[frame="9 80"]اتصلي وهو غلطان بالعنوان
قال اعذريني يا ملاك
قليل ذوق والعفو عند المقدره يا كامله
قلت له لا ماصار شي يا كريم
قال لي ماشاء الله حلو الصوت واكيد حلوة تصاوير
والاخلاق كامله ما شاء الله
كني اعرفك من زمان
كنك قريبه من وريدي وحشاي
لا انتي اقرب من همسي لسمعي
قال لي ممكن اكون معك على اتصال
قلت له ماقدر يا كريم الخصال
انا بنت ناس الخجل يمنعني والحياء
قالي والنعم فيك يا بنت الاجواد
انتي كبيره وغاليه في الفواد
ومستحيل افرط بج
انتي شي نادر بالوجود
ربي رماني في دربج يا بنت الحلال
وسمعني من حلو الكلام خيال
حبيته وصدقته وعدته عالوفا
كل ما طلبته رد لي الجواب
ما رد لي مطلب ولا امر
في يوم ترجاني وتذلل لي ارسل له صورتي
وقال .. يا يريت اشوف وجه القمر يا ملاك
يا ريت اشوف رسم ربي ويا حسن تصويره
يا ريت اكحل عيوني بحلاج
يا نظر عيني يا غناي
ومن حلو كلمته وصوته وهمسه ودفاه
رحت على صورتي وعلى عماي
ارسلت له بعض تصاوير وحروف
كتبت له بشوقي رسالة حب وغرام
عطيته من وقتي وحياتي الكثير
رسمت به حلم حياتي
خليته عالم في دنيتي
هو الكون وانا الدنيا
حو المحيط وانا موجه
هو الدم اللي يسري بعروقي
هو نور حياتي شمسها وظلها
هو لون الفرح لون العشق
هو لحنها الحاني الشجي
هو المالك
هو الامير
هو سيدي وسيد قلبي
حبيته وعشقت همسه وحرفه وخياله
عشقت صورته وتنهداته
شاركته احلامه
رسمت له دنيته بافراح
سهرت ادعي ربي يهنيه
حفظت وده
صنت عهده
رفعته للنجوم
حطيته فقلبي وقفلت عليه
حطيته بين الرمش والرمش
كحلت به عيني اللي ما تنام
احتويته بمشاعري
خليته كامل الاوصاف من بعد ربي سبحانه
ما توقعت الحياه من دونه
مرت شهور وسنين
وكل يوم يمر تكون ذكره ورديه
عشت على امل القاه
ويوم ورا يوم
حبيبي عني غاب
اتصل به وينك يا غرام
يقولي : افكر فيج يا وصال
الله يا دنيتي يفكر فيني
بس ليش غبت عني حبيبي
يقولي : عشان الشوق يكون بازدياد
مستحيل اقدر اعيش بحلو الكلام
يا بختي انا غير عن كل البنات
حبيبي يعشقني ويسمعني حلو الكلام
اكيد انا غير عن كل البنات
كبرت وكبرت احلامي معاي
وزاد حبي له وبحياد
حبيته عشقته اكثر عن امي واخواني واقرباي
لالالا حبيته اكثر عن نفسي
بديته على احلامي وامنياتي واصدقائي
صار هو عالمي وسحري ودنيتي
هو امنياتي وذكرياتي واحلامي وطموحي
بس وينه عني غاب
بتصل به وباستمرار
اكيد اشتاق لصوتي وهمسي وحلو الكلام
حبيبي وينك عني ما ترد الجواب
يقولي .. يا اختي غلطانه ويروح عني الجواب
وارد اتصل به واقوله لا تمزح معي قلبي بيوقف يا هيام
يضحك ويقول مجنونه انتي يا بنت الناس
ما عندك شغله غير تتصلين في الرجال
وسكر الخط عني وانا شارده بالخيال
انا اخته
انا مجنونه
اكلم رجال
لا
لا
لا
هذا محال
اكيد انا غلطانه بالارقام
وارد اتصل مره ومرات ومرات
وايام وايام وايام
ومرت شهور وانا ع ذا الحال
ما يرد الجواب حبيبي ما يرد الجواب
انا شسويت له يا ناس
غلطتي اني بصدق حبيته
وصدقته وكنت دوم معه على اتصال
نساني وتجاهلني وسمعني سم الكلام
وبعد كل الايام وانا على انتظار
اتصل فيني وطارت بي احلامي للخيال
اكيد بيعتذر اكيد بيرد لي الجواب
اتصل وفصوته بنرة انذال
يقولي شوفي يا بنت يا رخيصة الافعال
انتي عندي شاه وانا ذيب متعطش للشياه
ودي اني ارعى في بيتكم على شاه
وانتي شاتي ويالله وافيني بذاك المكان
وان تمنعتي عني هذي تصاويرك يا سلام
يا حلاتك لو يشوفونك اهلك وانتي معاي
او تشوفين لك صوره في الانترنت ومواقع اللا اخلاق
سكت صدمتي منعتني من الكلام
نقتني عبرتي
ودمعتي جفت على نص خدي
البرد يسري في جسمي
وعيني ما تشوف الا الظلام
وقعت من طولي ومادري بحالي وين انا فيه ياناس
انا انتهيت
وانهيت حياتي بالخداع
لا تصدقين يا بنت من يتصل بج ويرد الغرام
البنت ما تصان الا لمن يدق الابواب
وما يرفعها الا عفتها وشرفها وشخص كريم الخصال
بالدين تزود عفافها
وبه تسد ابواب الذياب
هذي قصتي انا
بنت من هذا الزمان
كنت اتمنى الحب بالحرام
واستعجلت الحب بعد الزواج
دفنت احلامي وامنياتي بالتراب
وقتلت خفوق اهلي وحكمت عليهم بالاعدام
خذوني قصه
عبره على مر الزمان[/frame]
رد مع اقتباس
مواقع النشر