اصنعي شموعك بنفسك

[الشهد]

بسم الله شمري عن ساعديكي وابدئي معي


(( بشويش على البلوزه بلييييز ))





" 1 "

بدعي بهالشموع

قبل مانبدى باعلمتس وشلون تذوبين الشمع .. شوفي سلمتس الله خذي قدرين واحد حطي فيه ماء وسقطي (دخلي ) القدر الثانيه وسطه وحطي الشمعه في القدر الثاني ولعي عليه النار
اااااييييييوه مثل مانسوي لابغينا نذوب الكاكاو
<لاتفشلينا قولي حمام مائي وفكينا

ولا تنسين تربطين الفتيله بقلم رصاص عشان ماتختفي مع الشمع مثل تسذا




الحين عرفنا وشلون نذوب الشمع نجي الحين نشوف وش نسوي فيه .. تقدرين تسوين مثل تسذا



1/ تاخذين ثلاث الوان من الشموع وتذوبينهن .. طبعا كل وحده لحالها مب تجمعينهن كلهن مع بعض


2/ تاخذين كاس ابو رجل او الي تبين .. وتصبين فيه اللون الاول .. ولا تنسين وركزي على ذي النقطه حطي مزاز

( ذاك الي ينشرب به العصير )

في وسط الكاس بتقولين ليه
بقولتس بعدين .. المهم وخليها لين تبرد الطبقه الاولى وحطي الثانيه وبنفس الطريقه والثالثه برضو .. وطبعا قبل ماتصبين الطبقه الثالثه دخلي وسط المزاز الفتيله بعدين طلعي المزاز وصبي الطبقه الثالثه
وبس

[الشهد]

وتقدرين بعد تسوين مثل ذي



وهي اسهل بكثير من الي قبلها بتقولين وشلون اقولتس شوفي

1/ لامنكم سويتو شكشوكه او قرص بيض اوشي لاتطلعين قوتس على البيضه وتكسرينها لا لا ياماما هالبيضه ذي نبيها عشان تسذا اكسري منها كسره صغيره وطلي البيض منها

2/ اغسلي البيضه من داخل وخليها لين تنشف .. لاتبيزعين وتروحين نتشفينها

3/ خذي الشمع المذوب وصبيه وسطها لين النص بعدين دخلي الخيط لين تحسين انه ثبت بعدين كملي تعبية باقي البيضه

4/ دخليها للفريزر لين تجمد .. بعدين طلعيها وقشريها

5/ تقدرين تلونينها وتزينينها وتزبرقينها باي شي

-------------------------------------

وتقدرين بعد تسوين بها اشكال ثانيه بدون تذويب ولا هم يحزنون




عشان تسوين مثل الي فوق خذي كاس جبن عادي ويفظل بوك او كرفت اذهبية الجديدة

24 قيراط

.. بعدين خذي حصا وافركيه زين عن الغبار .. ويقولون يفضل انتس تدهنينها بورنيش بس اذا ماكان عندتس مهب لازم مهب مقدم ولا ماخر
... بعدين تاخذين الحصى وتحطينه في الكاس وتحطين فوقه الشمووع ..و تقدرين تحطين بدال الحصى حبات لولو كبيره
او الصوابين الصغيره ذيك الي على اشكال ..

شكل ثاني



عشان تسوين مثل ذي .. خذي كاس ابو ساق ( ذاك الي تسنه مخصر ) وحطيه في صحن مافيه مانع اذا كان بلاستيك ..
بعدين لصقي على الصحن ورود .. وسقطي الشمعه بالكاس
وبس

طبعا مبين من اللهجة انه مو شرحي :p وصلني على الايميل

[*خلود*]

تسلمين يا شهد موضوع جميل ممتع ودمه خفيف سهل عمله ولك فيه فن ومتعة

[فرسان العزة]

راااااااااائع

تسلمي