مالي غيركم بعد رب العالمين .. بنتي واول مولوده لي .. ساعدوني ياخواتي ..

**فروووحه** · 21-12-2009, 11:37 AM

السلام عليكم ورحمة الله وبركاته ..

كل عام وانتم بألف صحه وعافيه ..

حبيباتي وخواتي ..

بنتي عمرها اربع شهور واسبوعين تقريبا ..

ماخليت طبيب ولا علاج ولا شي ومافاد معها ..

انواع الامراض تطيب من ذا وتطب في ذا ..

ساعودني ياخواتي ..

اخر دكتوره كانت استشارية حساسيه ومناعه .. طبعا بنتي من وهي بشهر الاول وهي تعبانه حساسيه وبلغم وكل شي وارتجاع وخلوها على ربكم ..

المهم الدكتوره قالت احتمال يكون عندها نقص مناعه من كثرت المضادات الحيويه ..

ايه صدق عندها جروح في فمها عذبتها بس تنزف على اطراف الفم ياليت تعطوني لها شي مجرب ..

السؤال حبيباتي ..

لو طلع عندها نقص مناعه وش اعطيها يقوي مناعتها وهي بهالعمر ..

حليبها اس 26 للإرتجاع عندها ارتجاع ..

وربي قلبي يتفطر عليها ومحد حاس وامسك نفسي قدام الناس وبيني وبين نفسي واذا كنت لحالي اموت من البكا ...

لا تخلوني ياخواتي .. من جد تعبانه ..

**سوارة** · 21-12-2009, 11:48 AM

اختي لايضيق صدرك الدنيا ماتسوى جناح بعوضه وبنتك الحمدلله بخير ولد خالتي والله مانساه قالو افقدو الامل منه وهو عمره شهرين والحين ماشاء الله عليه عمره 10 سنوات لايضيق صدرك وتوكلي على الله وعليك عليك بالاستغفار فهو لكل هم فرج