انا واهل زوجي

[جروح نازفه]

السلام عليكم ورحمة الله وبركاته
ساعدوني يالمتزوجات انا بسافر للرياض علشان العيد بنعيد عند اهل زوجي نبي نقعد عندهم اسبوعين لكن المشكله انهم مايحبوني ويعاملوني معامله سيئه ودايم يقولون عني اني شريره واكرهم حتى ام زوجي تغيرت معاملتها معي وتلمح لي انها ندمانه انها زوجتني ولدها انا حاولت معها واهديتلها احاول اقرب منها لكنها تفسر تصرفاتي اني ناويه ع الشر واخوات زوجي اذا جلست عندهم ابتكلم معاهم يقومون من المكان اللي انا فيه ويتكلمون علي اذا كنت بغرفتي ويدعون علي انا اساعد عمتي بشغل البيت بس مو عاجبها تبيني اطبخ واكنس وامسح وبناتها مايسوون شي قالت لي بناتي مثل الضيوف والمفروض انتي تشتغلين وش رايكم مو شي يقهر يعني لازم اصير لهم شغاله علشان يرضون عني ولاعاجبهم اي شي اسويه لهم اللي قهرني اكثر عمتي توصي بنتها قداااامي تقول لهل لاتشتغلييين لعمتك وبناتها عندها انتي بنت ناس هذا غير انها تدخل بكل شي تعرف تفاصيل حياتي واذا رحنا السوق معانا وذا ماراحت يررووحون العيال يعني مكرهيني بعيشتي والله العظيم قهر يارب تعدي هالعيد ع خيييير واروح لاهلي تخيلوا اعيد اهله وجماعتنا كلهم واهلي اخر ناس اعيدهم اجيهم ودموعي ع خدي ابو زوجي مايخليني اروح ولا يخلي زوجي يوديني واذا طلبت زوجي يرفض لان ابوه رافض قال ان ابوه يخاف على ولدي اذا راح لاهلي واذا مرض ماروح الا اذا تشافى وحجة عمي ان ماعندي احد يوديني من اهلي حتى اهلي تضايقوا من تصرفات عمي يقول الوحدة اذا تزوجت اهل زوجها هم اهلها انا تعبت منهم وطفشوني من معاملتهم لي وذا ولدي انمرض يقولون اني انا السبب ومهمله ومااصلح اكووون ام وماافهم شي في الدنيا حتى زوجي يتكلم مثلهم يعني ماعندي احد يساندني لاحووول ولاقوة الا بالله وحسبي الله ونعم الوكيل انا احس بالظلم والالم بقلبي انا حبيت بيت حواء وقلت مالي غير الله ثم انتن يااخواتي ومحتاجه خبرتكم ووقفتكم معي الله يسعدكم ويهنيكم

[ام غدي]

السلام عليكم ورحمه الله وبركاته
مسسسسسسسسسسسسسسساء الخير
اختي جروح نازفه
حسبي الله ونعم الوكيل عزيزتي لازم تكونين قويه اذا اعطوكي كلمه ردي عليهم بعشر ولا تخافين منهم ما يقطع الراس الا الي ركبه وسوي زي بناتهم وكوني قد الكلمه الي تقلينها وبطريقتك اعرفي لزوجك واكسبيه في يدك
وشككككككككككككككككرا اختك ام غدي
اتمنى لك حياه مستقره وهادئه

[عبير الورد 123]

شوفي اخت انتي حياتك كلها ماسي في مأسي الله يكون بعونك

بالنسبه لهل زوجك والله السبب هو زوجك ليه يسمح لهم يركبون على ظهرك مهما كان انتي زوجته

والتنازل في حقوقك ماعاد ينفع يغني افعل خير وقطه بحر ليه خايتي حياته توصل لهل مرحله

و الله اهل زوجي كانوا بسون لي نفس الشي بس زوجي قال زوجتي مو خدامه لخواتي كل وحده تسوي اللي لها

وبعدين فهمي زوجك انا زوجتك وهذول اهلك يعني حقي مثل حقهم والتنازل خلاص ماينفع


انا اتكلم لو اني مكانك وانتي بانهايه الخيار لك انا ماتكلمت كذا اللي من حرقتي عليك

الله يصلح حالك ويفرج همك وينصرك على من عداك


ام غرام

[nofa333]

تحياتي لكي أختي
انت تعاملتي مع هالبشر معامله طيبه ومتحمله كل هذا الى حد الحين من طيبك وطيب أصلك ..بس صراحه اهل الزوج الي ينسون ان زوجة الولد بنت ناس ولها كرامه ...لا زم الوحده توقف لهم وقفه تلزمهم حدودهم :
*زوجك ..ايش دوره في كل الي يصير ؟تكلميه بجديه وثقه اذا هلك ماحترموني وتعرضو لي ولا ردعتهم وفهمتهم ان كرامتي من كرامة زوجتي ..بيت اهلك ماعاد ادخله وازورهم في نفس اليوم امشي ماابات ..
*ام زوجك ام كبيره وخذيها على قد عقلها ولا تدققي بالي تقوله
*خوات زوجك لاتسمحين لهم يتطاولون عليكي الكلمه ردي عليهم بعشر ..وكرري انا ماغلطت عليكي لاتغلطي ..
خليهم يحسو انك قويه لاتبينين قدامهم ضعيفه ..انتبهي نوعيتهم ماتنفع معهم الاالقوه
*بانسبه لشغل البيت ..قولي كيف تقسيم شغل البيت ؟ اناعلي كذا.. وانت ايش عليكي ...حطيهم امام الأمر
واذا قالو ماراح نسوي شي ..قولي لهم ليه بيديكم نقش الحنا انا ماراح اسوي غير الشغل الي اخترته ..
*اذا حنو عليكي على الشغل ..قولي لهم : طول السنه كيف تدبرون اموركم اعتبروني مني فيه
*لاتشتغلين فوق طاقتك واذا ام زوجك ثقلت عليكي قولي لها تعبانه ..
..مبين ان العلاقات بينكم متوتره علشان كذا مااظن انها بتتصلح لان القلوب شايله ..واهل الزوج ماينسون الزله
وماعليش منهم اهم شي زوجك واولادك ..واكرر لاتسمحين لهم يناظروكي من فوق

[أنين الروح]

انا كمان مقبلة ع الزوااج وخايفة مررة من المووضووع ... لانه الكل يقوولي انتبهي من حميااتك

موضووع جميل يسلمووووووو

[زهرةطيبة]

الأخت العزيزة ...جروح نازفة .....انا أنصحك بأخذ الأمور بتروي طالما انتي طول السنة بعيدة عن أهل زوجك ليه ماتوصلتي لحل مع زوجك في هذه المشكلة ..لازم تتخذي قرار حاسم في الموضوع قبل ماتروحي وتحطي زوجك في الصورة يعني توضحي له انك انت ضيفة ولما تقومي ببعض الشغل مع اهله فهذا لطيب اصلك وتربيتك ...وأم زوجك ست كبيرة اتحمليها معليش ..حتى من باب احترام الكبير لكن اخواته انا افضل انك تبتعدي عنهم يعني لا تطولي في الجلسة معاهم . لو أنا منك طالما لي غرفة خاصة أخذ معاي كتاب وانشغل فيه أحسن ...والله يعينك على اهل زوجك ..وادعو لي كلكم والله اني أعاني من أم زوجي وأخواته ولكن الشكوى لله ......

[ام مـــــــالك]

أختي الغالية كان قدامك وقت طويييل عشان تتفقي مع زوجك بودية على حل شرط إنك تكسبيه وماتنرفزيه عشان يصير بصفك

انتي لسا فبداية حياتك عشان كذا لازم تغيري صورتك قدامهم

لازم يعرفون إنك * شخصية مستقلة * انك محبوبة ومحترمة من زوجك

* إنك واثقة من نفسك لانهم إذا شافوك مالك قيمة عند زوجك ومو واثقة من نفسك بيتمادون

تصرفي معهم ببروووود لايهزونك أو ينزعون ثقتك بنفسك حسسيهم انو مهما صار إنت أنسانة مترفعة عن هالامور التافهه( حتى لو تغلين من جوا)

لاتسوين إلا شي إنتي مقتنعة فيه , وإنتبهي تغلطين على أمه أو أبوه تحمليهم

لكن خواته (إسفهيهن)!!!! تأكدي إن أكثر مشاكلهن سببها الغيرة وهذا شي يعني إنك ناجحة وأفضل.

لكن قد ماتقدرين لاتقولين شي أو تسوين شي ممكن تندمي عليه

إسألي الله أن يسخرهم لك ويلهمك الصبر, , الصبر,, الصبر

وترى المسألة كلها أيااام وتعدي ..

كان الله في عونك وسخر لي ولك أزواجنا وأهاليهم

أختي أنين الروح.. توكلي على الله وخلك رسمييييييييييييييييييييييييييييية جدا معاهم وافرضي إحترامك بأخلاقك ولاتقولين أخلي البساط أحمدي!!! بعدين ينقلب عليك....*)

[أم التؤامين]

ماأدري أيش أقولك غيرالله يعينك ويسرلك أمورك..............

[ام افنان]

الله يفرج همك

ما راح اقول شي عن المعامله لان الاخوات كفوا ووفوا

لكن الامر اللي اقوله هو

تصدقي كثيرررر هذه الايام بنية دفع الشر عنك وعن بيتك وان الله يسخرهم لك

اكثري من الدعاء والحي على الله ان يسخرهم لك ويكفيك شرهم بما شاء

قولي اللهم اني اجعلك في نحورهم واعوذ بك من شرورهم

اقرئي القران فهو يسليك ويصبرك باذن الله

واهم حاجه لا تنطقي بكلمه مهي زينه مهما قالوا خلي موقفك هو الاقوى ..حتى وان كان زوجك ضعيف لكنه يرى ويعرف كل شيء لكنهم اهله ومستحيل يقول اهي غلطوا

حاولي التفاهم مع زوجك قبل السفر ..او اطلي منه عدم الذهاب اذا تستطيعين

وتذكري ان اكثر الخلق مثل حالتك واردى منك بعد..وكل عنده خيررررررر

الله معك

[Nawarh]

الله يعينك

[جروح نازفه]

مشكورين لكل الاخوات بدون استثناء انا والحمد لله احترم عمتي وعمي وحاطتهم فوق راسي لانهم كبار في السن واغلب وقتي عندهم والبنات مااجلس عندهم نهائي لانهم يقفلون باب الصاله يعني مايبوني ادخل عندهم واللي مايبيني انا بعد ماابيه انا ماحب افرض نفسي عليهم الحين لاسلام ولا كلام وانا مااحب المشاكل ووجع الراس واقول دايم في نفسي ان الله يمهل ولايهمل الحين هن يتكلموا من وراي مو قدامي يعني وانا في غرفتي اسمع وابل من الكلمات البذيئه والفاحشه ماتليق ابد ببنات الجامعه واذا طلعت عندهم يسكتون وانا لو يتكلموا قدامي اعرف ارد لاني اكره قلة الادب والحمد لله العيد عدى على خييير والله يعين كل متزوجه ع اهل زوجها وان شاء الله ربي يفرج همي ويبدل مكانه فرح قولوا امييييين

[ام افنان]

الحمد لله على السلامه

والله يعينا وياااااك وكل مهموم والله يهدي الجميع

والحمد لله انه عدى الامر على خير

والمهم هو ام وابو زوجك واخواته ما عليك منهم دام هذا حالهم

وفقك الله

[المهرة@المهرة]

نصيحه من اخت لك انسيهم من بالك اهم شي .ركزى على علاقتك بزوجك اكسبيه بالطيب ولاتشتكينهم قدامه وقومي بواجباته على اكمل وجه وادعى الله يسخره لك ولولدك .اه ثم اه ثم اه ثم اه اسأليني عن الزوج واهل الزوج والله عانيت من الغيره والحسد في كل شى لاكن الله المستعان .والحمد لله الان كسبته انا وما يشوف غيرى ؛وانتى عارفه ان سبب مشاكلهم معك الغيره يعنى عندك الي مو عندهم وعلى هالاساس عاملى خواته ولاتسمحين لهم يغلطون عليك .اما امه وابوه اغليهم من غلاته واعتبريهم والدينك والله بيشكرلك هالتقدير وحبك يكبر بقلبه .وبالنسبه لولدك صارت معي كثير وتفاهمت مع زوجي انه مايتدخلون بعيالي "اسفه على الاطاله حكيت قصه حياتي ههههههههههههههههههه" لكن فتحتى لى جروح الله المستعان.ارجومن الله يسخرهم لنا اميييييييييين.

[احلى شهوده]

اهلا اختي العزيزه جروح نازفه والله اني حاسه فيكي بس اختي انتي تقدرين تجلسين مع زوجك وتفهمينه انك ما ترتاحين لزيارتك لاهله اسبوعين قولي له يقلل المده وحاولي حبيبتي انك تتصبرين عشان زوجك ترى الزوج يعز زوجته كثيرلوعاملت اهله احسن من معاملتهم لها وحنا في هالدنيا موماخدين شي معنا فتحملي اختي وتراها في ميزان اعمالك وبذات امه تحمليها اختي والله يفرج عنك

[بسمات المدينة]

https://forum.hawahome.com/clientscript/ckeplugins/picwah/images/extra11.gif