[hide]
السلام عليكم ورحمة الله وبركاته
كيف حال عزيزاتي الغاليات ؟؟؟؟؟؟............طبعا ما يحتاج اقولكم ليش قد لي كم يوم ما دخلت .....قدكم داريين
ام ناجي ...الله يقومك بالسلامه ........يارب تبلغينا بأحلى خبر عن قريب
شقومه ..........مالك مدوخه ؟؟؟؟؟...............مارحتي عملتي فحص
تقدري تروحي اي مختبر وتعملي فحص للدم اسمه سي بي سي .......وشوفي الهيموجلوبين كم قده نازل
النتيجه تطلع في دقايق
الله يشفيكي ................بس لاااازم تراعي صحتك انتي مرضعه ياحبيبتي .....على الاقل اذا مش مهتمه بنفسك ..طيب علشان ولدك اللي يرضع منك .............يمكن الرضاعه مسببه لك هذا الضعف .....او يمكن قلة النوم .......
انتي مره قلتي انك دايما مرهقه ونايمه ...كنت ابغا اقلك بالنسبه للارهاق ممكن فقر دم بس عادة يكون مع التعب تلاحظي ان نفسك ينقطع من اقل مجهود وتعرقي كمان من اي مجهود .......انتبهي لنفسك
اما النوم لما يكون معاكي فقر دم بتلاحظي انك وانتي نايمه تتفزفزي ....يعني كل شويه تفزي من النوم ...
وفي شي ثاني تماما تماما ....يشبه في بعض اعراضه اعراض فقر الدم ....لانه من مشاكله انه يسبب فقر الدم ..وهو اظطرابات هرمون الدرقيه او النخاميه .........بس فقر الدم الي يسببه مايكون بس نقص في الهيمو جلوبين يكون في مكونات اخرى كمان .......الله يشفيكي ياشقومه ياااااااااااارب
ايوووووووووووووه ذاك اليوم سألتك وبعدين ماعاد دخلت ....على انخفاض الضغط ...........انا سألتك عشان اقولك انه اذا في اسرتك الضغط عندهم منخفض بشكل طبيعي .........يعني يكون اقل من 120 على 80 لكن نشاطهم طبيعي وماعندهم اي مشاكل ............هذا يعتبر انخفاض طبيعي احنا اسرتنا كذا ...كلنا ضغطنا منخفض عن الطبيعي لكن كل شي تمام
اما اذا انتي انخفاض الضغط عندك يسببلك مشاكل صحيه ...........وعلى فكره ترى الدوخه المستمره اكيد مصاحبه لانخفاض الضغط ............اذا كان هذا الانخفاض يسببلك مشاكل فلازم تتخذي شوية اجراءات احتلرازيه اذا تبغي تروحي اماكن ساخنه زي الحمامات ...............
شوفي انا اككككككككككره شي عندي الحر..لأني لما اعرق ينخفض عندي الضغط ولااااازم الصداع والطرش
كل مره اروح عمره كنت اروح على الطوارئ ............لازم اخذ سوائل في الوريد
بس لما رحت الحمام (البخار) جلست في المكان الخارجي ودخلت دقايق بس للمكان الحار .....اصلا امي مارضيت تخليني ادخل الحار لانها عارفه اني اتعب من الحر على طول ................
لكن بشكل عام ماعندي اي مشاكل في الضغط الحمد لله ..........حتى وانا حامل كانت اي دكتوره تقيس لي الضغط تقلق على طول تحسب ان ضغطي منخفض وتجلس تسألني انتي بتدوخي انتي تعبانه .... لكن لما اقولها ان هذا ضغطي الطبيعي ...تقوم تقول خلاص كويس الحمد لله ......
يووووووووووووووه والهدره انا كنت داخله بس اقول اني يمكن ادخل اليوم في الليل .......شوفو كم قد تكلمت
سويتو كيفك ياعسل ........والله انك على بالي وكل ما اتخيلك ماسكه الكتاباقول ..ياحلااااااااااوه .....سويتو بتذاكر
المذاكره والعلم والمعرفه لهم طعم ثااااااااااااااااني لما الواحد يوصل الثلاثين ......والله اني قلت في نفسي ....والا خلاص بلاش اقولكم وتضحكوا عليا ...هههههه...
ملوووووووووووكه مالك ياحاااااليه والله زعلتيني ........ايش بك ياحساسه ؟؟؟..........مالك على اي شيء بتفعلي مصياحه ؟؟؟
وانا كنت اقول انك مشغوله عننا جالسه تهنني في الباشا حقك ...........الله يهدي النفوس
ايش ياملوووكه ليكون تخاصمتوا على الهدايا ...........شكله ماجاب الهديه الي وصيتيه يجيبها عشان تهديني اياها
طيب خلاص مش مشكله ......مساااامحه ..................مره ثانيه ان شاء الله تشتريلي احلى منها.....الموضوع مايستاهل
................ليكون بس اخذت في نفسي مقلب .............ههههههههه
بمبينا .............من جد من جد ..........كانت درجة الحراره 15 .....وااااااااااااو ,,,,,,,,,,,,,,
جده توصل 15 .............عشنا وشفنا سبحان الله ...............والا هو كذا من زماان
بعدين انتي كل شويه تدخلي وماتلقي احد وتقولي حالتكم ميؤسه السلام عليكم ............طيب مالك انتي ماتهدري .؟؟؟
بس تكتبي كلمتين وربع ...وعادك تقولي احنا حالتنا ميؤوس منها ...............طيب وانتي ايش حاااالتك ؟؟؟؟؟؟؟؟؟؟؟؟
وااااااااااااااااااااااااااااااااااااااااااااااااا ااو نسيييييييييييييييييييييييييييييييييييييييت
ام حلا تسللللللللللللللللللم ايديكي الحلوين على الملف الحلووووووووووووووووو ..........والمقدمه الرائعه الحساسه
بجد بجد تسلمي ياحلوه ..............
انتي عارفه انا كان زوجي مره متعبني بدخانه ...........فمره لما رحنا عند الدكتور وكان ولدي مريض قمت كلمت الدكتور من غير زوجي مايحس قلتله يكلمه انه مايدخن كثير عشان العيال ............والدكتور ما قصصر........ قال من يدخن في البيت؟؟
زوجي تفاجأ..... قال انا .................قال الدكتولر انا قلت كدا برضوه عشان كده ولادك صدرهم تعبان .....متبقاش تدخن جنبهم ...............وزوجي بصراحه تحسن من وقتها صار يحاول يدخن في المكان الي هم مش فيه قدر الامكان قدر الامكان
لان احنا بيتنا صغييييييييييير والعيال مسيطرين على كل شير فيه ......زهههههههههههههه
وعلى فكره انا ما اقصر كل ما شغل دخانه اجلس افوووووووووووه ايش ذي الريحه الكريهه ........الله يقرفك انت وذا الدخان
واقوم من جنبه على طووول .............واروح غرفة النوم يافرحتي اجلس اقرأ كتاب او اشغل محاضرات يوتيوب
لانه هو ما يخليني اجلس لوحدي ............يظل يقولي تعالي اجلسي معايا تعالي اجلسي معايا ............لما يدخن القاها فرصه ...
والله شكلي كتبت كثييير ...........اللله يستر لتطير هذه المشاركه ..........الله يستر
[/hide]
مواقع النشر