عندك مشكلة مع زوجك مضايقة أو حاسة بفتور وتبي المساعدة؟؟؟

[أم بطي]

حبايبي حبيت أطرح موضوع طرى ع بالي من فترة بس ترددت والحين قررت إني أعرضة يمكن نطلع منة بفايدة


طبعا كل متزوجة تمر بأيام رووووووووووووووعة وكلها سعادة وحب وحاسة الناس بتاكلها من الحسد ولا أفلام السيما بس في أيام بعد تكون الدنيا سوووووووووودة جدامك من المشاكل والضيق والملل وأنا متأكدة إن الحياة الزوجية ما تخلو من هالأمرين وكل متزوجة فاهمة..


المهم....خلنا ندخل في الموضوع أبي من كل إخت لي في المنتدى عندها مشكلة أو مضايقة أو حصل سوء تفاهم مع شريك حياتها وما تعرف شو تسوي تحاورنا يمكن نقدر نساعدها بنصيحة أو نغير لها وجهة نضرها إذا خاطئة وترى مب عيب أن الوحدة تبحث عن حل لمشكلتها بس المشكلة في اللي تتسرع وتخرب الدنيا وهي معصبة وعقب تندم يوم تهدى....

وعندي مقولة من أبوي كان دايما يقولي : (((لا تاخذي أي قرار وإنتي معصبة)))

[سينا]

الله يعطي الوالد الف صحة على لسانه ......... وماقصر طويل العمر,,,,,,,,,,,,, وياريت كل زوجة تتفاهم مع زوجها حتى تتفادى اى مشكلة بينهما ,,,, والمقبلات على الزواج التفكير الف مرة قبل الزواج من شريكها الذي يريدها زوجة ... في وجهات النظر وكل امورالحياة الكبيرة بل وحتى اتفه الامور الصغيرة.... الله يجزيك الخير ياختاه ام بطى

[أم بطي]

مشكورة عزيزتي سينا على حروفك العطرة وأتمنى للكل الفايدة والمشكلة إن العالم صار وايد منفتح يعني مب مثل قبل والبنت تقدر تعرف معلومات عن شريك حياتها قبل الملكة أو في الخطبة بس مع هذا بعد العرس تطلع المشاكل

[*منار الهدى*]

ام بطي موضوعك رائع بارك الله فيك

[ريم الإمارات]

لا تاخذي أي قرار وإنتي معصبة


كانت عادتي قبل الزواج للأسف ..



بس الحين صرت احسب حسابي قبل لا أطلع الكلمه مية ألف مره ....



وأتمنى ربي يعيني على ذلك ....



شكرا أم بطي ....

[تناهيد@]

تسلمين ياام بطي موضوع جدا حساس ويستحق المناقشه يعطيج العافيه بالنسبه لي غيرتي الزايده عازوجي هيه اللي بتينني مع اني عاقدر كبير من الجمال والدين والاخلاق وسنعه فكل شي الا غيرتي المفرطه اللي مااقدر اسيطر عانفسي فيها دوم يقولي مافيج عيب الا عيب الغيره الحمدالله ماحد كمل غيره سبحانه

[راجية الرحمة]

السلام عليكم -روت لي إحدى صويحباتي أنها لاتنام مع زوجها بناء على رغبته فهو حساس في نومه -وكذلك تتهرب منه ولاتشعر مطلقا برغبة وشوق إليه رغم أنه مستقيم -ولاتمانع في أن تبقى ولو شهر بدون جماع وهي عل مشارف الأربعين -بماذا أنصحها وهل فيه أطعمة تنشط وهل التوتر والقلق المستمر يضعف الرغبة-وشكرا

[عبير الورد 123]

ام بطي موضوعك رائع بارك الله فيك

[حرم تركي]

http://www.hawahome.com/vb/nupload/37636_1202924779.gif

[ام هاجر1]

«®°·.¸.•°°·.¸¸.•°°·.¸.•°®»بارك الله فيكي اختي ام بطي موضوع يستحق المناقشه لان مافي احد معصوم من الخطاءواكيد مافي حيات زوجيه تخلو من المشاكل مهما كانت بسيطه«®°·.¸.•°°·.¸¸.•°°·.¸.•°®»

[أم بطي]

تسلمين ياام بطي موضوع جدا حساس ويستحق المناقشه يعطيج العافيه بالنسبه لي غيرتي الزايده عازوجي هيه اللي بتينني مع اني عاقدر كبير من الجمال والدين والاخلاق وسنعه فكل شي الا غيرتي المفرطه اللي مااقدر اسيطر عانفسي فيها دوم يقولي مافيج عيب الا عيب الغيره الحمدالله ماحد كمل غيره سبحانه

كلنا نفس الشي عزيزتي تناهيد نغار من أتفه الأمور وهذا يعكس شي في داخلنا بصورة غير مباشرة وهي عدم الثقة ويمكن تكوني واثقة في ريلج بس ثقتج باللي برع مهزوزة أو العكس ويمكن ثقتنا بأنفسنا هي اللي مهزوزة بس بما أننا نعرف إن هذا الشي يضايقهم ونحن دووووووم نحاول نسوي كل اللي يرضيهم ويعجبهم لازم نحاول إنا نتخلص من هذا المرض النفسي عشانهم وعشان نسعدهم.....


وأنا ما حبيت المشاركة في طرح النصيحة تكون من طرف واحد(في إيجاد حل للموضوع) حبيت الكل يتساعد معانا عشان نستفيد أكثر من الأفكار والحلول اللي بتكون متنوعه وأتمنى الكل يكون متجاوب معانا...

وشكرا

[أم بطي]

كانت عادتي قبل الزواج للأسف ..



بس الحين صرت احسب حسابي قبل لا أطلع الكلمه مية ألف مره ....



وأتمنى ربي يعيني على ذلك ....



شكرا أم بطي ....


عزيزتي ريم الأمارات ليش بالذات قبل العرس إنتي الحين محتاجة الشي هذا إكثر من قبل عشان تتفادين المشاكل الزوجية ولازم تتجنبين النقاش إذا إنتي معصبة أو هو وإسكتي ليييييين تهدون وردو إتناقشو عشان أفكاركم تكون خالية من أي تحيز أو تعسف أو تسرع وتكون جدا وااااااقعية ومرضية ويوم تكوني هادية في مجال تتغاضين عن أشياء أو تراعين وتقدرين الطرف الأخر وهو يتكلم بس وقت الغضب ماتشوفين غير الدنيا حمرا وتشعل في ويهج وأتمنى لج كل التوفيق ............

أتمنى من الكل المشاركة في تقديم النصائح لحبايبنا وأخواتنا في المنتدى وجدا حلو النقاش والحوار في هالمواضيع

[أم بطي]

السلام عليكم -روت لي إحدى صويحباتي أنها لاتنام مع زوجها بناء على رغبته فهو حساس في نومه -وكذلك تتهرب منه ولاتشعر مطلقا برغبة وشوق إليه رغم أنه مستقيم -ولاتمانع في أن تبقى ولو شهر بدون جماع وهي عل مشارف الأربعين -بماذا أنصحها وهل فيه أطعمة تنشط وهل التوتر والقلق المستمر يضعف الرغبة-وشكرا

أتمنى من الله إنه يسهل لها أمورها مع زوجها وأنا كمجرد رأي أفضل أعرف إذا عندها عيال ؟؟ لأن في أزواج مايحبون الحشره وما يتحمل صياحهم وصراخهم ويمكن نص نومته يقوم يبكي والأب يقوم يعصب فالأحسن إنها تنومهم بدري وقبل وقت نومة وإذا ما عندها عيال هنية المشكلة لأنها لاااااااازم تعرف منه شوووووو السبب الرئيسي إنه ما يتقبل ينام وياها في نفس الغرفة عشان تعرف تحل المشكلة صح وليش سمحت من البداية إنة يتعود على كذا كان لازم تناقشة وتسايسة إنة مايصير كيف بعد الزواج اللي مفروض يجمعهم يحاول هو إنة يفصلها عنة وتكون بطريقة جداااااا سلسة وهادية وبدون توتر وصياح لأن هذاي أحد الأمور اللي تعقد المسائل أكثر وتقول أنا ما رتحت البارحة لأني بعيدة عنك أو أخاف بروحي أو أريد أحس بوجودك عندي وشي طبيعي تقل رغبتها وشوقها له دامهم بالطريقة هذي عايشين ولازم تبين له هالنقطة بالذات يمكن يتأثر وأتمنى من خواتي يشاركونا بالنصيحة لأنها جداااااااحساسة

[حبيبة السعوديه]

الله يجعله في موازين حسناتك

[أم بطي]

مشكورات خواتي على مروركم وردودكم والأدعية ...
منار الهدى
وأم غرام
وحرم تركي
وأم هاجر
وأخيرا حبيبتي حبيبة السعودية....وبالتوفيق

[ام البناي]

موضوع رائع ،، شكرا لك اخيتي ام بطي

[ام مودى حبيبى]

مساء الخير حبيباتى واخواتى العضوات
اولا الموضوع جدا رائع وجزاك الله الف خير اختى
ام بطى الله يوفقك دايما وربى يجعله فى ميزان حسناتك
ثانيا عندى صديقه متزوجه من سنتين وعندها طفل واحد
عمره الحين 5 شهور ودائما تصير
بينها وبين زوجها مشاكل وما تعرف الطريقه الصحيحه لحل هالمشاكل
والمشكله اللى تعانى منها زوجها يداوم من الصبح ويرجع الساعه 5 العصر و
على طول ينام ويقوم بليل ويطلع يسهر مع اصدقائه ويتركها بالبيت بحجه
ان ابنها صغير واذا حاولت تتناقش معاه ما يعطيها مجال
ودائما يغير الموضوع ودائما ساكت واهى تتكلم والدموع بعينها
وهو ما يعطيها وجه ابدا ودائما تقولى ان ما بينهم اى وسيله
اتصال كله ساكت او نايم او طالع
شو الحل

[أم بطي]

حبيبتي أم مودى

أشكرج على إهتمامج لحل مشكلة صديقتج وأتمنى إنها فعلا تنحل مع إن المشكلة إنها ساكتة من سنتين وخلتة يتعود طول هالفترة على هالوضع وهذا مب معناه إنها ما تقدر توصل وياه لحل بس هذا يعتمد على صبرها وذكائها لأنه يبااااااااالها وقت ....
وأنا أنصحها أول شي إنها تلجأ لأيجاد مجال في إنها تاخذ من وقته في البداية لو شوي بالكلام يعني تفتح له سوالف عشان تاخذ رأية فيها أو مواقف مضحكة وطريفة صارت معاها أو تحاول في يوم تكسر الروتين اليومي اللي هو فية وترتب عمرها وتجهز نفسها وهو نايم وتكون في أبهى حله وتقولة بطريقة حلوة وهادية إنها اليوم ناوية تعزمة برع على حسابها عشان تغير جو معاه لأنها مشتاقة لهذا الشي وتقرب تهمس في إذنة إنها تبي تكون الليله غير عن أي ليلة من قبل .....

وغيرها من المواقف ونحن الحريم مخنا مااااافي أحسن عنة في هالأمور

والمغزى من كل هذا إنها بالطرق هذي تكون تاخذ من وقتة بدون ما يشعر وكل مرة تجهز فكرة أحلى لين ما تحس إنها تمكنت منة وصار ما يستغنى عنها وفي هالفترة تحاول تجنب أي خلاف معااااه أو مشكلة لأن كل تعبها بيروح هدر وأنا أدري إنها يمكن تواجه صعوبة في البداية أو فشل بس لازم ما تيأس والأهم الصلاه والدعاء فيها إن ربي يجمع بينهم ويلين قلب زوجها عليها وفي أدعية في المنتدى للأزواج جدا راااائعة إطبعيها لها ولك الأجر إنشالله....


وقوليلها إنها تستغل أي دقيقة يمكن زوجها يكون موجود فيها و واعي حت يوم يرجع من برع تكون في أتم إستعداد إنها تكسب الوقت وتحسسة بوجودها وما تسمح لة ينساها بالتدريج بس بدون صراخ ومشاكل وتعتبرة تحدي بينها وبين نفسها وبعدين إذا حست إن كل المحاولات فشلت تبدئ بالدموع تراها سلاحنا القوي وإذا كان زوجها حساس حلو يعني تقدر تلعب بمشاعره وتجذبه صوبها بدون تعب وتحسسة إنها محتاجة لة عندها وإنها تحس بالملل والفتور والحزن والألم لحظة غيابه عنهم...
وإنها تحس إن حياته ما بين شغلة وأصدقائة وإنها في الهامش بس أرجع وأقول كلة يعتمد عل طريقتها وإسلوبها في التحدث وعرض الموضوع والأهم ذكائها....

ويمكن ترسلة باقة ورد الدوام وعليها بطاقة فيها كلام شوق و ولة وحب ... أو يوم يقوم من النوم تكون مجهزة شموع وعشى في البيت وجو رومنسي وهدية بسيطة وتكون هية ولا أروع قدامه ويمكن بكثرة المحاولات يبدى يجلس معاها ويخفف الطلعات بالتدريج....


والله الموفق

[ام مودى حبيبى]

تسلمى حبيبتى ومشكووووره والله كلامك درر وحكم
وان شالله اوصللها هالكلام بالحرف وان شالله يفيد معاه
لانها تعبت من محاولاتها انها تشغله وهو ماعنده ابدا اهتمام
حتى اذا تبغيه يصلح شى بالبيت يقولها مب فاضى
او مو وقته الحين بس عسى انه يتغير لان صديقتى عن جد
طيبه وبنت حلال
ومشكوره ربى يوفقك دوم

تقبلى تحياتى ام مودى وفواطم

[ام اسحار]

فكرة روعة انا فية المشكلة مش في زوجي وهية اني بحب زوجي دايما يضل معي وما يبعد عني وبتدايك اكتير ازا انشغل عني كم ساعة بدون ما يتصل يطمني عنو،بس ان شاء الله بتخلص من هالعادة الي سببها اني بحب زوجي موت

[أم بطي]

بالعكس يا عزيزتي ام اسحار إنتي بالطريقة هذي تخلية يمل بسرعة منج وما تعطية فرصة يشعر بالإشتياق تجاهج والولة ولازم شوي تخفي علية وحلو إنج تحسسية أنك قلقة علية ولازم هو بدورة يطمنك بمكالمة بس أبدا لا تستمري على هالوضع لأن نحن الحريم ناخذ وقت في تغير مشاعرنا وأحاسيسنا بس الرجال لا بسرعة يتغيرون ((يعني الرجل بسرعة يمل من الجلوس مع زوجتة طول العمر في حال إن هذي نعمة بالنسبة للزوجة وخص لو زوجها فنان وما يتعب والرجل بطبعه يحب التغير وأنا كنت مثلك يا عزيزتي بس الحين تغيرت والحمدالله ))


وبالتوفيق

[هبه محمد رضا]

رائع بجد الموضوه بس بجد انا بقيت عصبيه جدا بعد الزواج ومش بعرف اتنحكم في عصبيتي

[omhosam]

الله جابك يام بطي بوقتك اقولك مشكلتي واتمنى من كل من يساعدني يوضح لي كل شئ لان زوجي لايقتنع بكلام من غير دليل من الكتاب والسنه وقالي اذا الموضوع غيره عليا غيرتك مهي في مكانها ادخل في الموضوع واقول حبيبتي زوجي يرغب في اخذ الزماله البريطانيه في الجراحه وحضر المسؤل عن هذا البرنامج ومعه بعض طلابه ومن ضمن الطلاب امراة مع زوجها واراد زوجي ان يعزم هذا المسؤل الى غداء في مطعم وقال لي اريد ان تحضر المراة مع زوجها وجميع الطلاب للغداء فاعترضت على وجود امراة معهم على طاوله واحدة فقال لي هذا اجتماع عمل فقلت له اجتماع العمل داخل العمل وليس في مطعم فقال لي انت عقبة في طريقي وانت حاقدة ولاتحبين لي الخير بالرغم انا من شجعه على اكمال دراسته واجهز له النوتات والاختصارات حتى تسهل عليه المذاكره وتحدثت مع شيخ في الحرم وقل لا يجوز ان يجلس مع امراة اجنبيه حتى لو زوجها معه انصحيه لعله يهتدي وعندما اخبرته انه لايجوز ذلك قال لي والله صايره تفتي قلت له شيخ في الحرم قال كذا قال عطيني رقمه واذا اعطاني دليل نصي انا اقتنع والله لاجادله واذا اقتنعت خلاص وقال لي انا ماحتاج وقفتك جنبي ولا مساعدتي وذحين انا قلت مالي صلاح واسكت ورجع كلمني كلمته عادي بس قلبي شايل عليه والله حتى وجهه مابغى اشوفه واعطيه كل طلباته وامس طلب مني اعمله بقية النوتات لاكن والله ماني قادره اقوله طيب قللي مايحتاج مساعدتي ولا وقفتي جنبه وانا حاقدة مع العلم اني احبة واموت فية رغم انة جرحني اكثر من مره الحمدلله انا ارتحت شوية ذحين احس اني فضفضت شويه ماقدر اطلع المشاكل لاهلي اواهله جزاكي الله الف خير على الموضوع الرائع واستنى ردودكم والله على ماقول شهيد

[روحي تحبكـ]

الله يجزاك بالجنه أختي ام بطي


والله انك جيتي على الوتر الحسااس


ان مشكلتي زوجي طيب وحبوب ... بس عيبه شيء واحد انا يمل من الشيء اذا صار روتين


مثلا اذا دلعته وصلحت له أصناف متعدده من الأكل يمل يقول لا تسوي كذا على طول واذا ماصلحت له شيء الا بسيط


يقوم الدنيا ويقعده بالله شسوي


وأنا أعمله اللحين برود في كل شيء


واللحين مجنني يقول انتي ماتهتمي فيني ،)،


والمشكله الثانيه احنا ساكنين عند أهله في عماره واحده بس نحنا بشقه

ايش يسوي اول مايجي من الدوام يتغدا بعدين ينام,,, ولما يصح العصر يصلي بعد الصلاه يرجع يتقهوى معي


بعدين ينزل عند أهله ومايجيني الا الساعه 11,30 ويجلس على النت لين الساعه 1,00

ومايسولف معي وعلى هالحال انا طفشت والله طفشت ـ2

وطلبت اني أروح عند أهلي كم يوم أغير جو يعني ماصدق قال روحي ولا تجي الا يوم الجمعه

وانا صراحه مليت دايما جالسه لحالي *)

حلي لي مشكلتي وايش تنصحيني فيه


الله يسعدك ويهنيك



أرق تحيه:rroo:

[تناهيد@]

مشكوره حبيبتي ام بطي عالاهتمام والرد مثل ماقالو الاخوات كلامج درر يزااج الله الف خير
واحب ارد على om hosam اختي الغاليه تصرفج طبيعي واي انسانه اتحب زوجها شي اكيد بتغار عليه والحلال بين والحرام بين يااختي بس امبين ان زوجك متحمس وايد فحاولي انج اتكونين وياه فكل خطوه و تسديله النصايح باسلوب رقيق ولاتخلينه ياخذ فكره بانج عقبه نفس مايقول انصحيه بحب وهدوؤ واحذري اتقوليله انا اجهزلك نوتاتك والاختصارات وسويتلك وسويتلك وانته قلتلي اني عقبه وتعيدين فكلامه وتزيدين لا خليه هوه يذكر محاسنج ويحاسب نفسه بنفسه انتي عليج تنصحينه بالحسنى واذا ماحب ياخذ بنصيحتك لاتقومين الدنيا وتقعدينها لانج ابها الاسلوب بطفشينه وبتخلنه يصدق ظنونه فيج حاولي اتسايسينه وتمدحينه وتثنين عليه ترى الرياييل معدن واحد مايجون بالهوشه والنجره بالعكس الايصرون عالشي ويعاندون والحي على الله له بالهدايه والزمي الاستغفار

[ميري 2008]

أهم ما في الامر ان اللي تبي تحل المشكلة تراعي نفسية الطرف الاخر حتى لا يكون هناك ظلم لانشعر بوجودة لان بعض النساء ترى انها مظلومة بينما هي الظالمة دون ان تشعر بذلك

[mnarat]

سعدت وجزيت خيرا اخيتي انا مشكلتي اننى اعمل في مجال مختلط ويعمل معي زوجي في نفس المكان المحترم وانا محجبة و ملتزمة إن شاء الله وزوجي رجل محترم ومرح و ظريف يعامل النساء بكل لطف وابتسامات اما انا فلا ارى منه إلا الصوت العالى والخناق في الكبيرة و الصغيرة وانا صابرة عليه لكني اخشى من فيض الكيل اصبحت عصبية على اولادي وهم ما شاء الله رجال وسيطر على الشك فيه ينام حين اصحو و يصحو حين انام دائما ابحث في جواله و بريده و بدا الشك يوم وجدت في بريده الالكتروني رسائل من و الى اجنبيات وانا احاول دائما عمل ما يرضيه حتى ولم ارضى عنه طالما ذلك لا يغضب الله و لكن لا فائدة اوقات خصامنا اضعاف اضعاف اضعاف سكينتنا دائما ادعو الله ان يهديه لي هو و اولادي فنا اعيش في وحدة لا استطيع ان اشكوه إلا لله ادعوا لي ربنا يصرف عنا الهم والعينالتى اصابتنا

[أم بطي]

رائع بجد الموضوه بس بجد انا بقيت عصبيه جدا بعد الزواج ومش بعرف اتنحكم في عصبيتي

هبة نحن بنتفاهم زي ما إتفقنا عالخاص

[أم بطي]

الله جابك يام بطي بوقتك اقولك مشكلتي واتمنى من كل من يساعدني يوضح لي كل شئ لان زوجي لايقتنع بكلام من غير دليل من الكتاب والسنه وقالي اذا الموضوع غيره عليا غيرتك مهي في مكانها ادخل في الموضوع واقول حبيبتي زوجي يرغب في اخذ الزماله البريطانيه في الجراحه وحضر المسؤل عن هذا البرنامج ومعه بعض طلابه ومن ضمن الطلاب امراة مع زوجها واراد زوجي ان يعزم هذا المسؤل الى غداء في مطعم وقال لي اريد ان تحضر المراة مع زوجها وجميع الطلاب للغداء فاعترضت على وجود امراة معهم على طاوله واحدة فقال لي هذا اجتماع عمل فقلت له اجتماع العمل داخل العمل وليس في مطعم فقال لي انت عقبة في طريقي وانت حاقدة ولاتحبين لي الخير بالرغم انا من شجعه على اكمال دراسته واجهز له النوتات والاختصارات حتى تسهل عليه المذاكره وتحدثت مع شيخ في الحرم وقل لا يجوز ان يجلس مع امراة اجنبيه حتى لو زوجها معه انصحيه لعله يهتدي وعندما اخبرته انه لايجوز ذلك قال لي والله صايره تفتي قلت له شيخ في الحرم قال كذا قال عطيني رقمه واذا اعطاني دليل نصي انا اقتنع والله لاجادله واذا اقتنعت خلاص وقال لي انا ماحتاج وقفتك جنبي ولا مساعدتي وذحين انا قلت مالي صلاح واسكت ورجع كلمني كلمته عادي بس قلبي شايل عليه والله حتى وجهه مابغى اشوفه واعطيه كل طلباته وامس طلب مني اعمله بقية النوتات لاكن والله ماني قادره اقوله طيب قللي مايحتاج مساعدتي ولا وقفتي جنبه وانا حاقدة مع العلم اني احبة واموت فية رغم انة جرحني اكثر من مره الحمدلله انا ارتحت شوية ذحين احس اني فضفضت شويه ماقدر اطلع المشاكل لاهلي اواهله جزاكي الله الف خير على الموضوع الرائع واستنى ردودكم والله على ماقول شهيد



يالغالية خلي إيمانك بالله قوي وإنتي سويتي اللي عليك وما عليكي قصور والمشكلة عند زوجك الله يهدية بس إذا في مجال حاولي تناقشية بس إختاري وقت مناسب يكون فية راااااايق عالأخير وحاولي تفتحي الموضوع معاه بس بصورة مب مباشرة يعني كأنك مش قاصدة تفتحي الموضوع ومخططة لة من قبل وحااااافضي على هدوء أعصابك وناقشية بطريقة عقلانية لأني حسيت من كلامك إن زوجك ما يمشي علية موضوع لين ما يكون مقتنع فية يعني لازم أدلة أو أمثلة تأكد الكلام اللي إنتي تقولية مثلا: ((قوليلة الحين إنتو بتكونوا في إجتماع عمل وشغل وهي حرمة وجلستها مالها أي معنى أو فايدة وإنتة الحمدالله من الله عليك بنعمة الإسلام وما ودي أشرح لك بس إنتة فاهم إنة حرام وما تحتاج تسأل شيخ وخلنا من هالنقطة إذا عذرك إن ما في نص شرعي شو عن مشاعري وإحاسيسي بالسهولة هذي طنشها وترميها ورى ظهرك والأمر إن هذا كلة عشان وحدة ما تستاهل نزعل من بعض عشان وجودها اللي مالة معنىوهل ترضى تتحاسب يوم القيامة عشان غدى فية وحدة )) ولا تنسي الغالية تشلي من باله الفكرة اللي حطها عنك إنك حاقدة وما تحبين لة الخير بالرد :((إنك مستحيل تفكري بالطريقة هذي وكيف تضرين أقرب الناس لك وإنتي مستعدة تسوين لة كل اللي يباة ومستعدة توقفين معاااه لأخر العمر وما عندك مشكلة في الإجتماع نفسة بس بوجود وحدة هنا المشكلة )) وإنتبهي تقولي لة إنك تكتبي عنة النوتات وغيرة عشان ما يحس إنك تعايرية وذلية ويمكن ما يطلب منك بعدها أي مساعدة..

وبعدين يا الغالية أنا معاكي إنة ما يجوز بس ما أظن إن زوجك نيتة شينة لأنة عطاكي فكرة وصارحك بالموضوع بس تخافي أكثر لو كان زوجك مغطي على الموضوع وفي نفس الوقت الحذر واجب لأن الشيطان حريص... وإذا يأستي من كل هذي المحاولات تبقى عندك آخر ورقة تلعبيها وهي إنج تحطية في الصورة اللي إنتي فيها يعني بكل بساطة قولي لة:: تخيل إن في عندي إجتماع عمل مع حريم وفي وحدة أجنبية وزوجها دوم يحظر إجتماعاتها هل بتسمح لي أحظر الإجتماع؟؟؟ وشو موقفك من كون رجال غريب يجلس بحظوري ؟؟؟ وشو العمل الناجح اللي يستاهل غضب وعصيان الله ؟؟؟

والأهم يا الغالية الطريقة اللي تتكلمين فيها وأسلوبك لأن نحن عندنا المشكلة الأساسية في طريقة طرح الموضوع وحل المشكلة مب في الكلام اللي نقولة لأن كلنا ما شاءالله علينا كل وحدة أحسن عن الثانية وحاااااااااااولي تحافظوا على هدوءكم يعني في حالة عصب وضايق لا تكملين للخطوة الثانية لين تحاولي تمتصي غضبة وتهدية وبعدين كملي الموضوع لأن زوجك إذا هدئ بيقدر يسمعك بعقلانية وبوضوح بدون ما يكون متحيز لرائية ...

وبالتوفيق

وأتمنى من الأخوات المشاركة في إعطائك بعض الحلو ل

[أم بطي]

الله يجزاك بالجنه أختي ام بطي


والله انك جيتي على الوتر الحسااس


ان مشكلتي زوجي طيب وحبوب ... بس عيبه شيء واحد انا يمل من الشيء اذا صار روتين


مثلا اذا دلعته وصلحت له أصناف متعدده من الأكل يمل يقول لا تسوي كذا على طول واذا ماصلحت له شيء الا بسيط


يقوم الدنيا ويقعده بالله شسوي


وأنا أعمله اللحين برود في كل شيء


واللحين مجنني يقول انتي ماتهتمي فيني ،)،


والمشكله الثانيه احنا ساكنين عند أهله في عماره واحده بس نحنا بشقه

ايش يسوي اول مايجي من الدوام يتغدا بعدين ينام,,, ولما يصح العصر يصلي بعد الصلاه يرجع يتقهوى معي


بعدين ينزل عند أهله ومايجيني الا الساعه 11,30 ويجلس على النت لين الساعه 1,00

ومايسولف معي وعلى هالحال انا طفشت والله طفشت ـ2

وطلبت اني أروح عند أهلي كم يوم أغير جو يعني ماصدق قال روحي ولا تجي الا يوم الجمعه

وانا صراحه مليت دايما جالسه لحالي *)

حلي لي مشكلتي وايش تنصحيني فيه


الله يسعدك ويهنيك



أرق تحيه:rroo:



حبيبتي منو منا ما يمل من الروتين المتكرر نحن بشر وهذا شي طبيعي وبعدين في ناس من كثر الراحة والدلع اللي هي فية تقوم تذمر ومايعجبها أي شي يعني يمكن زوجك طبعه كذا وهو ما يقصد يزعلك بس تطلع منة بعفوية وحاولي تغيرين الشي هذا :: ((مثلا قولي لة إنا أحبك وحاول كل مرة أسوي لك اللي يرضيك ويعجبك من مأكولات بس مع هذا ما أحس إني قدرت أسعدك وأحس إنك أحيانا تشتهي تا كل شي أنا ما فكرت أطبخة لك في نفس اليوم وعشان كذا قررت إني أسألك عن اللي تحب تاكلة قبل لا أسوي أي شي عشان تكون راضي عني ومرتاح معاي لأن هذا هو المهم عندي بس كنت أتمنى أسمع منك كلمة حلوة أو تعليق على طبخي إذا عجبك عشان ما تكون وقفتي وتعبي طول الوقت ما لة فايدة وتكفيني منك كلمة وحدة عشان أحس إن اللي أسوية يعجبك))

والمشكلة الثانية..

أنا اللي فهمتة من كلامك إن زوجك بيتوتي وطيب وحبوب يعني في أمل فية وقولي الحمدالله لأن في بنات يتمنون يجلس دقيقة معاها..المهم وكونة يحب يجلس عندك في البيت بس يلتهي بشي ثاني عنك وإنتي زوجتة يهملك أكيد في شي غلط بس مش فية هالمرة فيكي إنتي يعني الزواج مب كلة طبخ وتغير في أصناف المأكولات وتنظيف البيت وبس لأ لاتنسين إن الرجل يحب الأشياء الثانية (وإنتي فاهمة) يعني يمكن ينقصك عنصر الإثارة وما تحاولين تلهينة وتغرية بلبسك وشكلك ولا ليش بيخليكي وبيجلس يقابل الكمبيوتر مع إنك عندة في البيت لأزم تعرفين وين المشكلة عندك وتحلينها وحسيت من كلامك يالغالية إن زوجك متجدد يعني يمل ويتعب من الشي إذا صار روتيني يعني لأزم كل مرة تكوني إنتي متجددة وتتغيرين في مظهرك والروائح الجذابة ولا تنسين في حركات في منتدانا رومنسية رووووووعة للمتزوجات خطفي عليه وخذي الأفكار اللي تعجبك وفاجئية خلي حياتكم تطلع من الفتور هذا اللي هية فية وترى كل هذا بيدك إنتي. إنتي اللي تخلي الحياة حلوة ولا مملة لأن نحن بيدنا كل شي إذا نبي طبعا...وفي ألعاب زوجية في المنتدى بعد حلوة وبتاخذكم لعالم الرومانسية بكل سهولة إشتري وحاولي يوم تقولية بسك من الكمبيوتر اللي بيضر عيونك وتعال بس شوي بنلعب لعبة مرررررة ما بتندم لو جربتها وجيبيها كتحدي لأن الرجال ما يحبون حد يتحداهم وفكري حبيبتي إجلسي وحاسبي نفسك شو الشي اللي إنتي مقصرة في فعلا وما سويتية أو أهملتية وعلى طول غيري ...

شوفي العصر لأنك قلتي يصحا من النوم ويجلس عندك يشرب شي حاولي تحسسية إنك مضايقة من شي بحيث تخلية يسألك عن سبب زعلك.. نادية بإسمة عشان يكون مركز معك أكثر وقوليلة يا (فلان) أنا مرتاااااحة معاك جدا وعمرك ما قصرت علي بشي وإبدي طلعي كل الجوانب الإجابية اللي في ليييين ينتفخ وحسسية إنك تقدرين وتثمنين كل عمل يقوم فية لأجلك وبعدين قوليلة أنا مقصرة معاك بشي ؟؟؟ أو إنتة مب مرتاح معاي؟؟؟ وأنا متأكدة بيقول :لأ
وإسألية عن أي عيب فيج هو ما يحبة أو سلوك وقوليلة عاااادي ما بزعل وأبي تكلمني بكل صراحة لأن ما في إنسان كامل وانا أريد أتغير عشانك بس عشانك للأحسن عشان أسعدك؟؟؟
((بس إنتبهي تنفعلي وتصارخي أو تزعلين بجد ولا تنسي إنك جالسة تمثلين علية مب أكثر عشان يصحا من الغفلة اللي هو فيها ويتغير شوي..))

في حال قال هية وعطاكي بعض العيوب حلو حبيبتي لأزم تغيرينها...
في حال قال لأ..حلو بعد قوليلة وليش تحرمني إني أسمع منك كلمة وتعليق كمجرد ثناء على أي شي يعجبك
وليش ما تعطيني من وقتك شوي ولا أنا ما أستاهل ...وقوليلة أخاف تكون مليت مني لأنك تقابل النت أكثر مني تجلس بالساعات مع هذا الجماد وأن الأنسانة كأن مالي وجود ..وإنتبهي تجيبي طاري أهلة أو الوقت اللي يقضية عندهم لأن هذا ما فية أي شي غلط بالعكس ويمكن ما تكلمية العصر تختاري وقت ثاني يعني في يوم تكوني نازلة معاة عند أهلة وجالسين تسولفوا ويوم تكونوا مروحين شقتكم تستغلي الوقت وتقولين لة اليوم ما بسمح لك تلتهي عني بالكمبيوتر والإبتسااااامة مالية وجهك وبدون ما تزعلية وقوليلة إنك تبي من وقتة شوي وكلمية في الموضوع وحسسية إنك تملين وتضايقين يوم ينشغل عنك والكلام اللي قلتة قبل يمكن يتأثر وقوليلة أنا أحاول قد ما أقدر أني أبني هالأسرة (عنكم طبعا) بس هو يهدم كل اللي تسوية بإنة ما يعطيكي إهتمام وأتمنى إنك توصلي الرسالة صح

وبالتوفيق والسموحة أذا قلت كلمة زعلتك

وأتمنى خواتي في النتدى يشاركونا في الأفكار

[أم بطي]

مشكوره حبيبتي ام بطي عالاهتمام والرد مثل ماقالو الاخوات كلامج درر يزااج الله الف خير
واحب ارد على om hosam اختي الغاليه تصرفج طبيعي واي انسانه اتحب زوجها شي اكيد بتغار عليه والحلال بين والحرام بين يااختي بس امبين ان زوجك متحمس وايد فحاولي انج اتكونين وياه فكل خطوه و تسديله النصايح باسلوب رقيق ولاتخلينه ياخذ فكره بانج عقبه نفس مايقول انصحيه بحب وهدوؤ واحذري اتقوليله انا اجهزلك نوتاتك والاختصارات وسويتلك وسويتلك وانته قلتلي اني عقبه وتعيدين فكلامه وتزيدين لا خليه هوه يذكر محاسنج ويحاسب نفسه بنفسه انتي عليج تنصحينه بالحسنى واذا ماحب ياخذ بنصيحتك لاتقومين الدنيا وتقعدينها لانج ابها الاسلوب بطفشينه وبتخلنه يصدق ظنونه فيج حاولي اتسايسينه وتمدحينه وتثنين عليه ترى الرياييل معدن واحد مايجون بالهوشه والنجره بالعكس الايصرون عالشي ويعاندون والحي على الله له بالهدايه والزمي الاستغفار

والله إنج فن وكلامك صح حتى أنا ألف وأدور عند نفس النقطة يا حبيبتي*** تناهيد *** وغلط تقولة سويت وسويت لأنة ما بيسألها عقب تساعدة في شي...

وأشكرج جداااااا على مشاركتج ورأيج وحتى وقتج وأتمنى إنة يكون في ميزان حسناتج يوم القيامة لأنج تفكين أختج من أزمة وكربة مش قادرة تطلع منها ...

وأنا وااااايد فرحانة لأنج تساعديني..

وبالتوفيق

[omhosam]

كرا على ردودكم واهتمامكم والله انكم ريحتوني شوي وخففتو معاناتي لاكن انا ماعاد فتحت معاه الموضوع عالجته باضعف الايمان خليته بقلبي وسكت وانا في تعاملي معاه عادي ولا عمري قلت له انا سويت لك والا عملت لك بس انا اقول هو شايف انا اسوي كل حاجات الدراسه وانا حامل الين ولدت وفتره النفاس ولا اروح اي مكان غير العمل واذا بنروح عند اهله بعد شهر يوديني ومعاي الكتب حقه وكل ماشافني اتكلم مع اخواته والا امه يقولي جالسه تتكلمين مانتي مغلقه الكتاب اقوم اكتب وهم حولي ينبسطون وبعدين في الاخر يقولي حاقدة وعدوه وصار يقولي ذحين متى تكتبين وتغلقين بيني وبينكم علشان ماوصلنا انا وهو حل يرضينا شايله عليه بقلبي وهو يغير عليا في عملي ومايخليني اتكلم مع مديري في اي شئ اذا احتجت اي شئ للعيادة اتصل عليه واقوله خليهم يوفرولي اي طلب ينقصني ابغى اجازة ابغى اذن لازن هو اللي يتكلم وامور عملي كلها هو يسويه ويرفض اي شئ اقول ابغى اتكلم مع المدير اواي موظف معنا في امور تخصني فين الانصاف والعدل واحنا بس نطبطب عليهم طول العمر مافي خروج لا عند زميلاتك ومناسبات ولا اي مكان واذا احنا في السوق اقوله انت خلص من هذا المكان وانا ادخل المكان اللي جنبه اشتري حاجه معينه يقولي لا انا اروح معك الرجال في المحلات عيونهم طويله واخاف يطالعون فيك واحيانا ارجع وانا ماقدرت احضر جميع ما احتاجه تقفل المحلات علشان الصلاة ارجع وانا زعلانه لاكن مايلاحظ اني زعلانه وامرر الموضوع عادي دائما يسويها معايا وانا اقول }{اللهم اجرني في مصيبتي واخلف لي خيرا منها}

[@طيف@]

:68::68::68::68::rroo::rroo::rroo::30::30::30:

[" شام"]

بارك الله فيك اختي الفاضلة.تقبلوا خالص تحياتي
أختكم

[روحي تحبكـ]

مشكوره أختي

الله يوفقهك ويهنيك ان شاء الله راح اسوي اللي قلتي عليه

وان شاء الله تتغير حياتي

الله يعطيك العافيه

[أم بطي]

ي وحدة من الأخوات عرضت مشكلتها بس بدون ما تعرف عن نفسها..وهذا عادي

شوفي حبيبتي والله ما أعرف شو أقولج بالظبط لأنج لقيتي في إيميلة رسائل لأجنبيات بس بعدج مب متأكدة إذا فيها خيانة ولا لأ فلا تستبقي الأحداث..
وبالنسبة لعيالج هم شو ذنبهم وليش تحملينهم شي مب مسؤلن عنة والطفل يوم يتعاقب لازم تبينين لة شو سبب العقاب وغير جي إذا هم بتحملينهم شي مالهم ذنب فية بيأثر على نفسيتهم وياليييييت هذا أصلا بيحل الموضوع..وخفي شوي عليهم حرام..

وأكبر غلط هو إنج تشتغلين معاه في نفس المكان(لج ولة)؟؟؟يمكن تستغربين كيف؟؟ وليش؟؟ وهذي فرصة يكون تحت عيني وأنا عندي علومة ...... بس والله غلط

أول شي بقول ليش غلط بالنسبة لة: لأنة بيحس إنكك ورااااة ورااة في البيت في الطلعة وحتى في الدوام وما عندة مجال يتنفس شويت هوى والرجال كلهم ما يحبون الحرمة اللي ضاغطة عليهم ويتنفرون منها بدون وعي من خلال الحركات يمكن تحسين لأنج قلتي يكلم الحريم بلطف وفي البيت يصارخ عليكي ويحس إنة مل من كثر ما يشوفك قدامة في كل مكان حت ما في مجال يحس بإحساس الشوق والولة عليج لأنج دوم عندة..ويحس إنك كاتمة على نفسة وما يقدر يسوي شي لأنج موجودة وعى أساس هذا بيبني في مخة إن في وجودج عندة بيكون مراقب وما يقدر يتكلم مع أي وحدة من زميلات العمل حتى لو كان بخصوص الشغل ..وترى خوفة هذا وزعلة لأنة يحبج وما يبيكي تاخذي فكرة عنة أو تشوفية وهو يسوي هالأشيا.ء..

وبالنسبة لج إنتي: أول شي ما راح ترحمين نفسك وإنتي خايفة علية وتركيزج كلة وين راح ويكلم منوا ضحك مع مين وما راح تركزين بشغلك وبتوسوسين وايد وبالطريقة هذي تعذبين عمرك ولا تحطي في بالك إن المراقبة والمتابعة بتمنعة من إنة يسوي الشي اللي يباة لأن عندة 100 طرقة وطريقة ولو إنك ما تشوفين شي أحسن لك بواااايد..


وأنا أنصحج يا إختي إنج تفكريييين عدل قبل ما تتسرعين وتهدمين كل اللي بنيتيه في لحظة وبالذات عشان العيال ولا تنسي الحين بحكم العمل ووجود بنات فية مب معناه إن الرجل يخون زوجتة لمجرد أنة يكلم زميلتة في العمل ولا تنسي إنه مجبور يتفاعل مع كل اللي في محيط العمل من نساء ورجال ويمكن هو يتكلم معاهم عن مواضيع الشغل بس ضحك أو أبتسم مب معنااااه خلاص لأنة بيقولك مستحيل أكلم الناس في الشغل بعصبية ولا تحطين الأفكار هذي وتزرعيها في مخيلتك أخيتي إنضري للدنيا بإجابية وقولي دايما في نفسك لما تفكري إنة يخونك لأ أنا ما أريد أغش نفسي وأخسر زوجي أو عيالي لمجرد وسواس فيني لأنة مستحيل يفكر يلعب ويخون في حظورك بالعكس الرجل دائما يفضل يخفي الشي هذا لأنة ما يريد يشوة صورتة قدام شريكت حياتة وعلى فكرة أحس زوجك يحبك لأنة يصارخ عليك بالذات لما يحس إنك كشفتية لأنة ودة يسوي شي من وراكي وفعلا يضايقة إنج تكشفين كل شي وعلى فكرة بيضااااايقة أكثر لو قلتي شي وإتهمتية غلط لمجرد إنك شكيتي كالمعتاد وطلع غلط وعشان جي أقولج تخلصي من هالعادة وحسسي زوجك إنك تحبية لأني أحس هالجانب عندكم محيتوة وأهم شي الثقة الثقة الثقة لا تخسرينها ولا تحسسيه أنك عارفة إنة يخونك مع إنك للحين ما شفتي شي بعينك ولا تحطي في ذمتك عشان الرسائل وبس لأن الرجل إذا حس أنة خسر ثقة زوجته يعني خسر حبها ووأشياء كثيرة ويمكن خسرها للأبد وبيصير كل شي عندة منتهي ودمر ومش فارقة عندة حتي لو يخونج بحظورج بالعكس حسسية بالحب الكبير اللي بينكم وبالثقة اللي ما يهزها شي وبالذات في نطاق العمل لأنج تحرجينة بالطريقة هذي قدام الكل وتعطيهم فكرة إنة خائن أو إنك مب واثقة فية وهذا يأثر فية سلبا وينعكس في أفعاله ويقوم يصارخ عليكي ....بالعكس لو إهتميتي فية وغيرتي حياتكم تغير جذري وخليتية يتعلق فيكم أكثر حتى لو فكر يوم لا قدر الله يخونك بيحس بتأنيب الضمير وبالذات لأنك كنتي دوم تشجعية وتعطية الثقة اللي بس الزوجات المثاليات يمنحونها لأزواجهم المخلصين ..بس بالمشاكل وقصة كونان في الدوام للأسف كل شي بينتهي حبيبتي والله كلنا حاسين فيج بس أخر شي بقولك صلي ركعتين وإجلسي مع نفسك وإحسبيها لأن الحل بين إدينك وقدام عيونك ونحن دورنا نبين لك الأشياء اللي يمكن ما خطرت على بالك ونوضحها يمكن تكوني على غلط وكثير مبالغه بس لا تهدمين أسرتك وفكري بالعيال وطنشي وتغاضي عن بعض الأشياء والمشكلة ما بتنحل إذا إستمرت الثقة مهزوزة بينك لا وبشريك حياتك اللي يسوي المستحيل عشانكم وشوفي شو الإيجابيات والسلبيات وشو بتخسرين لو كملتي بالطريقة هذي أو لو حاولتي تتغيرين وتغيرن كل شي روتيني في حياتكم وردي لزوجك الثقة وكلمية بكل هدوء ووصلي لة رسائلك اللي تبيها توصلة بإنك واثقة فية ومنحتية فرصة يكلم غيرك مع إنك مؤمنة إنة كلة ملك لك بروحك بس عشان الثقة اللي بينكم وعشان الموضوع ما يتعدى حدود العمل عشان هو يحافظ على الثقة هذي ويحاول مايخسرها ويكون قدها وخلية يحس بإهتمامج فية وخلية يفتح قلبة لج وتتحاورون عن المواقف اللي مريتوا فيها بالدوام مب تسوها هوشة على كم بنت كلمها وفي الأخير القرار بإيدج سوي كل شي تقدرين علية وغيري للأحسن بس بعد ما تفكرين مرة ومرتين وثلاث لأن موضوعك جدا خااااص.

وبالتوفيق

[قمر جده]

ام بطي موضوعك رائع بارك الله فيك

[أم بطي]

مشكوووووورة حبيبتي **قمر جدة** رأيك في الموضوع
ويسدني مرورج...
وجداااا أسعدني كلامج

[mnarat]

شكرا حبيبتي على الرد ادعي لي ان يعيعينني الله عل نفسي

[mnarat]

جزاك الله خيرا اخيتي ادعو لي ان انتصر على نفسي و أسال الله لي ولكن الجنة والتوفيق والصلاح بالدنيا وأن يجعل أزواجنا قرة أعين لنا وأن يجعلنا قرة أعين لأزواجنا

وأن يصلح ذرياتنا أنه مجيب و سميع الدعاء

وصلى الله وسلم على سيدنا محمد وعلى آله وصحبه أجمعين

أختكم في الله

[قلب المنى]

مشكووووووره اختي
وجعله الله في موازين حسناتك

[أم بطي]

مشكورة حبيبتي mnarat على الدعاء..
وأتمنى من كل قلبي إنج تلاقي حل لمشكلتج والأهم بدون يأس

وأشكر الغالية **نجمة بيت حواء :قلب المنى**
على مرورها الرقيق ودعاءها

[أم بطي]

الحمدالله إن ماشي مشاكل واااااااااااااااايدة وإنشالله دوووووووووووووووووووووم

[أم بطي]

السلام عليكم يااااااااحلواااااااااات


الحمدالله من فترة محد عرضت مشكلة بينها وبين شريك حياتها وإنشالله دوم
حبيت أعرض كم نصيحة متعلقة في حل مشاكلنا الزوجية...

ينبغي أن ينظر الزوجان نظرة واقعية إلى الخلافات الزوجية لإنها من الممكن أن تكون عاملاً من عوامل الحوار والتفاهم إذا أحسنا التعامل معها .

1- لا تخلي نفسك دااااااااايما مظلومة وإن مالك أي صلة أو علاقة في سبب غضبة أو نفورة من البيت وزعلةوإبحثي عن السبب للمشكلة وإذا كان منك لأنك قلتي كلمة زعلتة بدون قصد أو قمتي بفعل أزعجة أو نسيتي وعد أو قصرتي بأحد واجباتك تجاهه......ولا تكرريها

2-إبتعدي من إسلوب الحن والزن...

3- إنتبهي تقولي إنتة مب نفس فلان ولا علان اللي عمل لزوجتة كذا ولا كذ..



هذي أكمن فكرة واللي حابة ضيف شي حياها للفايد وأنا بكتب من فترة لفترة أي نصيحة تخطر ببالي

[هواها خليجي 22]

السلام عليكم ورحمه اللة وبركاته

مشكورة ام بطي على هذا الطرح والله الفكرة حلوة وان شاء الله معاها تنحل كل مشاكلنا..


بصراحه انا عندي مشكلة وانا عارفه ان العيب احيانا يكون مني لكن هوا كمان ما ابرية واعصمة من الخطاء..

عيوبي انا عصبيه وانفعل بسرعه واقول كلام اندم علية بعد ما اهدا واروق..

انا رومنسية ابغى على طول كلام حب ودلع وزوجي يحب كذا كمان..بس لما حملت الان صار مالي حيل ولا خلق
بديت احس انه بدا يبعد عني ودايم يسهر مع اصحابة وانا اروح عند اهلي

طبعا انا موظفه ودوايم عكس دوامه مع نلتقي الا الساعه 11 الليل

طولت عليكم بس ابغى اعرف كيف ارجع زوجي لي واخلية يهتم فيني مثل اول واكثر خصوصا اني محتاجه ه الان اكثر من اول
ساعدوني .....وماراح انساكم من دعائي..

[أم بطي]

حبيبتي لا تكدرين خاطرج وصدقيني كل مشكلة ولها حل بس مشكلتج مب واااااااايد واضحة وأنا برد على الكلام اللي قريتة وأتمنى إني أقدر أفيدج لو بشي بسيط...

أولا نحن الحريم فينا عيب مب طبيعي يعني في بداية الزواج نكون ولا أروع وبعد فترة نتغير يعني الحمل والتربية تكون مسؤلية يدية علينا بس بعد لازم ما نمل من الزوج أو من الأشياء اللي كنا نسويها قبل يعني ليش تتمللين وإذا إنتي بديتي تتمللين زوجج شو بيقول ؟؟؟ وصدقيني لو لا قدر الله حسيتي في وحدة ممكن تشاركج فية أنا متأكدة إنج مستحيييييييييييييييييييييييييييييييييييييييييييييي يييييل في لحظة تحسي بتعب أو ملل أو تنشغلي بغيرة مهما كان وبتحاولي ترضية وتلفتي إنتباهة وتغرية بكل الطرق ..بس الحين بنتعذر بأي شي عشان نبرر سبب إهمالنا وتقصيرنا والكلام هذا مب لج وبس حقنا كلنا وأنا وضعي مب أحسن عن وضعج بس الحين صحصحت وتلاحقت عمري وما أريدج تغلطين والله..كوني دااااايما قدامة أحلى وحدة في بيتج وأناقتج ولبسج ومكياجج وريحتج حتى لو مايكون في شي بينكم والله خلية حتى لو غبتي أو شاف غيرج يحس إن كل اللي يبية أو كان خاطرة فية يشوفة عندج ومحد يقدر يسوية نفسج..

حاولي كل ما تحسي بملل وفتور تكوني متجددة خذي أفكار من النت ومنتدااااانا مليان بالأفكار الحلوة للزوجين خذي بعض أفكار البنات في مفاجئة الزوج بالهدايا وكيف يرتبون الليالي الحمر وكيف يمكن إمتصاص غضب الزوج وشو واجبت الزوجة والنظافة وترتيب البيت وغرفة النوم وإدخلي على منتدى الأناقة والجمال وإهتمي بجسمج وشعرج وعندج المطبخ وغيييييييييييييييرة أشياء وااايدة تساعدج في التجديد والتغير حطي كل تفكيرج بالأشياء هذي عشان تكسبية وتقربية عندج.

وجربي تقربية منج بصورة مب مباشرة بحيث تطلعو وتسهروا برع في أي مكان وتعشوا برع بدال ما يكون مع ربعة يكون الوقت مر وهو معاج بس مب حاس أو قوليلة إنج عازمتة عالعشاء بس مب برع في البيت وجهزي الشموع والبيت والأهم إنتي كوني عروس قدامة أو شوفي شو يحب يشوف زوجج من أفلام أكشن أو مصارعة أو كرة قدم جهزي المكان ولا تخلية يطلع قوليلة في سهرة في البيت وسوية سينما.. وغيرة من الخطط اللي ما تكون مملة ولا تكون مفروضة علية فرض يعني تعرضينها عليه بهدوء وتخلينة يتلهف إنه يجرب أو ما يطلع لأن الملل يذبح وهو بيروح يسولف ويضحك مع الربع أحسن عن الملل اللي يحس فية كوني دوم متجددة في أفكارج وطلتج عشان يحس إن الجلسة معاج ما تتعوض وما يفكر يطلع من عندج لأنة كلة يعتمد عليج.....

وبيني وبينج الحرمة في هالزمن لازم تكون مثل( المرأة الحديدية) والله , لأن الحين مع هالإنفتاح الوحدة تخاااااااااااااااااف على زوجها وتحاول ما تمل أو تيأس لأنها بالطريقة هذي تكون تسمح للملل والفتور يتخلل في حياتها الزوجية ويهدمها.. ولا تنسي المثل اللي يقول: إبنج على ما تربية وزوجج على ما تعودية..

وإذا خليتيه من الحين يتعود على ربعه والسهر برع البيت وإنتي تكوني في بيت أهلج مثل اللي مستسلمة عقب ما بتقدرين تغيرين هالشي وأنا ما أقدر أقول الوقت صار متأخر على هالكلام لأن عندج فرصة وبذكائج وإسلوبج وصبرج ومحاولاتج تقدرين ترجعينة مثل قبل واحسن وحسسية الحين إنتي إشكثر محتاجة لة ولوجودة عندج في الفترة هذي بالذات ولازم تجربية من البيبي اللي ياي وتهيئية للشعور هذا لأنة بيكون أب قريب ..

ونصيحة عشان ما تفشل محاولاتج وكل اللي تسوية : الهدوء الهدوء الهدوء

قد ما تقدرين كوني هادية وياة وأبد لا تزعلية بالذات هالفترة ولا تحلين مشاكلج معاه بالصراخ تراة بيطفش كوني هادية لدرجة ما يتخيله حتى لو كان هو الغلطانا لأنة إذا عصب وكنتي هادية بيندم عقب ع كل شي لأنة بيبدى يهدى ويفكر في كل شي صار وبالذات ردة فعلج الهادية وبيحس بتأنيب الضمير لكن لو صرخ وصرختي بيكبر الموضوع في راسة وحتى لو غلط ما بيعترف لأن في غلطة سويتيها قدامة وهي صراخج أو إهمالج لة وإستهتارج بة يخلية يبري عمرة ويحس إنج إنتي الغلطانة .. وبالنسبة لأسلوبج وإنفعالاتج عادي كلن بة عيوب بس حاولي تتحكمين فيها لأنج واعية إنتي بإنج ترجعين تندمين على اللي سويتية أو قلتية وإنتي ملاحظة الشي هذا وعلى أساسة المرة الثانية يوم تنفعلي إذكري على طول قبل لا تغلطين إنج يمكن تقولي شي عقب تندمين علية وتحسي إنج تهورتي فية وإمسكي أعصابج وإهدي وعقب إتكلمي وبعد فترة بتحسي إنج قادرة تمسكين إعصابج شويشوي.

والله يفرج كربتج أمين وطمنيني على وضعج من فترة لفترة

[أم بطي]

أرجو فعلا من الجميع إنة يحترم طلب غيرة في المساعدة وما يبخلون على خواتهم بحلول تخطر على بالهم ويتخيلو لو كانو مكان وحدة عندها مشكله كيف بيفرحون بالمساعدة..

وأدعي من الله إنة يفك كربكم ومشاكلكم

[هواها خليجي 22]

مشكورة يا ام بطي..الله يعطيك الف عافية على كلامك الرائع والي بجد يبعث بنفس الواحد الامل..

كل حرف كتبته ايدك جا على مواضع الالم عندي وابراها..

تدرين ام بطي اني سقطت الي ببطني ..وحاليا زوجي صار قريب مني ممكن لانه خايف على نفسيتي تكفين يا ام بطي اانتي وكل وحده بالمنتدى ان تدعيلي ان الله يخلف على بالذريه الصالحه في الوقت القريب



وشكــــــــــــــرا......

[أم بطي]

مشكورة يا ام بطي..الله يعطيك الف عافية على كلامك الرائع والي بجد يبعث بنفس الواحد الامل..

كل حرف كتبته ايدك جا على مواضع الالم عندي وابراها..

تدرين ام بطي اني سقطت الي ببطني ..وحاليا زوجي صار قريب مني ممكن لانه خايف على نفسيتي تكفين يا ام بطي اانتي وكل وحده بالمنتدى ان تدعيلي ان الله يخلف على بالذريه الصالحه في الوقت القريب



وشكــــــــــــــرا......



الله يخلف عليج بالولد الصالح ولا تزعلين من حكمة ربنا والله يفرحنا فيج قريب ونسمع خبر حملج وتصدقين أنا صار لي نفسج من شهر ومات الله يرحمة ولا تزعلين عمرج وصدقيني الله ما يختار لنا اللا اللي فية الخير.. وبعدج كتكوتة والعمر قدامج بس طمنيني على وضعكم من فترة لفترة

[أم بطي]

يابنات شاركونا في أرائكم وأفكاركم لمساعدت أخواتنا في الله لحل مشاكلهم وكل شي بأجرة ..
عطوهم من وقتكم دقايق ولاتبخلو عليهم في حال عندكم حل..

ومشكورات وما تقصرون وعشمنا فيكم كبير

[عفاف سيد]

بارك الله فيك على هذا الموضوع الرائع

[تلميذة البحر]

والله انك صادقة ياأم بطي احنا دايما عصبيين على اتفة الامور والمشاكل اصلا ملح الحياة ومافية بيت مافية مشاكل بس كل انسان وشطارتة في حل المشكلة

[ليدي الامورة]

الف شكر