المساعد الشخصي الرقمي

مشاهدة النسخة كاملة : العلاقات العائلية الى اين!!!!!!!!!!!!!!!!!!!!!!



بحبك ياشام
06-07-2004, 04:47 PM
السلام عليكم ورحمة الله وبركاته
كتبت صديقتي الغالية على قلبي هذه الرسالة

وطلبت مني عرضها

مارأيكم يااخواتي بهذه الرابطة او صلات الرحم بين الاهل والاقارب

لنقرأها سويا ولنشاهد هل هذا بس بالشام ام بكل انحاء العالم انتشرت هذه الظاهرة بين العائلات

العائله, هي الخليه الأجتمتعيه الأولى بحياتنا, بحيث انو العيله كانت السند والملجأ الأول للشخص ان بساعات الهنا او بساعات الحزن والهم, بس كلنا بنعرف انو اللي كان صحيح قبل 10 سنين بطل صحيح هلأ, لأنا عايشين بعصر بتميز بالفردية, هالشي بدي يأتر حتى عالعلاقات العائليه, الحديث هون مش بس عالعيشة المشتركة لأفراد العيلة, لأ, لأنو كمان جوده العلاقه العائلية عم بتتراجع, مثلا بتشوف العيلة الوحدة عايشة بنفس البيت, بس للأسف ما فيه تواصل بيناتهن, لا الأبو بعرف داخليه الولد ولا الأم بتعرف داخليه بنتها, انا طبعا ما بتحدث عن كل العائلات, بس كمان ما بيسوا نغطي الشمس باصبع.... غير هيك, عمالي بلآحظ انو الوالدين عمالهن يفقدو من احترامهن وهيبتهن , وهالشي عم بيبين للغريب قبل القريب, مثلا كثير بتصير اني بكون بمجمع تجاري وهناك بشوف بنت مع امها او ولد مع ابوه, صدقوني انو الأولاد بيكونوا يحكو مع اهاليهن بطريقه اللي بتبين انهن "هاتين " عليهن ومش متحملينهن والأنكى انو الوالدين بيسايروا اولادهن وكأنهن بيقولولهن انتو بس أأمروا!!!! هالشي شغلي بالي شوي, انو ليش عم بيصير هيك؟؟؟؟؟ انا طبعا ما بدي انو الأب او الأم يتعاملوا مع اولادهن كسيد ومرؤوس, بس ولووووو شويه احترام شويه زوق, انا متلا خاله لحوالى عشرين شب وصبيه, لما خواتي بجتمعوا عنا بكون اراقب اسلوب الحديث بين الأم (اللي هي اختي) وبين بنتها او ابنها, صدقوني كتير مرات بيكون تعليقي انو "طب شو رأيك تقوم/ي تعطي امك كف"!!!!! دورت كتير شو ممكن يكون سبب هالشي, فكان اتجاهي انو الولد او البنت عم يكبروا ببيت اللي فية الأم والأب بيشتغلو, والأولاد زي ما الكل بعرف انانيين بيحبوا يكونوا مركز اهتمام الوالدين, هالولد عم بربى بعيد عن امو, اما بالحاضنات او عند الجدة (الله يكون بعونها), والأولاد ما شاء الله اذكيا, بيلاحظوا انو اهاليهن بيشعروا بتأنيب الضمير لأنهن اغلب الوقت مشغولين(لأنو بالنهايه لقمه العيش صعبه), لهيك هالأولاد بيستغلوا هالشعور عند الوالدين وبيمسكوهن من الجنب اللي بيوجع, والأهل بمحاوله منهن للتعويض ما بيرفضولهن طلب , والنتيجه؟؟؟ الولد بربا على انو اهلو مجبورين يعوضوه عن غيابهن عنو , وبهيك بتضيع الحدود , لا الولد بيعود يعرف حدود الأخذ ولا الوالدين بيعودوا يعرفوا حدود العطاء, وبهيك بتتكون عيله مبنيه على المادة مش على العاطفه, وبهيك العلاقات العائلية الصادقه المبنيه على العطف والمحبة بتتراجع وبيحل محلها مبدأ "خد اللي بدك اياه بس حل عني"
يا جماعه انا حبيت اطرح هالموضوع لأنو بصراحه كتيييير مزعجني, اذا كان عندكو رأي تاني, شاركوني فييييييه

غريبة الروح
06-07-2004, 08:18 PM
هلا بك حبيبتى ,,وان كان مكانه الركن الاجتماعى افضل
حتى ياخذ حقه من النقاش :)

ام سلطان
06-07-2004, 08:23 PM
الموضوع يستاهل النقاش فشو رايج ننقله لمنتدى الاجتماعي

ام سلطان
06-07-2004, 08:36 PM
انا الحيل بعطيج رايي بالموضوع لان مكانه صار احسن و انسب ;)

كلامج صحيح لان احنا بعد انعاني من هالمشكله مو بس في الشام او دول

الخليج بعد العالم كله يعاني من هالمشكله مع اولادهم و بناتهم و على قولتج

(طب شو رأيك تقوم/ي تعطي امك كف"!!!!!) الصراحه مو ناقص الا يعطون

امهاتهم كف او بالمره يخلون العصى عدالهم:p

الغلط مو من الاولاد الغلط من الاهل اللي معطين ابنائهم ويهه زياده عن اللزوم

و مو معناته انه الام اللي تشتغل لازم اتعوض ابنائها عن النقصان بالعطاء ماديا

لازم انعوضهم معنويا و تربويا لان بكره لما يكبرون الاولاد ما بلومون انفسهم

على الخطاء و التمادي بالعكس بلومون اهاليهم انهم ما علموهم او وقفوهم

عند حدهم من البدايه

فالتربيه تبتدي من الصغر مهما كانت ضروف الام و الاب

فاهمال الام هالايام مو بس سبب شغلها او عملها بعد بسبب اهمالها بمن

يصاحبون عيالها و شو البراكج اللي تابعونها عبر التلفزيون او النت

انا شكلي وايد طولت

وخذت راحتي

فبخلي غيري ياخذ عني الدور :p

والسموحه

سنا البرق
08-07-2004, 12:25 AM
هو بصراحة مثل ما ذكرت أم سلطان هذا منتشر جداً
لكن ليست الى درجة القحة هذه (طب شو رأيك تقوم/ي تعطي امك كف"!!!!!)

والغلط في نظري من الأم والأب نقص تربية ,, ونقص مراقبة ,, عودوا أبناءهم منذ نعومة أظفارهم على التكسب على حساب قواعد الأسرة

وحب الماااادة قد يسبب مثل هذه الفرقة وسقوط الحقوق و تزعزع كيان الأسرة

الله عز وجل وصف الإنسان بحب المال والحرص على تحصيله يقول (( وإنه لحب الخير لشديد )) والخير في الآية المقصود به المال

محبة الشام
والله لو أدري أن أحد من أبنائي مستقبلاً يعاملني هذه المعاملة لأحجر عليه والرزق عند الله مو بيد البشر .. نهين أنفسنا الى هذا الحد أعوذ بالله :(

بحبك ياشام
14-07-2004, 11:53 AM
شكرا لك اختي غريبة الروح على اهتمامك للمنتدى ونقل الموضوع

وشكرا لك ياغالية ام سلطان على نقل الموضوع مسكين شو مشي هالموضوع
وتعقيبك جدا مفيد والله يهدي هالجيل الصاعد لا يعجبه العجب

والتربية مثل ماذكرتي اختي انت والغالية سنا البرق انها من الصغر واذا كانت التربية فقط الاكل والشرب والمصروف فبئس التربية

التربية من الصغر بالتوجيه والمراقبة من بعيد والنصح واهم شئ القدوة ان نكون نحن القدوة
والا كيف سيتعلم الجيل اذا لم يقتدوا بعضو نافع وصالح
وشكرا لكم اخواتي على الرد الجميل

ليدي الامورة
24-10-2019, 12:14 AM
http://forum.hawahome.com/nupload/338015_1277499839.gif