[hide]رجعت
اسمعو القصه مره أمي الله يرحمها و أبوي سافرو خارج اليمن و من حسن حظي ان في نفس الفتره زوجي سافر كان معه شغل و أني رحت اجلس بيت اهلي مع إخواني و صديقتي من ايام الطفوله كانت تجئ عندنا أني و أختي كل يوم من الصبح لما الليل كنا احيانا نجلس في البيت نهدر و نضحك و نأكل زعقه مع شاهي و احيانا نخرج الحديقه و احيانا نروح السوق
المهم في هداك اليوم قلنا بنروح السوق نشتري فساتين لانه بعد كم يوم عرس واحده صحابتنا من ايام المدرسة
و كان الجو ممطررً بشكل فضيع المهم وقف المطر و خرجنا و ركبنا تاكسي و الغبي سواق التاكسي مشى من السايله و السايله مع المطر تصير مسبح و كانت زحمة سيارات و هو طول الوقت معصب يقول أنا اصلا غبي جيت من السايله جاب لنا التوتر
طبعا من الزحمه التاكسي واقف و السيارات تمشي ببطء و أني كنت جالسه عند الطاقة و فاتحه الطاقة عشان أشم هواء و فجأه احس بحاجه سقطت فوق راسي و الصوت طراااخ
التفتت و أشوف اثنين عيال صغار تقريبا بصف سادس بيدهم حجار و رموني بحجرهأني عصبت و طلع لي مليون عفريت بس قلت يله معليش عيال صغار يمكن مش قصدهم و بعد شويه شفتهم يرمو ناس ثانيين
و شويه رجعو رموني مره ثانيه لاحظو هذا كله يا بنات و التاكسي واقف مكانه من الزحمه
المهم أني في المره الثانيه عصبت بجد لانها توووجع خخخخ
خرجت راسي من الطاقه و قلت لهم مالكم؟ عيب عليكم
و من قلة أدبهم رجموني مره ثالثه بس خيبت راسي ماجت فوقي خخخ
كان نفسي اضربهم قليلين الادب
جلست أدور شي أرميهم فيه مالقيت الا جزمتي أكرمكم الله خخخخخخخ
شلت الجزمه و رميت الاول و شلت الجزمه الثانيه و رميت الثاني و قلت لهم لو تزيدو ترمو حجر بنزل لكم يا قليلين الادب
قالو عفوا عفوا يا ابلهو هربو
و أختي و صاحبتي مبلمات و فاطسات ضحك على حركة الجزمه خخخخ و صاحب التاكسي و لا هو داري بالدنيا سرحان و مخزن خخخخ
الان المشكله كيف بمشي بالسوق بلا جزمه خخخخ
لما وصلنا السوق شارع جمال يا سامرون خخخخ لما وصلنا خليت صاحب التكسي يوقف و نزلت أختي اشترت لي جزمه و لبستها وبعد شويه خلينا صاحب التاكسي يوقف و نزلنا نتسوق
بس بجد ما أنسى هذا الموقف أبدا و كلما امشي من السايله أتذكر الموقف و اضحك و الان لما أشوفه بالتلفزيون افطس ضحك و أختي و صديقتي يقولو كلما نمشي من السايله نتذكرك خخخ
بس بجد عصبت نرفزوني عيال اللذين خخخخ
يله يدي وجعي باي[/hide]
مش منك من البببسي اللي تشربيه خخخ
مواقع النشر