تجمع لسكان اهل الرياض والقرى المجاوره للبحث عن الأماكن السياحيه

[ام ريتااد]

السلام عليكم اخواتي انشالله انكم بخير

طرحت هذا الموضوع عشان تستفيدون وتفيدون اي وحده قد راحت مكان حلو تقولنا عنه ومكانه ووصف شكله ولو حصل صور بعد يكون احسن
تكفون مابي وحده تقرأ الموضوع وماتكتب لنا مكان حلو راحت له وأنبسطت فيه
مثال استراحات او شاليهات
مثال بر حلو فيه اشجار ويصلح للكشته
مثال حدائق حلوه
مثال منتزهات حلوه
مثال استراحات اوشاليهات رخيصه وحلوه

انا بأبتدي فيه استراحات حلوه في ديراب ورخيصه وفيها مسابح والأجار في اليوم 300ريال
يالله يالي شفتي الموضوع لاتطلعين تكفين الا كاتبه شي قد رحتيله وانبسطي فيه في الرياض او قريب من الرياض

[نجمة خراسان]

ما شاء الله موضوعك ررررررائع مفيد

جزاك الله خيراً

مشكوووووور والله يعطيك الف عافيه

اختي اين ديراب لان عجبني سعرها استراحة وهل مسبح للنساء ؟؟؟؟؟؟

[ام ريتااد]

ايه اختي ديراب منطقه في الرياض بعيده شوي بعد سكن الحرس الي في الشفاء على طريق مكه
وبالنسبه للمسابح المسبح بين القسمين مره يسبحون النساء ومره الرجال
بس النساء يشوفون الرجال
والرجال مايقدرون يشوفون النساء

[تك !]

اماكن بالرياض , ما أتوقع فيه أحسن من الأسواق ..
مرة حلوة , بس مشكلتها الإزعاج والزحمة

فيه شاليهات المرسى مرة حلوة بس غالية شوي