اللهم اغفر لي ماقدمت وماأخرت
بسم الله الرحمن الرحيم
في البدايه احب اوضحكلم ليه انا ارسلت الايميل داا لبنات كتير
اول شي اناا بنت
وعمري 20 ومن المدينه
من اكتر هواياتي الي احبهاا الرسم
فا ارسم ع الورق وعلى الخشب والقزاز ودحين بدأت ارسم ع القماش
ومن هناا
بدأت مشروعي
وهواا الرسم ع التي شيرتات
ارسم صور ومعاها اسمك او عباره انتي حابتهاا
والرسمات حتكون خاصه جداا لكل بنت
يعني التي شيرت اعملو وحده مرا ومايتكرر
وبكدا تكون كل بنت مميزه عن التانيه
أكيد كدا فهمتو كل حاجا
حأوضحكلم كيف طريقة التعامل معايا والتسليم والاسعاروالدفع
اولأ: احجام الصور.. كل حجم صوره بسعر معين:
1/كتـابه ع التي شيرت (عبارات او اسماء انتو تختاروها).. بـ80 ريـال
2/رسمه صغيره بحجم كف اليد في اي مكان في التي شيرت مع كتابه انتي تحدديها برضو .. (في بداية التي شيرت _في الوسط_ في نهايتو) ..بـ120 ريال
3/رسمة كبيره في وسط التي شيرت ومع كتابه ازا حابين ..بـ 180 ريال
4/رسمة على التي شيرت كامل وجه وقفاا .. ب50 ريال
(بكدا خلصنا الاحجام بالاسعار)
ثانيآ: طريقة التعامل معايا:
1/اهم شي الجديه في الشراء والتعامل...وحتلاقو مني انشالله تعامل يسعدكم
2/بالنسبة لكيفية الطلب ..يتم بالخطوات التالية:
1- أرجو نسخ الإستمارة التاليه وتعبأتها.. بعدين ارسلوها لياا
اولا: بيانات الزبونه:
هادي البيانات ضرورية للتوصيل عن طريق زاجل (للطلبات خارج المدينه) وتحديد المدة المناسبة وكيفية إستلام المبلغ...(اما الطلبات من المدينه).. فاحيكون التسليم يد بيد واستلام المبلغ..
إسم المستلمه (الزبونه) :
رقم الجوال:
المدينة المقيمة بها:
t-shirt ثانيا: بيانات :
(العدد (الكمية المطلوبة من التي شيرتات:
المقاس:
اللون :
حجم الرسمة : يمكنك تحديد ذلك من جدول الأسعار
وصف الرسمه : إزا كان هناك رسمه محدد مطلوب رسمه
ملاحظات اخرى :اي شيء تبغو تزكروني بي بخصوص الرسم او الخط (عربي ام انجليزي) او مدة العمل و اشياء اخرى
2- بعد كدا حاسجل الطلب بإسمك وارسل لك الرد بالموافقه + رقم حسابي لتحويل المبلغ
3- بعد تحويل المبلغ لازم ترسلي رساله لتبليغي بأنه قد تم التحويل
4- بمجرد استلامي بالمبلغ حأباشر بالعمل
5- بعد ا اخلص من العمل حأرسلك صوره له على بريدك الإلكتروني عشان تشوفي النتيجه
6- اخيرا سأرسل لك التي شيرت عن طريق زاجل (يستغرق التوصيل يومين فقط) + رسالة على بريدك الإلكتروني لأبلاغك بأنه قد تم الإرسال
7- رجاء .. إزا استلمت شحنتك من التي شيرتس بلغيني(حاكون استنى رأيكم على نار) ^_^
تالتاا/القوانين:
1/ما ارسم شي مخل بالاداب الاسلاميه ولا بتقاليدناا
2/ولا اكتب عبارات او كلمات معناها مو كويس
3/ولا رسمات له علاقه بالحب الغير مشروع سوا بين بنت وبنت او ولد وولد
4/ ما اكرر الرسمه مرتين وزي ماقولتلكم اول عشاان تكون كل بنت مميزه عن غيرهاا
وبس كدا خلصنا من البنات الحلووين
نجي للشبااب
ونفس الشي مابيفرق عن البنات في كـــل شي
اما الاطفال..
فا يختلفو بالاسعار .. ولهم عروض ..
اولأ: احجام الصور.. كل حجم صوره بسعر معين :
1/كتـابه ع التي شيرت (عبارات او اسماء انتو تختاروها).. بـ50 ريـال
2/رسمه صغيره بحجم كف اليد في اي مكان في التي شيرت مع كتابه انتي تحدديها برضو .. (في بداية التي شيرت _في الوسط_ في نهايتو) ..بـ80 ريال
3/رسمة كبيره في وسط التي شيرت ومع كتابه ازا حابين ..بـ 120 ريال
4/رسمة على التي شيرت كامل وجه وقفاا .. بـ150 ريال
وبالنسبه للعروض ..
ممكن نعمل تي شيرتات للحفلات او يوم ميلاد (ومو عيد ميلاد)
يعني اعمل مجموعه من التي شيرتات وتكون نفس الشكل وتحمل اسم صاحب الحفله
وحيكون السعر على حسب الاعداد المطلوبه وطبعاا بنعمل تخفيض للسعر(markdown)
وانشالله اشوف منكم تفااعل وتتعاملوو معايا
وشغلي يعجبكم وانا حابه اخدم الناس باشياء مميزه وانمي موهبتي
واتمنى انكم تنشرو الايميل لكل الي عندكم
((ملاحظــــــــه مهمه للجمييييع))
حأعمل خصم خااص لصاحب اول مشتري من كل مدينه
creative girl
فتـاه مبدعـه
يمنع وضع الايميل
فنون88
وصـلتني الرسالة على بريدي
فحبيت انشرهـا تشجيع للعمل اليدوي
مواقع النشر