&&أفكار لجهاز العروسة &&

[روائع]

السلام عليكم ورحمة الله وبركاته

بنات نحتاج مساعدتكم , تعطونا أفكار لجهاز العروسة0

يعني نبغى طريقة حلوة نودي بها الجهاز لبيت العروسة..

مثلا الأحذية والشنط ,, نبغى طريقة حلوة لتغليفها ,, إحنا سمعنا عن طريقة خياطة أكياس
من قماش التل أو أي قماش خفيف ونحط داخله الأحذية والشنط ,, فلو فيه فكرة ثانية ياريت تقولولنا عليها
وكيف نختار نوع القماش .....

كمان المكياج والأرواج ,, كيف ممكن نزينها؟؟
والبكلات والاكسسوارات والأطواق نحطها في سبت ونزينها؟؟؟؟


أتمنى ألاقي عندكم أفكار ,, لأني محتاجتها ضروري وفي أقرب وقت00 :D

[ام سلطان]

رورو بالمبارك على العروس

بس انتي قصدج مكسار

يعني بتسوون حفله و بيون المعازيم يشوفون الزهبه

بعدين بتنقلون الزهبه

ولا بس مجرد نقلها من بيت العروس الي بيت المعرس في سياره


ممكن اتوضحين عشان اعرف شو نوع من الافكار اقدر اعطيج

و السموحه

[ام سلطان]

شو رايج اختي رورو

اتحطون الاحذيه في مثل هالصناديق او انتو اذا عندكم صناديق ما تحتايونها

زينوها بهالطريق او صناديق الحذاء نفسه

http://www.deltacrafts.com/Projects/Crafting/DecoStamps/img/GlitzyGift.jpg


او في صندوق دائري اتحطون الحذاء مع شنطته

http://www.deltacrafts.com/Projects/Crafting/TextureMagic/img/Wedding-Cake.jpg

اعرف انها موصورة صندوق بس صوره تقضي الغرض:p



حصلتلج صوره يلا ولا تزعلين

http://www.deltacrafts.com/Projects/Paint/PaintJewels/img/LilacWeddingSet.jpg


او حطيهم

في

صندوق طويل يشل خمس جواتي مع شنطهم

اذا كنتي بتعرضين الزهبه

حطيهم بنفس الطريقه

او حطي الجواتي في خزانه مخصصه للجواتي بس اتكون ادراج الخزانه قابله


انها تنفتح بحيث انه كل اللي في الخزانه يبان

وطبعا زيني الخزانه بالورد و الاقمشه

اما عن الشنط تقدرين اتعلقينهم نفس طريقه العالاقه اللي في الكبت اللي انعلق

فيه ثيابنا

يعني اجيبين لوحين خشب من نفس لون خزانة الاحذيه و جيبين حديد طويله

وتتثبت الحديده بين الخشبتين بس الحديده اتكون محركه عشان تقدرين اتحطين

الشنط

او يتني فكره ثانيه بعد ما تسوين تفس الطريقه اللي قلتلج عليها هاتي يالله شو اقلج
مثل شو اها

مثل الدواير اللي يحطونهم للستاير بس اتكون الدايره شوي مفتوحه عشان

تقدرين اتعلقين الشنطه

ياريت اتكونين فاهمه قصدي

واذا ما فهمتيني بقطع تذكره و بييج

خليج كعاي على الخط و ستوعبي و خلج من اللعب بالقلب

و اياني وياج اتقولين هاي شو تقول

اتخيلي معاي الوضع

زين

اما عشان المكيج

شي شنط مكياج بوطوابق تقدرين اتحطين فيها المكياج

اما العطور اذا كان عندج صندوق مندوس (سحاره ) هالصناديق اللي كانو جداتنا يحطون فيها ثيابهم

بتحصلين منهم اشكال حلوه وباحجام

اول شي حطي قراطيس و جرايد داخل الصندوق لين ما توصلين للارتفاع اللي تبينه

بعدين هاتي اقماش و غطي القراطيس


و صفي العطورالفرنسيه و العربيه و علب العود و العود المعطر والكريمات

في الصندوق
بطريقه عشوائيه ونثري عيها ورود مجففه و وزعي شموع معطره في و سط

العطور


اما عن ادواة الله يكرمج الجمام

يبي صندوق حيزران وسوي نفس طريقه صندوق العطر و حطي فيه ادواتها

بنفس الطريق ولا تنسين اتحطين بين اغراضها شموع معطره و ورود مجففه

و بتحصلين في نفس المكان اللي يبتي فيه الشموع المعطره غراش فيها زيوت

عطريه ويبي بعد المحرقه مالة الزيت فيه وايد اشكال حلوه

انا اللي عندي ايبهم من لايف ستايل و شي في البودي شوب

اما عن شنط ملابسها فتكون الشنط موحدة اللون ويفضل لوكان لونهم ابيض او

سكري او بني فاتح بيكون لونهم و شكلهم ارقى ومناسب للمناسبه

تقدرين اتعطرين الشنط قبل ما تحطين فيهم الملابس وتم ريحة الشنطه حلوه

وبعد تقدرين ادخنين الشنط وبعد ماتحطين الثياب شي اكياس من القماش اتكون

فيها ورود مجففه حطيهم في وسط الشنطه

وتقدرين اتحطين الثياب في خزانه و دخنين الثياب قبل ما ادخلينهم الشنطه

ولا تنسين ادخنين و تعطرين شيل الصلاه و السجاد


بكمل لج بكره باقي الاغراض
:o

[ام سلطان]

رجعت قبل ما تقرين اللي كتبتلج :D

زين الحين للاكسسوارات و المجوهرات

طبعا المجوهرات الثمينه تنحط في نفس صندوقها و حتى الخواتم اتم في نفس

الصندوق

اما بالنسبه للطقم العرس الرئيسي او الطقم اللي لبسته يوم ملكتها

ينحط على مجسم المجوهرات الليعرضونه في محل المجوهرات

و تنحط في صندوق زجاجي بس له قفل

او تنحط في صينيه فخمه منصنوعه من المرايه و زينه بالورد الطبيعي بس ديرو

بالكم على الطقم

اما الاكسسوارات العاديه شي علب بلاستيكيه شفافه فخمه اتحصلينهم في

يالله وين وين او انا ما عرف وين في السعوديه بس بدورلج على صوره

صبري بروح و برد




حصلت صوره مقاربه بس انا اللي قصدي انه يكون شفاف و حوافه مزينه بقطعة

فضه عليها نقش و قبضه اليد بعد فضيه

http://www.deltacrafts.com/Projects/Paint/Ceramcoat/img/3-drawer-chest.jpg



و الشباصات و اكسسوارات الشعر

حطي البنس في علب مثل هذي بس اقصر

http://www.deltacrafts.com/Projects/Crafting/DecoStamps/img/3061-Tall-Stamped-Boxes.jpg

ومن نفس الشكل الاسطوانه القماشيه هاتي بعد عليه تكفي ربطات الشعر

و الشباصات

اما شباصات و البنس اللي هي خاصه بالمناسبات و السهرات حطيهم في صندوق

لحالهم

ولا تنسين اتيطنين العلب يقماش دانتيل او الشيفون التور اي قماش ثاني ان كان

ساده او مشجر


او بدل الصناديق القماش تقدرين اتحطينهم في سلال مربعه و مستطيله مصنوعه

من خيزران بس انتي زينيها و بطنيها بالقماش بس ما يكون لها غطى

اما المشوط رتبيهم في سله وبطني السله و تكون السله مفتوحه مالها غطى

و السشوار خليه في صندوقه او حطيه في نفس سلة المشط بحيث اتكون

سلةالمشط كبيره و عميقه مو سطحيه مثل سلة الشباصات

هذا اللي عندي

واذا ما فهمتي علي او ما فهمتي على اي نقطه

او انه ما عجبتج الافكار قوليلي

انا تحت امرج في اي استفسار او مساعده

رورو لاتستحين مني

وقوليلي اذا فيه شي

ترى هالاشياء من اختصاصي;)

[روائع]

أم سوسو http://smilies.sofrayt.com/fdm/tulips2.gif
ألف شكر ياعسل ,, ما قصرتي والله
بالعكس أفكارك كلها ماشاء الله روووووووعة ,, وتنفع نعملها ,,

بس ترى مو انا العروسة ,, :p ;)

تسلمي على الأفكار والصور الحلوة ,, أفادتنا كثييير http://smilies.sofrayt.com/fdm/blow-kisses.gif

[ام سلطان]

بس ان شاء الله عيبتج الافكار

[روائع]

جدااااااااااااااااااااااا روووعة ,,
أكيد عشانها من أم سوسو ;) :D

[ضي]

رورو يا قشطه:D عقبالك

فيه فكره حلوه وهو ان العروسه ودت ملا بسا في مثل الكوخ صلحته خصوصي لجهازها:)

وراح اسألك لأن احنا ما عندنا هذي الشغلات الناس لا يشوفوا جهازها ولا شي:D وانا اشوف كذا احسن مرتاحين:p

لكن نسأل لك;)

ضيونه:D

[روائع]

يا هلااا بضي 00

ماشاء الله فكرتك حلللللللوة :D بوريها للعروسة ;)


وعقبالك إنتي بالاول :p :D

[الشهد]

جهد رائع ام سلطان

الله يبارك فيك

وان شاء الله يفيد الجميع مش بس رورو وعروستها;)

[روائع]

:D ;)

[ام سلطان]

بشرينا

شو سويتي

وكيف طلعت

ولا ما طبقتي شي:p

[توفــي]

عقبال ما نبدع في جهازك رورو قولي آآآآآآآآآآمين ..

ودي أضيف معاكم شئ بس من زمااان عن هالحركاااات وما أدري ايش الناس سوت بالضبط ( أكيد دواهي ) ;)

خليني أفكر وقت النوووووم :p يممممكن ألقى فكرة ..

وعلى العموم الموضوع حلووو للجميع وينفع وام سلطان والله مااا قصرت يعطيها ربي ألف عاااافية .. :yes:

[ام سلطان]

تسلمين توفي

ولا تنسين تحلمين بافكار جديده

عشان تنفعنا في المنتدى:p ;)

[نبوضه]

ومشكورين على الافكار الرائعه


اتمنى باقي الاخوات يشاركونا

انا قريت فكره للمكياج

وهيا انك تسوي عند محلات التزين مجسم

على شكل شفايف وتثبتي عليها

ادوات المكياج وتغلفيها

مره عجبتي

وياقمر اذا لقيتي افكار جديده

ارسلي

ويسلموو