ويـن انـت يـا حمـدان امـك تناديـك
وراك مــا تسـمـع شـكـايـا ونـدايــا
يا مسندي قلبي على الدوم يطريـك
ما غبت عن عيني وطيفـك سمايـا
هـذي ثـلاث سنيـن والعيـن تبكيـك
مـا شفـت زولـك زايـر يــا ضنـايـا
تذكر حياتـي يـوم اشيلـك واداريـك
والاعـبـك دايـــم وتـمـشـي ورايـــا
ترقد على صوتي وحضنـي يدفيـك
مـا غيـرك احـدٍ ساكـن فـي حشايـا
واليا مرضت اسهر بقربك واداريك
ما ذوق طعم النـوم صبـح ومسايـا
ياما عطيتـك مـن حنانـي وبعطيـك
تكـبـر وتكـبـر بـالأمـل يـــا مـنـايـا
لكن خساره بعتنـي اليـوم وشفيـك
واخلصت للزوجه وانـا لـي شقايـا
انـا ادري انهـا قاسيـه مــا تخلـيـك
قـالـت عـجـوزك مــا ابيـهـا معـايـا
خليتني وسط المصحه وانا ارجيك
هـذا جـزا المعـروف وهــذا جـزايـا
يــا ليتـنـي خـدامـة بـيــن ايـاديــك
من شان اشوفك كـل يـوم برضايـا
مشكور يا ولدي وتشكـر مساعيـك
وادعــي لـــك الله دايـــم بالـهـدايـا
حمـدان يـا حمـدان امــك توصـيـك
اخـاف مـا تلحـق تشـوف الوصايـا
اوصيـت دكتـور المصحـه بيعطيـك
رسالـتـي واحروفـهـا مـــن بـكـايـا
وان مـت لا تبخـل علـي بدعـاويـك
واطلـب لـي الغفـران وهـذا رجـايـا
وامطر تراب القبـر بدمـوع عينيـك
مــا عــاد ينفـعـك الـنـدم والنـعـايـا
منقول عن الكاتب : سلطان الليل[/poem]
مواقع النشر