أعطوني حل أو فكرة [الأرشيف] - منتديات بيت حواء

*فوفو*

07-09-2007, 04:05 AM

السلام عليكم ورحمة الله وبركاته
كيفكم بنات تكفون كل وحده تقراها تعطيني ولو حل بسيط أنا عندي أخ في أول ثانوي وما عندناأحد يدرس غيره في المدرسه ومررره متضايق ليش أن المدرسه يوم السبت وأكلنا بقشورنا ليش ماحد بيداوم إلا هو أنت تعرفون دوام الكليات مايبدا إلا بعد أسبوع نبغى نسويله حركه أو أي شي يوم السبت الصباح يحس شوي أنا مشاركينه ونبغى نشجعه في نفس الوقت...الله يبلغنا وإياكم رمضان أجمعين وبصحه وعافيه..

*فوفو*

07-09-2007, 11:42 AM

أفا عليكم يا بنات 10 داخلين ولاو حده ردت العوض على الله..

¨° فراولة °¨

07-09-2007, 12:05 PM

أنا عندي فكرة

شرايج .. تسووله فطور مثالي

مثلا تسولة طبق فطور كأنه رايح مطعم

مرتب و حلو و لا تنسين الجرة اللي فيها وردة

ترا مثل هذي الاشياء تفتح النفس ع المـدرسه

بعطيج مثال ..

مثلا صينيه كبيرة فيها صحن بيض .. و صحن فيه تسوست [ خبر سليس ]

و مثل زبدية صغيييرة فيها مربي و ثانيه فيها عسل مع سكين او ملعقة حتى يدهنا ع اللسليس

و اطباق ثانيه انتي فكري فيها ع حسب ذوق اخوك و جرة فيها وردة مع بطاقة صغيرة ع الصينيه

تقدرين تطبيعنا ع الكمبيوتر

مكتوب فيها

[ كـــل عام و انت بخير و عام دراسي جديد و سعيد ]

او اي كلام غير تحبين تكتبينه

:) ان شاء الله عجبتج فكرتي

و عندي فكرة ثانيه .. بعد بالاضافة لفكرتي السابقة

مثلا تشتريله هدية [ تناسب المدرسة .. كثلا كراس .. أقلام أو اي شي ثاني ]

و تغلفينها و تحطين عليها بطاقة تهنئة بالعام الدراسي و او ما تصحونه او يوم من النوم تحطون الهديه بجنبه [ ع السرير ] و او ما بيصحى بيشوفها .. و اكيد بيستانس

و اذا دخل الحمام [ أكرمج الله ] علشان يغسل وجهه لصقي ع المرايه اللي في الحمام [ أكرمج الله ] ورقة مكتوب فيها عام دراسي سعيييد و وجة ضاحك مع الورقة و اذا طلع من الحمام علشان يلبس ملابس المدرسة فعند الملابس بعد ضعي ورقة عام دراسي سعيد و لا تنسين في هـ الاوراق تحطين صورة وجه ضاحك او صورة تشرح النفس :36: و اذا راح ع الفطور بيجوف الفطور اللي في الفكرة الاولى اكيد بيستانس ...

و ان شاء الله اكون افدتج

:36:

¨° فراولة °¨

07-09-2007, 12:14 PM

II:

آآآآII:سفة اختي ادري اني طولت عليج

بس جتني فكرة ثانيه ،)،

و هي ...

اسمها لعبة الكنز ..

اول شي تحتاجيه هــديه

اي هديه ... بس الأحى ان تكون تناسب المدرسة .. او علبة شوكولاته او اي شي اخوج يحبه

و تغلفينها و تنسقنها بذوقج الحلو و تحطين عليها بطاقة تهنئة بالعام الدراسي الجديد

المهم ..

اول ما تصحين اخوج من النوم تعطينه ورقة مكتوب فيها

[ اذهب الى الحمام [ اكرمج الله ] و اغسل وجهك لتحصل ع الورقة الثانيه و بعدها تحصل ع الكنز ]

و قبل ما يطلع من الحمام [ اكرمج الله ] ضعي ورقة عند باب الحمام [ اكرمج الله ] مكتوب فيها [ اذهب الى الغرفة و بدل ملابسك و البس ملابس المدرسة لتحصل ع الورقة الثانيه و تحصل على الكنز ]
و بعد ما يطلع من الحمام [ اكرمج الله ] بحصل الورقة

و بعدها ضعي ورقة في ملابس او جيب ملابس و اكتبي

[ اذهب الى الفطور و كل فطورك لتحصل ع الورقة و تحصل على الكنز ]
و في الافطار ضعي الورقة بين شرائح خبز السليس [ التوست ] و ضعيها في صحن و خليها باينه شوي بالاضافة الى باقي اصناف الفطور
و اكتبي في الورقة [ اذهب الى حذاءك المدرسي و البسه و احصل ع الورقة لتحصل ع الكنز ]

و في الحذاء ضعي ورقة مكتوب فيها [ اذهب الى---- [ اي مكان تختارينه .. غرفة الجلوس .. المطبخ .. اي مكان ] و احصل ع الكنز ]

و في المكان الأخير ضعي الهديه اللي فيها التهنئة ..

و اتمني ان فكرتي عجبتج :36: و آآسفه ع الاطاله

تحياتي

*فوفو*

07-09-2007, 02:05 PM

تسلمين يا قلبي أفكار مرررررررررررررره حلوة الله يسعدك و يوفقك..ويسر عليك كل عسير..

*فوفو*

07-09-2007, 02:08 PM

تسلمين يا قلبي أفكار رررررروعه الله يوفقك ويسر أمرك ويحقق لك أمانيك..