أخواتي المصريات إستشارة عاجلة رجاااااء

[بنت أبي]

بسم الله الرحمن الرحيم

أخواتي الحبيبات أنا مصرية أقيم في المملكة من مدة طويلة وقليل ماأسافر مصر حتى صرت لا أعرف الأسعار في مصر
وأنا هنا عندي صالون للحريم أريد الاستغناء عنه لأوسع مكانه غرفة لبناتي وأنا في حيرة إذا بعته أنتم عارفين أسعار البيع هنا و نصحتني صديقة بإرساله لمصر عن طريق الشحن وسألت موظف الشحن قالي يتكلف 1400 ريال
فما هي أسعار الصالونات في مصر الآن وهل الأفضل الشحن وإلا أبيعه بأي مبلغ وخلاص وللعلم هو صالون جميل وذوقه حلو وخشبة أحلى ( تركي ) ومعاه ستارته لكن نقلت أكثر من مرة فأصابه شوية بهدلة هيحتاج لها شوية ترميم وحقيقي أنا خسرت كثييييير من فرشي بسبب النقل أهديت بعضه ورميت بعضه والحمد لله على كل حال


فما رأيكم ؟؟؟ ماذا تفعلين لو كنتي مكاني؟؟؟

[ام ادهم واياد]

السلام عليكم ورحمه الله وبركاته

كل سنه وانتى طيبه ياجميل

بصراحه اسعار الخشب فى مصر زادت كتير الفتره الاخيره وبالنسبه للصالونات بتتفاوت اسعارها فيه الرخيص اوى اللى ب3000-4000 جنيه

واخو جوزى حاليا لسه متزوج من كام شهر الصالون عامل حوالى 11 الف من دمياط يعنى كله حسب ذوقك وميزانيتك

والشحن بصراحه انا شخصيا بخاف منه معرفش دايما بحس ان الحاجه هتوصل مدغدغه لكن طبعا ده انطباعى انا الشخصى انما اعتقد لو شركه محترمه وطريقه النقل بتاعتها محترمه وآدميه يبقى استفيدى بيه احسن ونزليه مصر لو شيفاه انه يستاهل بس بصراحه مصر فيها اذواق تحفه وخشب رائع

[دلوعة ميامي]

من رأيي هذا لو كنت مكانك لا تشيلي ولاتتعبي نفسك
تكلفة على الفاضي
احلي من موبلية مصر مفيش
اذواق راقية واسعار لكل الميزانيات
واللى هتحطيه في النقل ,, بيعي الطقم وحطي عليه تكلفة النقل مع اللى هتدفعيه جمرك وكملي عليه وهاتليلك واحد جديد من مصر
وانت بتقولي انه اتبهدل شوية يعني مع الشحن هيتبهدل بزيادة وده حسب الشركة اللى هتشحني معاها
اتوكلي على الله واخلصي منه

[بنت أبي]

السلام عليكم ورحمه الله وبركاته

كل سنه وانتى طيبه ياجميل

بصراحه اسعار الخشب فى مصر زادت كتير الفتره الاخيره وبالنسبه للصالونات بتتفاوت اسعارها فيه الرخيص اوى اللى ب3000-4000 جنيه

واخو جوزى حاليا لسه متزوج من كام شهر الصالون عامل حوالى 11 الف من دمياط يعنى كله حسب ذوقك وميزانيتك

والشحن بصراحه انا شخصيا بخاف منه معرفش دايما بحس ان الحاجه هتوصل مدغدغه لكن طبعا ده انطباعى انا الشخصى انما اعتقد لو شركه محترمه وطريقه النقل بتاعتها محترمه وآدميه يبقى استفيدى بيه احسن ونزليه مصر لو شيفاه انه يستاهل بس بصراحه مصر فيها اذواق تحفه وخشب رائع

وأنت بألف خير عزيزتي وأسعدني مرورك ومعلوماتك فجزاك الله كل خير

بالنسبة للشحن المندوب قال لي إن الشركة بتتكفل بتغليفه وكرتنته بنظام أمان عالي بحيث يوصل زي ماهو
وبالنسبة للخشب في مصر طبعا أنا عارفه أنه لا يعلى عليه لكن صالوني هذا لو شفتيه تحسبيه مصري سواء موديله أو خشبه