة أو مطبوخة ، مخصص فقط للخضار ، بعبيه ماء عشان أنظف فيه الورق ، طبعا الطريقة هي إنك بتعبيه ماء وممكن بأكبر طنجرة عندك زي إلي بنطبخ فيها الذبايح بتعمليها فيها أو طنجرة وسط حسب إلي موجود وإلي عندها جاط بلاستيك كبير برضه بمشي المهم بتعبيه ماء وبتحطي فيه الورق وبتحركيه مزبوط يمين شمال وبتفركيه بخفه ببعض عشان يتنظف منيح بعدين بتحاولي تغطسيه بالماء واتركيه شويه يعني نص دقيقه عشان الأوساخ تتراكم تحت وتنزل وبهدوء ارفعيه من الماء وحطيه بمصفاية وأثناء ذلك شيلي الماء الوسخ ونظفي المجلى أو الشيء المستخدم بعدين عيدي نفس الطريقة أنا بعملها ثلاث مرات على السنة هههههههههههه.
http://forum.hawahome.com/nupload/160555_1302099116.jpg
طبعا بعد المرة الثالثة بتحطيه بمصفاية كبيره عشان يتصفى مزبووووووووووووووط وأنا اجتني فكره جهنمية نظفت مصفاية الجلي منيح وعقمتها بكلور وحطيت عليها الورق ( استغلال الموجود ) والله ما شاء الله صفته احسن من المصفاية العادية عشان خزوقها اكبر .......
http://forum.hawahome.com/nupload/160555_1302099152.jpg
بعدين بتجيبي كيس نايلون بكون مكتوب عليه آمن للتفريز اللي فيه سحاب وبتحطي الورق جواته بعدين بتسكري ثلاث أرباع وبتخلي جزء بسيط فاتح وبتحطي الكيس في مكان ما بنصفي المعالق بالصفاية مقلوب بهالشكل عشان تطلع المية كلها بهالشكل :
http://forum.hawahome.com/nupload/160555_1302099280.jpg
http://forum.hawahome.com/nupload/160555_1302099315.jpg
بعد خمس دقايق شيلي الكيس واكبسي عليه مزبوووووووووووووووووووط عشان كل الهواء يطلع وسكري السحاب ، وبهيك صار عندك أحلى كيس سبانخ :
http://forum.hawahome.com/nupload/160555_1302099493.jpg
وهادي الكمية اللي عملتها شوفو ما أجملها شغل نظيف ودغري على الفريزر
http://forum.hawahome.com/nupload/160555_1302099623.jpg
وما اجمل الشعور لما تفتحي الفريزر وانتي مو عارفة شو تطبخي وتلاقيه مليان خضره نظيفه شغلك انتي والله يا جماعة شغلة ممتعة جدا ولما يكون معك صاحباتك مثلا بتصير متعة اكبر
طريقة طبخها برضه رح انزلها بموضوع منفصل وإلها طريقتين ( مع مرق لحمة ، مع مرق لحمة وصلصة حمرا وحمص ) .
كالعادة بستنى منكم دعوات صادقة بظهر الغيب
وأحلى تحية لأحلى بنات حوااااااااااااااااااااااااء