حفظ التمور

[*بروق الأمل*]

السلام عليكم ورحمة الله وبركاته
يا بنات حواء هل تعرفون طريقة لحفظ التمور في الأكياس؟
لا تبخلون علي أنا في إنتظاركم لا تخيبون الظن,,,

[مدام نجوى]

السلام عليكم ورحمة الله وبركاته



يسعدني أن اكون اول من يرد عليك بالنسبه لي أوزعها بالأكياس البلاستيكيه لي تتسكروأحفظها في الفريزر ولما أبيها اطلعها وخلال دقايق يكون التمر اوكي ان شاء الله أكون أفدتك

تحياتي لكم ورمضان كريم

[فراق]

بسم الله الرحمن الرحيم
حبيبتي ودي اساعدك بس انا احفض التمر للمعمول
افرمي التمر وحطي بعلب بلاستيكيه على قد الحاجه وحطي بالفريزر لمدة سنه مابيجرالوا شي

[*بروق الأمل*]

جزيتن خيرا على المشاركة،،،،،،،،،،

[زهرة اللوتس]

هذه طريقة الوالد الله يرحمه..
كان يسوي التمر بروحه..

والحين الوالدة الله يحفظها تسويه..
ونحن نساعدها..

تنقين التمر المستوي على الآخر وتحطينه بالشمس عشان ينشف يباله كم يوم..
بعد ما ينشف التمر زين تغسلينه بمشخلة على السريع..يعني ما تخلينه بالماي وايد..

وترجعينه للشمس بس يوم واحد عشان ينشف الماي بس..

وبعدين تجيبين كيس البلاستك..
وتحطين كمية من التمر وتضغطين عليه بايدج شوي عشان يتماسك مع بعضوما تكون في فراغات بين حبات التمر..(طبعاً تظغطين الكيس من برا)

وكل شوي حطي تمر واضغطي حتى يمتلي الكيس..
بس لا تملين للآخر ..
تربطين الكيس بإحكام بخيط سميك..
وبعدين ترجعين تضغطين على التمر بس مو من فوق من الجنب حتى يصير شكل الكيس مسطح..

وبعدين تخلين التمر في مكان دافي وإذا تحبين يكون في دبس خلي عليه شي يضغط عليه..
ولما تحتاجين له طلعيه ..

نحن ما نحط شي يضغط عليه لأن الكميات عندنا كبيرة ..
فنخلي الأكياس على بعض في صندوق..

وإذا عندج أي سؤال ..
أنا حاضرة..

[*بروق الأمل*]

الله يكثر من أمثالك يا زهرة اللوتس

[`.`. MARYAM `.`.]

http://www.hawahome.com/vb/nupload/44987_1189492966.gif

[عمق الاسرار]

شكرا جزيلا موضوع جدا مهم

[عصير توت]

إذا تقصدين حفظ الرطب عشان ما يخرب
حطيه في علبة بلاستيك وبالفريزر وكل يوم طلعي منه شوي وغسليه بموية ويضبط

وإذا تقصدين صنع التمر
طريقة زهرة اللوتس