السلام لو سمحتن ياخوات ابغى طريقة حلى البالونات وحلى الشريطة المصورة وشكرا حبيباتي
السلام لو سمحتن ياخوات ابغى طريقة حلى البالونات وحلى الشريطة المصورة وشكرا حبيباتي
سويت لك بحث وهذا اللي طلع معي وان شاء الله اكون افدتك
حلى البالونات لايفوتك يجننننن
اهلا وسهلا
بصراحه اول مره اكتب في هذا المنتدى اتمنى يعجبكم الحلى بصراحة يجنن اتحدى احد يعرف وشلون مصلحته
اقولكم الطريقة
جيبي بالونات صغيرة مرة ونفخيها صغار واربطيها
بعدين جبي شوكولاته فالي تلاقونها عند السدحان وكارفور هذي الشوكولا ميزتها ماتذوب ابدا ولو في عز القايله تقدرين تستخدمينها في اي حلى بالقراطيس
اسفة طولت عليكم نرجع لموضوعنا خوذي من الشوكولا ربعها واضيفي معها 8حبات
جالكسي او ملكيتا لأنه لو تحطينه لحاله مايطلع من البالونات قطعيه صغار مره وذوبية في مقلاه البيض على نار هادئه إذا ذابت صبيها في كأس واغمسي البالونات الى نصفها او اكثر شوي وصفي البالونات بصحن مغلف بقصدير او نايلو علشان ما تلصق ودخليها الفريز الى ان تجمد
بعــــــــــــــــــــــــــــــــــــــــدين تجي الزبدة
فقعي البالونات بعود اسنان وشيلي البالون شوي شوي علشان ماتتكسر وحطيها في القراطيس
حطي الحشوة
المقادير بسكوت اوريو كسرية خشن + ظرف كريم كراميل +قشطه
اعجنيها مع بعض بس لا تحطين القشطه كلها حطي شوي شوي يمكن ماتحتاجين إلا ربعها
وحطي الحشوة داخل القوالب بعين الطبقه الثالثة شعيريه باكستانيه إعجنيها بنستله وحطي شوي على البسكوت بعدين رشي شوي جوز هند محموس على الوجه
وصــــــــــحتين على قلوبكم
********************
حلا الشريطة........
جايبة لكم طريقه حلا سهل ولذيذ
المقادير
كيسين من عجينة السويتز الحجم الكبير ( 100 حبه)
( تحتاجين فقط على كيس ونص اذا كانت صينيتك الحجم الوسط)
للتزيين
4 حبات جبن كيري
3 علبة حليب نستله المكثف والمحلى ( صغير)
الطريقه
تقسمي العجينة نصفين متساوين بالسكين وتلفينها حبه حبه زي السبرنج رول وتغلقيها بشوي عجينه عشان ما تنفتح وقت القلي
تحمي الزيت على النار وتقلي المقدار
تجيبي صحن بايركس مستطيل وتحطي فيها 4 ملاعق سكر ناعم وملعقه قرفه وتحطي جزء من مقدار السبرنج رول
واخلطيه مع السكر والدارسين وبعدين تشيليه وتصفيه في الصينيه ذات القاعدة المتحركة
ولما يكتمل المقدار وتنتهي من عملية التصفيف تحطي في الخلاط مقدار التزيين وتضربيه مع ملعقتين ماء وتصبيه بالتساوي على سطح الرووول
وتدخليه الثلاجه وبعد م يبرد وتتلاصق الرولات جيدا فكي الصينيه بهدوء وضعيها على طبقك وزينيها بشريطه
وزيني الوجه بما تحبين من شوكولاته هيرشيا اوفليك او مكسرات مجروشه
وهني وعافية
وهذي صور له
****************
وكمان هذي طريقة لحلى الشريطة او شكل ثاني
المقادير
عجينه سمبوسه سويتز ام 50 حبه.
جبن كيري 6 حبات.
بيضه.
سكر ابيض مطحون.
سكر بني.
قرفه.
حليب نستله.
سائل الشوكولا (هيرشي).
صينيه متفككه القاع (الحجم الوسط).
الطريقه
تاخذين عجينه السمبوسه وتقسمينها كلها بالنص وبعدين تاخذين كل نص وتحطينه قدامك بشكل
عمودي او طولي وتدهنينه بالجبن من تحت بس مسح خفيف وتصفطين العجينه بعدين تدهنينها
من الجنب بالبيض بس لا تكثرين عشان الزفره وثمن تصفطين العجينه من اليمين لليسار
وكذا بتصير لك على شكل مستطيلات صغار وبعد ماتنتهين من الكميه كلها تقلينها بالزيت
وتصفينها وعلى طول بسرعه قبل ماتبرد تغمسينها بالسكر المطحون ثم السكر البني ثم القرفه،
واذا انتهيت من الكميه تجيبين الصينيه وتلزقين الشريطه من جوا
وتطلعين طرفها برا عشان تربطينه بالأخير وتصفين السمبوسه داخلها بشكل طولي
واذا خلصت خلي احد يساعدك بحيث انك تربطين الشريطه واللي معك يفك الصينيه
ويشيل اللزقات اللي عليها واذا ربطت الشريطه على شكل (فيونكه)
وقبل ماتقدمينها تصبين عليها حليب نستله وبعده الهيرشي،وتقدمينه
وألف صحه وهناء على قلوبكم
وهذي الصورة
**************
اتمنى اني افدتك ولو بالقليل
رحمك الله ياجدي وغفر لك ...واسكن روحك الطاهرة الجنة مع الانبياء والصديقين والشهداء وحسن اولئك رفيقا ...
يارب زد من صبرنا وقوتنا , وألهمنا الفرج في همنا وأجرنا في مصيبتنا..(( إنا لله وإنا إليه راجعون))
ما قصرتي يا أم ريما
فتحت صندوق رسائلي بعد انقطاع امتد لأكثر من عامين
شكراً لكل من راسلتني وسألت عني
أختكم هند
24.9.2013
الف الف الف شكــــــــــــــــــــــــــــــــــــــــــــر ياختي ام ريما نفعتين وخدمتين ومشكورة هند ع لى المرور بس بغيت صورة للبالونات
أهم المواضيع |
المطبخ |
من مواقعناصفحاتنا الاجتماعية |
المنتديات |
مواقع النشر