نداء.... قمرنا قمر2 ارجوك ............

[رمـــ الغـلا ـــوز]

السلام عليكم .............
اخيتي الغالية: قمر 2 ارجوك ساعديني فقد يئست من زوجي سويت لة اكثر الي قلتي لكن مافية اي فائدة ولا تحسن
عموما انا و طفليني مانشوفة غير الاربعاء وخميس وجمعة بحكم عملة ومع ذلك الحياة مالها طعم كثير يقولي انتم باقي عرسان لكن والله مايدرون وش صاير.. صار لي متزوجة 6سنوات وحنا على ذا الحال ماقد قال لبسك حلو اوطبخك او ترتيبك مع العلم اني حلوة احب الترتيب والتغيير واطبخ تمام بشهادة اهله والنظافة بشكل كبير قلت برقص لك قال ماحب الرقص البس قصار وحركات ويقول الطويل اشكل.والله والله اكتب لك وفي قلبي حرقة مادري وش اسوي معه مايحب يسولف وماقد شكى لي (مو معقول الدنيا صافيه لة) كثير الانتقاد احيانا افكر اقولة يتزوج ويخليني انا عند اطفالي .....


ارجو منك الرد سريعا" او من اي اخت تقراء رسالتي لاتبخل علي بالنصح ..:94:

[نكهة مطر]

والله يا اختي ماا نصحك غير بالدعاء وبالذات اخر الليل وقراية سورة البقرة بشكل يومي

لاتتكاسلين وانا اختك اللي يبغى السعادة يسوي كل شي

واحب اقوللك ترى ما احد مرتاح كل مين عنده همه والسعادة الكااااااااامله ماتقينها عند احد
وبعد احب اقوللك ترى الحركات الرومنسيه مو كل الرجال تحبها
وتراها يا اختي مو مقياس للسعادة الزوجيه

شوفي يقولك اذا ماطاعك الزمن طيعه اذا زوجك مامشي على هواك انتي امشي على هواه

وصدقيني راح ترتاحين

ارجوك طمنينا عليك بعدين
وعليك بكثرة الاستغفار
وشكرا


اختك : نكهة مطر

[عبير الورد 123]

الله يهدي النفوس ويصلح الحال اختي اللهم امين

:)

[{~جوود~}]

وعليكم السلام

يا أختي أولا الله يعينك ...

وبعدين من قالك ان كل الرجال تعجبهم الحركااات الرومااانسيه ..

انتي جربتي وشفتي طيب ..

بسألك سؤال

كيف علاقتك مع الله ؟؟؟؟؟؟؟

هل فكرتي بعلاقتك مع رب العباد قبل أن تفكري بعلاقتك مع زوجك .. ؟؟؟؟؟؟؟

هل تحافظين على الصلاة في وقتها وخصوصا صلاة الفجر ؟؟

هل تحافظين على أذكار المساء والصباح .. كاملة ...

هل تصلين السنن الرواتب ؟؟

هل تجلسين على سجادتك بعد صلاة الفجر إلى وقت الشروق ؟؟ تسبحين وتستغفرين وتذكرين الله

هل تكثرين الإستغفار والتسبيح ؟؟؟

هل خصصتي لك ورد يومي لقرأة القرآن ...؟؟

هل إذا أحسستي بضيقه كررتي أدعية الهم والحزن ؟؟

إذا لم تكوني كذلك فاعلمي أنا ما أصابك من تقصيرك في جنب الله ..

قال تعالى : ((ان الله لا يغير ما بقوم حتى يغيروا ما بأنفسهم ))

وان كنتي مداومة على ما ذكرت فاعلمي انك في امتحان من الله.. والله إذا أحب عبد ابتلاه ..

ولكن عليك بالصبر.. الله سبحانه وتعالى وهو القادر على كل شيء خلق السموات والأرض في ستة أيام رغم أنه قاد

أن يقول (كن فيكون ) .. ولكن كل شيء يحتاج لزمن أو مدة حتى يتم أو يكتمل ..

وكذلك الجنين يتكون في رحم أمه في 9 شهور ولو شاء الله ان قال له كن فيكون خلال ثواني ..

لكن كل شيء يحتااج لزمن في تماامه وهذه ربما لحكمة لا يعلمها إلا الله وحده أو لكي يتفكر الإنسان ويعلم

أن كل شيء في هذه الدنيا يحتاج إلى صبر وزمن حتى يتم ويكتمل ..

وكذلك ليرى الله مدى صبر الإنسان على بلواه ..

فيا أختي ان كنتي تكثرين الإستغفار والتسبيح ومحافظة على أذكارك ..

بقي لك شيء آخر تفعلينه أشغلي نفسك فيما يرضي الله لا تجعلي زوجك أكبر همك ...

اجعلي همك في هذه الدنيا رضا ربك .. قبل كل شيء ...

تعلمي شيء مفيد التحقي بدوررات تعود عليك بالفائدة فابحثي عن ما تملين إليه من مهارات ونميها وطوريها ..

قوي علاقاتك الإجتماعية إما بزيارت الأقارب أو الصديقات أو الجيران .. اشغلي نفسك عن التفكير في زوجك كل ما

عليك ان تؤدي حقوقه وواجباتك التي عليك تجاه ربك ثم زوجك ..

اجلسي مع أطفالك نمّي قدراتهم حفّظيهم قصار سور القرآن حتما ستسعدين عندما تشعرين انك انتجتي شيء

يعود على أبنائك بالنفع .. علميهم الحرووووف .. الأرقام الألوان طوري مهاراتهم ..

وطوري نفسك ستجدين السعاده بإذن الله عندما تشغلي نفسك بشيء مفيد ...

وبعدها ربما يأتي لك زوجك ويطلبك هو.. الليالي الرومانسية والخروج معه للنزهاات ..

لكن ثقي تمام أنا ما يعجب الأزواج ليس شرطا يعجب زوجك ..
كذلك الفرق بين النساء أن ما يعجبك ليس شرطا أن يعجب غيرك من النساء ...

فلا تجعلي همك الأكبر زوجك اجعلي نصيب لسعادتك انتي أولا ثم فكري بزوجك وألادك ..

وصدقيني إذا لم تشعري انتي بالسعاده من داخلك لن تستطيعي ان تسعدي غيرك ...

اهتمي بنفسك فيما يرضي الله أولا ..

واعلمي أن الحياة لا تصفو لأحد ...

قال تعالى : (لقد خلقنا الإنسان في كبد)

كان الله بعونك يا عزيزتي ...

[فالي المليون]

عادي ترى كثير مثلك وسعي صدرك حبيبتي

[رمـــ الغـلا ـــوز]

الف الف شكر اخواتي على المرور والنصائح القيمة والمفيدة


شكرا" لك اختي الغالية نكهة مطر

و اختي جوووود ..... جعل الله كل حرف كتبتية في ميزان حسناتك... لا حرمكم الله الأجر


شكرا" على المرور ام غرام 18 و فالي المليون .......قوة موسعةصدري :94:

[قمرالسما]

ياختي لا تزعلين

اهم شي انه مو مقصر عليك ولا على بيته وعياله

وكثير من الرجال الحب عندهم كذا
الرجل مو مثل المرأه وكل واحده من الحريم تختلف عن الثانيه
كذلك الرجال اذا قالت لك وحده عملت كذا وكذا لزوجي وكان رده كذا وكذا
لاتتوقعين نفس الردمن زوجك

الله يسعدك ويعينك

[رمـــ الغـلا ـــوز]

شكرا" حبيبتي قمر السما على المرور ....

[" شام"]

وسعي صدرك اختي الكريمة واصبري ان الله مع الصابرين . الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

[ام الجواهر]

اختي لا تياسي و حاولي مرة بعد مرة و ان شاء الله يفرج همك

http://www.hawahome.com/vb/nupload/95252_1206607482.bmp

[القمر 2]

ياقلبي عليك والله ماشفت موضوع غير اليوم وانا اسفة
اختي لاتستعجلي اعملي حركات وتوليع و ورمانسية لاتقول مافي فايدة كملي
ترى انا كذا زوجي
والله لبس ولا يطالع اطبخ ولايقول شكر ولا حلو اذا ماكان مكشر الحمدالله
ترى اكثر الرجل كذا
لا تقهري نفسك ولاتفكري ارقصي ولبسي واطبخي نفع مانفع انت كذا
حتى لو خذ غيرك راح يحس بالفرق القوي ويرجع لك افضل من اول

[ميري 2008]

غاليتي اخت تعاني نفس معاناتك لدرجة ان زوجها يقول لها لا تلبسين اقمصة نوم انا ما احب اشوفها عليك وهي ما شاء الله جدا جميلة ونظيفة وطباخة ومرة عزم اصحابه في رمضان وسوت له فطور اشكال واصناف وصحيت علشانه من الساعه سبعة تخيلي اش كانت ردة فعله تفل في وجهها وقال انت تبغين علشان الرجال يمدحونك اعمته الغيرة انه يقول لها كلمت شكر او مدح وهي تحلف انها ما تعبت الا علشانه هو وعلشان تبيض وجهه
بس عندها مشكلة في شخصيتها هي اللي مخليه زوجها نافر منها ويوم بدات اتغير شخصيتها بدا هو يتغير معاها ولو قلت لك ايش المشكلة بتستغربين ويمكن ما تصدقين المشكله انها طيبة زيادة عن اللزوم وتتنازل عن حقوقها كاملة علشان ما تكلف عليه لدرجة انه اهلي اللي يصرفون عليها وطلع زوجها مهمشها في حياته علشان اهتمامها الزايد به ولما قلت لها هذا الكلام ما صدقتني وسرت اقول لها انه يبغى وحدة قوية الشخصية وتفكيرها عميق وثقافتها واسعة وتاخذ حقها بالكامل في البدايه ما صدقتني ومع مرور الايام سرت اقول لها بعض الاساليب اللي فيها قوة واقول جربي وشوفي ردة الفعل وفعلا طلع زي ما توقعت يبغى وحدة مهمشته وغير مبالية فيه والان اتغير لدرجة محد يتخيلها صار يدور رضاها ويسال عليها ومتعلق فيها
وانت ابحثي عن السبب اللي مخليه بعيد عنك فالصراحة حلوة بين الزوجين وحاولي تتغيرين شوي وشوفي ردة فعله وترى على فكرة في وحدة اعرفها تقول انها من يوم اتزوجت قال لها زوجها رجاء انا ماحب اقمصة النوم وهي مشتريتها من نعومي وتقول لي اطنش والبس قلت لها ما ينفع الهدف من لبس قميص النوم انك تجذبين زوجك واذا لبستيه وهو ما يحبه انت بذي الطريقة تنفرينه منك وصارت تلبس بناطيل وبديهات ووجدت اقبال كبير منه فصارحيه بالشي اللي يحبة واللي ما يحبه

[وجدوحنين]

أنا مع الاخت جود والاخت نكهة مطر والله يسعدك أن شاء الله

[أم قتادة]

الله يفرج كربتك حبيبتي
وعليكي بالدعاء وأسأل الله أن يسخر لك زوجك