يسعد صباحكم حبيباتي
اليوم رح احكي عن مكياج وتسريحة العروس وعن تجربتي
واهم الامور يلي لازم تراعيها العروس قبل اختيار المكياج والتسريحة
وموضة السنة الماضية والسنة تسريحات بدون طرحة
واعتماد الشعر المفرود ليعطي جمال اكتر للعروس
نرجع لاهم الامور يلي لازم تنتبه لها العروس قبل اختيار التسريحة :
1- حسب شكل الفستان من الخلف ازا كان الفستان مفتوح من الخلف يفضل فرد الشعر
وخاصة لو كان الفستان باكلس بيعطي جمال اكتر وخاصه من الخلف بيغطي اي عيوب مثل ضهور عظام فقرات الظهر
نصيحة بقدمها لكل فتاة نحيفة متلي بقلها ما تغلطي غلطتي لهلا بندم عليها انه يكون فستانك باكلس وترفعي شعرك
انا كل عظام ظهري كانت بازه وخاصة اني ما لبست طرحه مشيت مع الموضه للاسف وندمت لما حضرت شريط العرس
2- ازا كان الفستان دانتيل من الخلف الافضل رفع الشعر حتى يظهر شكل الفستان من الخلف وازا بدك تلبسي طرحة لازم تكون سادة ليبن الدانتيل .
3- وتسريحتك لازم تختاريها حسب شكل وجهك وشو بناسبوا وبتقدر تساعدك مصففة الشعر .
انا تسريحتي قريبه من هاي التسريحه لانه وجهي نحيف
وطبعا المكياج حسب ذوقك ازا بتحبي خفيف ولا تثقيل
انا اخترته خفيف وناااااعم
اتمنى انكم استفدتو من الموضوع يلي كتبته عن تجربتي
لاكن استخدمة بعض الصور من النت للتوضيح
وانتظروني دايما بكل جديد
مواقع النشر