ابي اشتري الكتاب ولكن .....

[رووووزه]

السلام عليكم ورحمة الله وبركاته

اخواتي ضروري انه اليوم بروح السعوديه بس عشان اشتري الكتاب فسالت عن موقع مكتبة درا الجوزي في الدمام فقالت لي وحده من الخوات اتصلي على الارقام الموجوده فانه ماكثرت خبر واتصلت وحطيت رقم فتح الخط 00966 يطلع لي خطا في الاتصال فياليت اي احد من الاخوات تقدر تساعدني هل الرقم خطا او شنو قبل لاروح :80:

[نعومة84]

وعليكم السلاام ورحمة الله وبركاته
أيوه يا أختي الرقم صح بس انتي شكللك حطيتي الرقم من غير مفتاح المدينة

فلازم تحطي مفتاح الدمام وهو 03 واذا ما زبط خبريني
رقم تلفون دار ابن الجوزي تلفون: 00966038428146 ، 8467593


تحياتي

[رووووزه]

شكرا اختي نعومه يعني انه في البحرين على طول ادخل الرقم بدون فتح خط ولا اصفار هاذي اللي فهمته من كلامج إلا اذا كان جوال بس احط فتح الخط وضحي لي اكثر ومسامحه على كثرة تسؤلاتي والرقم تبع المكتبه 8428146 على طول ادخل ذي الرقم وهاذي رقم ارضي ولا جوال وتراني جربت احين مايصير .

[رووووزه]

اختي حطيت مفتاح الدمام وفتح الخط يظهر الرقم خطأ مادري شسالفه ؟؟

[رووووزه]

اختي نعومه اذا تدلين موقع المكتبه قوليلي قرب اي مجمع او سوق او شي معروف عشان زوجي يدله وشكرا لج .

[نعومة84]

شوفي انتي دخلتي هادا الرقم زي كده بالضبط ؟ 00966038428146
اذا ما زبط يعني لازم تشيلي الصفر الي بعد الـ66 حاولي ورديلي وأنتظر
وان شاء الله تدخل أم نونا
وهادا الرقم أرضي

[رووووزه]

شكرا اختي نعومه ماقصرتي والله ينعم عليج دنيه وآخره ويعطيج العافية تراني شريت الكتاب عقب لف وحوس او دوران لين وصلت المكتبه او بعد عناء من الاتصالات واتصلت شركه الاتصالات مو مره ولا مرتين والحمدلله شريته بفضل الله وفضلج شكرا لج .

[بستان المحبه]

رووووزه لوسمحتي تقدرين توصفي لي مكان المكتبه علشان اشتري الكتاب لاني دورت بدمام على الامكان الموجوده بس مادليت . ياريت خيتو تدليني في وين تصير المكتبه ومبروك على الكتاب وخبريني ويش رايش في الكتاب وبقم اشتريتي الرجوا الرد بسرعه لاني داخ راسي واني ابحث عن الكتاب بكل طريقه بس مافي فايده وين المكان بطبط في سواق او قرب محل او ماده لاني ماادل محلات الدمام مره ياريت توضحي لي . ولكي جزيل الشكر

[رووووزه]

اختي بستان المحبه اذا داخ راسج انه شاقول تراني ماعرف ادليك بالضبط لانه زوجي قعد يدور او بالصدفه شفت المكتبه بس المكان قريب من مجمع الراشد يعني احنه طلعنه من الراشد ودخلنه على شارع كله شقق بعدين شفنه شارع كله مكتبات زوجي نزل او سأل بس الموظف مادل قام زوجي لف يمين بالصدفه قلت له وقف وشفت المكتبه يعني لازم شوي تضيعين عشان تلقين المكتبه وتسالين مني مناك ههههه ياليت اكون افدتج وسعره 99 ر.س ورايي في الكتاب عجبني اهو متنوع او وصفاته سهله بس ياليت كان حطو مثل صورة البسكوت المستخدم و صورة القشطه لنه يختلف الطعم من ماركه لي الثانيه والعفو حاظرين لج واي سؤال انه حاظره ..

[ام نونـا]

اسفه ياقلبي على التأخير والحمد لله انك اشتريتيه


الرقم كان صح بس من غير الصفر

00966038428146

كذا الصح

0096638428146







كتاب بيت حواء إذا كنت تزورين الدمام تلقيه في طريق الملك فهد (ابن خلدون ) في دار ابن الجوزي

بإذن الله تلقيه ..مع أطيب المنى..

[رووووزه]

اختي ام نونا صح بدون صفر وانه يوم عطتني الاخت نعومه الرقم على طول قعدت اجرب ازيد صفر وشيل صفر يعني لين ضبط ومشكورة على مرورك .

[بستان المحبه]

مشكوره اختي رووووزه ويعطيكي ربي العافيه على الرد راح ادور على المكتبه وان شاء الله القهاء وتسلمي خيتو

[بستان المحبه]

بصراحه رحت الدمام ودرت ولفيت ومادليت
ورجعت والحين صرفت نظري عن الكتاب لانه مافي فايده لانه ماوزعوا في منطقتنه للاسف ومادل الدمام عدل يعني اداراحت اضيع
خلاص مابي الكتاب لاني تعبت واني ادور ه

[lefortroi]

طيب والمصرين ما ليهم حق شراء الكتا ب يا ريت اعرف ازاى اشتري كتاب مبدعات حواء وتسلمووووووووووو