ارجوكم تقرونها وتساعدونى

[بلسم الحياه]

السلام عليكم ورحمة الله وبركاته

كيفكم يااخواتى بصراحه انا مرررررررره ضايق صدرى وقلت مالى غير الله ثم

صديقاتى انشاء الله تساعدونى

اليوم سوينا عشا حق الجيران طبعا العشا قطه بين الجيران وكل واحد يعزم الا يحب طبعا زوجى

عزم ابوه وما عزم ابوى وانا ماقلتلها اعزم ابوى لنى ماكنت متصورها ان زوجى مايعزمه

ويوم سالت زوجى وقلت عزمت ابوى رد بكل بساطه لا يوم قلت ليش قال نسيت

ومن ذاك الوقت وانا ابكى وزعلانه منه ولا راضى يجينى النوم

بالله يابنات مايحقلى ازعل وقولولى هل تصرفى صح وله لا والمصيبه انه اهلى مادرو

انه عندى عشا واذ درو ويش وجهى من ابويه

انا محتاجه مساعدتكم ارجوكم ردو عليه هل اجلس زعلانه ولا اكلامه عشان يعرف غلطه وايش اقوله

ارررررررررررررررررررجوكم اى وحده تقرا مشكلتى ترد يمكن تساعدنى
==========================

[ام فجر9060]

اولآ صباح الخير ياعسل كيفك وش اخبارك ان شاء الله بخير معليش هرجي كثير


شوفي ياطويلت العمر اذازوجك وابوكي مافي بينهم مشاكل فهذا غلطان 100%والغلط راكبه من رأسه لرجلها واذا زعلان مافيها شي اذامو عشان ابوكي عشان العشره الي بينك وبينه ويحمدربه ان ابوكي رضي به زوج لبنته بس هما كذا الرجال دائمآ فيهم الأنانيه انا ما احرضك علئ زوجك لا بالعكس بس لو انتي مسويه عزيمه وعزمتي اهلك وخليتي اهله كان قوم الدنيا وما قعدها المهم انتي لاتقصري في واجبه حتى لو انتي زعلانه خليكي احسن منه واهلك لو عرفوافهمي امك وهي تفهم ابوكي بطريقه ماتزعل وان شاء الله بيتفهموا والله يكون معاكي بس الي نفسي افهمه ليش الرجال ماينطبق عليهم الحديث الشريف (لايؤمن أحدكم حتى يحب لأخيه مايحبه لنفسه ) فكيف زوجته حبيبته الي عايشه معاه عالحلوه والمره انا اتكلم كذ لاني حاسه فيكي والنار ماتوجع الارجل واطيها بس الله يعينك ياحياتي

انا عارفه اني طولت سامحيني اذاغلط بكلمه اواسلوبي شوي قاسي بس ابي انصحك نصيحه من أخت لأختها لاتخسري أهلك ولاتخسرين زوجك تقربي من الله وصلي وادعي ربك وان شاء الله تعدي على خير والله يهديلك زوجي يارب ويحببه في اهلك وانتي حاولي تحببينه في اهلك وقولي اهلي يمدحونك ويحبونك حتئ لو ماقالوه.....


تقبلي مروري

أختك أم فارس

[بلسم الحياه]

بلعكس حبيبتى ام فارس انت كلمك صح وابويه يحب زوجى اكثرمن ولده بس مانى عارفه هل اكلمه مره ثانيه

واله اكتم فى قلبى الله يسعدك ياحبيبتى

[ام فجر9060]

شوفي ياعيوني حاولي تجلسين معاه وتكلمينه قولي ياولد الناس شوفت من اهلي شي زعلك انا زعلت وتبي تقهرني وما عزمت ابو ي فهمني وش السالفه بس انصحك لاتكوني متنرفزه خليكي هديه وحاولي يكون اسلوبك احلى من الحلى عشان ضميره يانبه ويعرف انه غلطان واذا انتهيتي قولي عالعموم الله يسامحك عاد لو موزعلان من اهلك اعذريني ما ادري وش اقول عن زوجك لانه بيكون عن جد غلطان.....

وانتي لاتشيلين في نفسك لان ماجابلنا الهم غير الرجال وهم ياعيني اخر رواق معطينها اشكل ولايفكر ويأخذون المشاكل بروح رياضيه ونحنى ياحسره علينا نزعل ونتضايق ونشيل هم مو وقته شوفي الحين انتي جاله تفكرين وهو ولا عليه رايح فيها نايم وانتيهي لنفسك ولاتفكرين ....الله يخليكي وطمنيني عليكي .... انا اطول في الموقع لانه صار جزاء من حياتي واذا مو موجوده رسلي عالخاص ok

[{~جوود~}]

بلسوووووووووووووومة ولا تزعلين ولا يضيق صدرك ....

مثل ما قالت لك أم فارس ... اقعدي تكلمي بهدوؤ ...

وكان الله بعونك يالغالية .......

[قمر بيروت]

الله يعينك اختي
نصيحتي الك لا تخلي بقلبك بل تكلمي معه ومتل ما قالتلك ام فارس بهدوء الى اقصى حد وقوليله انو مو حلوة بحقك انو ما تعزم ابي ومش انت يا ابو الذوق والشهامه ويللي تعرف بالاصول( مسحيله جوخ) يللي بتنسا شغله متل هاي حسسيه بانه غلط وان شاء الله بيعمل عشاء مخصوص على شرف الوالد

[ام منذر]

من يتقي الله يجعل له مخرجاحبيبتي اكيد صعب اللي زوجك عمله بس انك ما تكلميش زوجك لا طبعا ده مايرضيش ربنا مش كده والا ايه
ممكن تكلميه بكل هدوء وتعرفيه بكل حب اللي عايزه تقوليه بس حرام يعدي ليله او حتى ساعه وانتي زعلانه منه
وان شاء الله كل الامور تمشي زي ما انتي عايزه
يارب ماتزعلوش من بعض ابدا ويجعل بينكو التفاهم والموده والرحمه طول العمر

[عبير الورد 123]

الله يستر عليك

وانا كمان اقول مثل ام فارس

[ام فجر9060]

أخت بلسم الحياة وش صارمعكي طمنيني .....

[زبيدة احمد]

اختي الحبيبة لا تعطين الامر اكثر ما يستحق
ولاتزعلين نفسك بس عشان العزيمة
بادن العزيام كثير والمناسبات كثير تتعوض بفضل الله

لا تقولين اني مو حاسة فيك ولكن رايت ان الامر مافيه كل هدا الزعل
صح الابو غالي وكدا ولكن النسيان يقع والزلة تقع لو احنا قعدنا نزعل على اي نسيان او اي خطا ترى الدنيا فايتة والمسامح كريم

اين نحن من كلام الله تعالى جل في علاه:"والكاظمين الغيض والعافين على الناس ان الله يحب المحسنين"

هذه مجرد عزيمة يمكن انها تتعوض ان شاء الله وحتى لو دروا اهلك مالهم حق يزعلون لان هذا بيت زوجك
وانا متاكدة لو دروا راح يقولون عادي يعني ممكن تتعوض خصوصا اذا كان الوالد الله يطول بعمره انسان متفهم وسموح وواعي

اختي الغالية بدل ما تزعلي وما يجيك نوم قولي مع نفسك ان شاء الله معوضة لك يا والدي
وادا قدرتي تسوين عزيمة له وحده يكون جميل وادا ما قدرتي خليها المرة الجاية ان شاء الله اما اعزميه انتي واما اكدي على زوجك يعزمه وما ينساه او اعزموه انتم لاثنين وهذا اجمل ..وحسني ظنك بزوجك ولا تخلين الشيطان ينزغ بينكم ..وتفاهمي معاه بالحسنى والله المستعان
ترى الامر محلول ان شاء الله
وان شاء الله خير يا اختي

دعواتي لك بالتوفيق والسداد والثبات والصلاح والعفو والعافية
ولا تنسيني من دعاءك الطيب